PRU MAT 20:2 - Jinghpaw Common Language Bible 2009

² “Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

Jinghpaw Hanson Version Bible

² “Ngai gaw, Egutu mung hte mayam tai nga ai nta na nang hpe shapraw la ai, na Karai Kasang Yehowa rai nga nngai.

PRU MAT 20:2 ပူးပေါင်းရင်းမြစ်များ

1 HKAWHKAM 18:39

Shing re ai lam hpe amyu masha ni mu jang, ga ntsa e shanhte gum dagup nhtawm, “Dai Madu gaw Karai Kasang rai nga ai; dai Madu chyu sha Karai Kasang rai nga ai law!,” ngu nna jahtau tsun ma ai.

2 HKAWHKAM 17:12

shanhte gaw hpara sumla ni hpe n nawku na matu dai Madu hkang da ai ga hpe mung n madat ya nga ma ai.

2 HKAWHKAM 17:7

Israela masha ni gaw Egutu hkawhkam a lata kaw na hkye mawai la ai hte Egutu mung kaw nna shanhte hpe woi shapraw wa ai dai Madu shanhte a Karai Kasang hpe shut hpyit kau nna karai kaga ni hpe nawku nhtawm,

2 HKAWHKAM LABAU 28:5

Hkawhkam Ahaza yubak galaw wu ai majaw dai Madu shi a Karai Kasang gaw Suri hkawhkam hpe gasat dang shangun wu ai. Yuda bawng masha law law ni hpe Damasku mare de woi wa ma ai. Dai Madu mung Remalia a kasha Israela Hkawhkam Peka hpe Ahaza a ntsa awng dang shangun wu ai rai nna lani jan e sha magrau grang htum ai Yuda hpyenla 120,000 sat kau ma ai. Dai Madu shanhte a kaji kawa ni a Karai Kasang gaw ndai zawn byin shangun wu ai; hpa majaw nga yang, Yuda masha ni shi hpe kabai kau ai majaw rai nga ai.

SHAKAWN KUNGDAWN 50:7

“Nye a amyu masha ni e, madat mu, ngai ga tsun nga nngai; Israela e, ngai nang hpe mara madun ai sakse hkam na nngai; Ngai gaw Karai Kasang na a Karai Kasang rai nga nngai.

SHAKAWN KUNGDAWN 81:10

Ngai nanhte hpe Egutu mung kaw nna shapraw la ai nanhte a Madu Karai Kasang rai nga nngai. Nanhte a n-gup ni hpe mahka mu, ngai nanhte hpe lusha jaw na mawe ai.

SHAKAWN KUNGDAWN 81:11

“Rai ti mung, nye a amyu masha ni ngai hpe madat na ma ai n rai; Israela amyu masha ni ngai hpe madat mara nga ma ai n rai.

SHAKAWN KUNGDAWN 81:7

Nang ru tsang hkrum nga ai shaloi, ngai hpe shaga manit dai hte; ngai nanhte hpe hkye hkrang la ni ai. Nbung laru kata na, nye a makoi nga ai shara kaw nna ngai nanhte hpe htan ya mani ai. Meriba hka hpawk e, ngai nanhte hpe chyam yu made ai.

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

PRU MAT 15:13

Na a ga sadi hta sadi dung nga ai rai nna, amyu masha ni hpe nang woi wa let, nang hkye mawai la nit dai; na a n-gun hte na a chyoi pra ai mung de nang shanhte hpe woi madun wa nit dai.

PRU MAT 15:16

Hkrit kajawng ai hte hkrit gari ai gaw shanhte a ntsa e du sai. O Madu e, shanhte gaw na a n-gun hpe mu ma ai shaloi, na a amyu masha ni lai mat wa nna, amyu masha ni hpe mayam prat kaw na nang shalawt kau dat ai aten du hkra, hkrit ai hte atsin sha nga nga ma ai.

