PRU MAT 20:3 - Jinghpaw Common Language Bible 2009

³ “Ngai hta kaga karai kasang shaje hpe nawku lu na n rai.

Jinghpaw Hanson Version Bible

³ Ngai hta kaga Karai Kasang shaje hpe hkum naw hkum ku et.

PRU MAT 20:3 ပူးပေါင်းရင်းမြစ်များ

1 HKAWHKAM 11:4

shi asak kaba wa ai aten hta maigan karai ni hpe nawku ai hta shanhte shi hpe lam woi yit kau manu ai. Shi gaw shi a kawa Dawi zawn dai Madu shi a Karai Kasang hta sadi dung nga nu ai n rai.

SHAKAWN KUNGDAWN 29:2

Hpung shingkang rawng ai dai Madu a mying nsang hpe shakawn mu; Chyoi Pra ai Wa dan pru ai shaloi, shi a man e, dingnyawm mu.

SHAKAWN KUNGDAWN 73:25

Sumsing lamu hta, nang hta kaga ngai kadai hpe Madu shatai na rai nga a ta? Nang nye a Madu rai nga yang, mungkan ga ntsa e, ngai hpa naw ra na rai nga a ta?

SHAKAWN KUNGDAWN 81:10

Ngai nanhte hpe Egutu mung kaw nna shapraw la ai nanhte a Madu Karai Kasang rai nga nngai. Nanhte a n-gup ni hpe mahka mu, ngai nanhte hpe lusha jaw na mawe ai.

SHAKAWN KUNGDAWN 81:9

Nanhte gaw kaga hpara shaje hpe galoi mung n nawku lu na rai myit dai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

PRU MAT 20:23

Ngai hpe nawku ai hta, tinang a matu aja hpara, gumhpraw hpara ni hpe galaw lu na myit dai n rai.

PRU MAT 22:19

“Yamnga hte kanawn ai wa kadai mung sat kau ai hkrum na rai wu ai.

PRU MAT 23:24

Shanhte a hpara sumla ni hpe dingnyawm gum dagup lu na ndai n rai; dai ni hpe nawku lu na n rai; shanhte a makam masham hte seng ai htung lai len ni hta hkan sa galaw lu na ndai n rai. Shanhte a hpara sumla ni hpe jahten sharun kau nna, shanhte a chyoi pra ai nlung shadaw ni hpe agrawp shadaw kau lu na myit dai.

PRU MAT 32:8

Shanhte hkan sa na matu ngai hkang da ai lam hta na dam mat wa nhtawm ja shabyawng la let dumsu usu kasha langai galaw la nna dai hpe nawku ai hte shagu hkungga nawng jau ya nga masai. Shanhte gaw dai gaw Egutu mung kaw na shanhte hpe woi shapraw wa ai shanhte a hpara rai nga ai ngu tsun nga masai.

PRU MAT 34:14

Ngai Madu nan shingjawng kashun ai hpe n hkam sharang lu nga nngai majaw kaga hpara shaje hkum nawku myit.

ESAIA 26:4

Dai Madu hpe htani htana kam hpa nga mu; shi gaw anhte hpe tut nawng makawp maga na ra ai.

ESAIA 42:8

“Ngai chyu sha dai Madu na a Karai Kasang rai nga nngai. Kaga karai gaw nye a hpung shingkang hpe garan la mai nga ai n rai; Ngai gaw kaga hpara sumla ni hpe nye a shakawn kungdawn ga garan hkam la shangun na n rai.

ESAIA 43:10

“Israela amyu masha ni e, nanhte gaw nye a sakse ni rai nga myit dai; Nye a shangun ma tai na matu nang hpe ngai lata la nngai, Shaloi ngai chyu sha Karai Kasang rai nga nngai hpe nang chye wa nna ngai hpe kam sham ai hte chye na wa na rai ndai. Ngai hta lai, kaga karai shaje n nga nga ai; dai gaw moi prat e mung, du na ra ai prat hta mung galoi mung nga na n rai.

ESAIA 44:8

Nye a amyu masha ni e, hkum hkrit myit! Moi prat kaw nna ya du hkra na lam hpe nang chye ndai. Ngai gaw hpa byin wa sai lam hpe tau tsun da ni ai, nanhte gaw nye a sakse ni rai nga myit dai. Kaga karai shaje nga nga a ni? Ngai galoi mung n na yu ai daru magam n-gun rawng ai karai nga nga a ni?

ESAIA 46:9

Moi prat hta byin lai wa sai lam hpe adum nga mu; Ngai chyu sha Karai Kasang rai nga nngai mung, ngai hte bung ai wa mi n nga nga ai hpe mung yin la mu.