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

PRU MAT 20:1

Ndai ni gaw Karai Kasang tsun ai shi a mungga ni rai nga ai:

PRU MAT 29:46

Ngai gaw shanhte hpe Egutu mung kaw nna woi shapraw wa ai dai Madu shanhte a Karai Kasang rai nga nngai hpe shanhte chye lu na mara ai; shaloi ngai gaw shanhte hta shanu nga lu na nngai. Ngai gaw dai Madu shanhte a Karai Kasang rai nga nngai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

ESAIA 43:3

Ngai gaw dai Madu na a Karai Kasang, Israela a chyoi pra ai Karai Kasang, nang hpe hkye la ai wa rai nga nngai. Dai majaw nang hpe shalawt dat na matu, Egutu mung hpe mung, Ehtiopi mung hpe mung, Seba mung hpe mung ngai jaw na nngai.

YEREMIA 16:14

Dai Madu gaw, “Egutu mung kaw nna woi shapraw wa ai ahkrung nga ai Karai Kasang ngai hpe Israela amyu masha ni galoi mung n dagam ai aten du wa na ra ai.

YEREMIA 2:6

Ngai gaw shanhte hpe Egutu mung kaw nna hkye mawai la nhtawm kadai mung n nga ai hte kadai mung pyi n lai hkawm yu ai dai zaibru jang ga hte zaibru nhkun ni, hkun hkraw ai hte hkrit tsang hpa lamu ga ngu ai nam mali hku shanhte hpe woi wa tim pyi shanhte ngai hpe hpa zawn n nawn ma ai.

YEREMIA 31:1

Dai Madu gaw, “Ngai gaw Israela amyu bawsang ni yawng a Karai Kasang tai nna, shanhte gaw nye a amyu masha ni tai wa ai shaloi dai aten gaw du wa na ra ai.

YEREMIA 31:33

Israela amyu masha ni hte tawn da na ga shaka ningnan gaw ndai rai nga ai: Ngai gaw shanhte kata hta nan nye a tara hpe tawn da ai hte dai hpe shanhte a kraw lawang ni hta e ka da na nngai. Ngai gaw shanhte a Karai Kasang tai nna shanhte gaw nye a amyu masha ni tai na mara ai.

YEREMIA 34:13

Israela a Karai Kasang gaw, amyu masha ni hpe tsun shaga na matu ngai hpe ning ngu hkang da wu ai: “Ngai gaw shanhte hpe Egutu mung kaw nna hkye mawai la ai hte mayam tai nga ai kaw na shanhte hpe shalawt la ai shaloi, na a nji nwa ni hte ngai ga shaka tawn da ni ai. Ngai gaw shanhte hpe

EZEKELA 20:19

Ngai gaw dai Madu nanhte a Karai Kasang rai nga nngai. Nye a tara ni hte nye a hkang da ai ga ni hpe madat mara nga mu.

EZEKELA 20:5

Ngai hpa tsun nga ai lam shanhte hpe htawn tsun u. Israela amyu masha ni hpe ngai lata la ai shaloi, shanhte hpe ga shaka tawn da ni ai. Ngai gaw Egutu mung hta shanhte hpe nye hkum nan shadan dan ai hte nanhte a Madu Karai Kasang rai nga ai lam, shanhte hpe tsun dan ni ai.

EZEKELA 20:7

Ngai gaw shanhte a Madu Karai Kasang rai nga nngai majaw, shanhte myit kap ai matsat shabat re ai hpara sumla ni hpe kabai kau nhtawm, n san n seng ai Egutu mung na lam shadam ai hpara ni hte shanhte hkum shanhte awu asin n galaw na matu, ngai shanhte hkang da ni ai.

HOSEA 12:10

“Ngai gaw myihtoi ni hpe ga tsun ni ai, shanhte hpe shingran law law mung jaw ni ai. Ngai gaw myihtoi ni a n-gup aga hku nna nye a amyu masha ni hpe shadum jahprang ga jaw ni ai.

HOSEA 13:4

Dai Madu gaw, “Ngai gaw nanhte hpe Egutu mung kaw nna woi shapraw wa ai dai Madu nanhte a Karai Kasang rai nga nngai. Ngai hta lai, nanhte Karai Kasang n lu myit dai. Ngai chyu sha nanhte a hkye la Madu rai nga nngai.