YEREMIA 25:6

Shanhte gaw nang hpe kaga hpara ni hpe n nawku na matu mung, na a lata hte galaw tawk ai hpara sumla ni hpe nawku ai lai hte dai Madu hpe n shapawt na matu mung tsun shadum da nga sai. Nang gaw dai Madu a ga hpe madat mara ai rai yang, shi nang hpe ari jaw na n rai.

YEREMIA 35:15

Ngai gaw nanhte hpang de nye a shangun ma ni rai nga ai myihtoi ni yawng hpe matut shangun dat ni ai; shanhte gaw nanhte hpe nanhte a n hkru ai amu ni koi kau na matu hte, ding hpring ai amu galaw na matu tsun shadum manu ai. Shanhte gaw kaga hpara sumla ni hpe nawku daw jau ai lam n galaw na matu nanhte hpe tsun shadum manu ai, shing rai jang, ngai gaw nanhte hte nanhte a nji nwa ni hpe jaw da ai mungdan hta nanhte matut shanu nga lu na myit dai. Rai ti mung, nanhte gaw nye a ga hpe n madat myit dai hte hpa zawn n nawn ya nga myit dai.

YEREMIA 7:9

Nang gaw arai lagu ai, masha sat ai, numshaw lashaw amu shut hpyit ai, masu ga tsun nna dagam ai, Bala hpara hpe shagu hkungga nawng jau ai, shawng de nang garai n chye yu ai karai ni hpe nawku nga ndai.

Daniela 3:18

Rai ti mung, shi lama wa n hkye la ai rai tim, madu hkawhkam, anhte gaw na a karai hpe nawku na ga ai n rai; nang shadun da sai ja hkrang sumla hpe mung anhte gum dagup na ga ai n rai,” ngu nna tsun ma ai.

HOSEA 13:4

Dai Madu gaw, “Ngai gaw nanhte hpe Egutu mung kaw nna woi shapraw wa ai dai Madu nanhte a Karai Kasang rai nga nngai. Ngai hta lai, nanhte Karai Kasang n lu myit dai. Ngai chyu sha nanhte a hkye la Madu rai nga nngai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

1 KORINHTU 8:4

Dai rai nna, sumla ni hpe nawng ai hkungga lusha a lam hte seng nna tsun ga nga yang, sumla ngu ai gaw kaja wa asak hkrung shamu shamawt ai lam n nga ai, hpa n re ai rai nga ai hpe mung, langai sha rai nga ai Karai Kasang hta kaga shaje n nga ai hpe mung, anhte dum chye ga ai.

1 KORINHTU 8:6

Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

EHPESU 5:5

Hpye ai wa, kaya n chye sari n rawng ai wa, nammak lawhpa ai wa, kadai rai ti mung, Hkristu hte Karai Kasang yan a mungdan hta sali kamhtaw galoi mung hkam la lu na n re ai hpe nanhte hkrak chye nga myit dai. (Hpa majaw nga yang nammak lawhpa ai lam gaw, sumla nawku ai lam amyu mi rai nga ai)

TARA JAHPRANG 5:7

“ ‘Ngai hta lai karai shaje hpe hkum nawku myit.

TARA JAHPRANG 6:14

Kaga karai shaje ni hpe mung, nanhte a grup yin e nga ai masha amyu ni a hpara shaje kaning re ai hpe mung nawku lu na myit dai n rai.

TARA JAHPRANG 6:5

Dai Madu na a Karai Kasang hpe na a myit kraw lawang mahkra hte, na a asak mahkra hte na a n-gun lagaw mahkra hte tsaw ra nga u.

HPILIPI 3:19

Dai ni gaw ngarai hta shanhte a lam htum na mara ai; hpa majaw nga yang dai ni a karai gaw shanhte a akan ngu ai hkum shan a marin marit ai lam tai nga ai. Shanhte gaw kaya kahpa lam hta gumrawng shara shatai ma ai hte ndai dinghta ga na arai hpe hkrai sha myit tsang nga ma ai.

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.

SHINGRAN 22:9

Rai ti mung shi gaw, “Shing hkum rai et! Ngai gaw, na a mung, na a kahpu kanau myihtoi ni hte, ndai laika a mungga hpe madat mara hkan nang ai ni a mung, shangun ma manang shada she rai nngai. Karai Kasang hpe chyu sha nawku u!,” nga nna ngai hpe tsun ai.

TARA AGYI 6:10

Ngai gaw dai Madu nanhte a Karai Kasang rai nga nngai; ya nanhte nga nga ai mungdan hta Amori masha ni a hpara ni hpe nanhte nawku lu na myit dai n rai; rai ti mung nanhte gaw nye a ga n madat nga myit dai ngu ngai nanhte hpe tsun ni ai.”