JAW JAU 11:45

Ngai gaw nanhte hpe Egutu mung kaw na woi shapraw wa ai dai Madu rai nga nngai; nanhte a Karai Kasang ngai tai lu ni ai; ngai gaw chyoi pra nga nngai majaw nanhte mung chyoi pra lu na rai myit dai.

JAW JAU 19:36

Teng man ai joi jang, teng man ai joi si hte teng man ai dang ni lang mu. Ngai gaw Egutu mung kaw na nanhte hpe woi shapraw wa ai dai Madu nanhte a Karai Kasang rai nga nngai.

JAW JAU 23:43

shing rai shanhte hpe Egutu mung kaw nna woi wa ai shaloi Israela amyu masha ni hpe dai sum ni hta sha dai Madu nga shangun ai lam hpe nanhte a amyu matu mara ni chye lu na mara ai. Shi gaw dai Madu nanhte a Karai Kasang rai nga ai.

JAW JAU 25:38

Ndai gaw ngai nanhte hpe Hkanan mung jaw nna, nanhte a Karai Kasang tai na matu nanhte hpe Egutu mung kaw na woi shapraw wa ai dai Madu nanhte a Karai Kasang hkang da ai ga rai nga ai.

JAW JAU 25:42

Israela amyu masha ni gaw dai Madu a shangun ma ni rai nga ma ai majaw shi shanhte hpe Egutu mung kaw na woi shapraw wa wu ai. Dai rai nna shanhte hpe mayam zawn dut kau lu na n rai.

JAW JAU 25:55

Israela amyu masha ni gaw dai Madu a mayam ni rai nga ma ai majaw shanhte gaw tut nawng na mayam n tai lu nga ai. Shanhte hpe Egutu mung kaw na shi woi shapraw wa ai wa rai nna, dai Madu gaw shanhte a Karai Kasang rai nga ai.

JAW JAU 26:1

Dai Madu gaw, “Hpara sumla hkum galaw myit; gawkngu sumla mung, nlung shadaw ni hpe mung shadun tawn lu na n rai; nawku na matu sumla tawk bang da ai nlung ni shadun lu na n rai. Ngai gaw dai Madu nanhte a Karai Kasang nan rai nga nngai.

JAW JAU 26:13

Ngai gaw dai Madu nanhte a Karai Kasang rai nga nngai; nanhte hpe Egutu mung kaw na woi shapraw wa ni ai; dai re ai majaw nanhte galoi mung mayam bai tai lu na myit dai n rai. Nanhte hpe mashi htingkung hkra galaw shangun ai daru magam n-gun hpe ngai shadaw kau ni ai; nanhte hpe baw sharawt let hkawm shangun ma sade ai,” ngu nna tsun wu ai.

AMO LAIKA (AMOS) 2:10

Ngai gaw nanhte Amori masha ni a lamu ga hpe madu la lu hkra nanhte hpe Egutu mung kaw na woi shapraw wa nhtawm nam mali kata e mali shi ning tup ngai woi lakawn wa ni ai.

ROMA 10:12

Hpa majaw nga yang, dai hta yawng lawm nga ai rai nna, Yuda ni hte tara maigan masha ni a lapran e lachyen lahka n nga ai sha dai Madu gaw yawng mayawng a ntsa na Madu rai nga ai hte shi hpe shaga ai ni yawng mayawng hte hpe shaman chyeju nhpaw n-ya jaw ya mu ai.

ROMA 3:29

Karai Kasang gaw Yuda amyu masha ni a Karai Kasang sha rai ni? Tara maigan masha ni a Karai Kasang mung rai nga ai n rai ni? Rai sa, shi rai nga ai.

TARA JAHPRANG 13:10

Shi gaw nanhte mayam tai nga ai Egutu mung kaw na hkrang shaw la ai dai Madu nanhte a Karai Kasang kaw na lam woi shadam na hku shakut nga ai majaw shi hpe nlung hte kabai sat kau mu.

TARA JAHPRANG 15:15

Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.

TARA JAHPRANG 20:1

“Gumlau hpyen ni hpe nanhte htim gasat sa wa ai shaloi, gumra hte hpyen leng ni hpe mung, nanhte hta grau law ai hpyen luksuk ni hpe nanhte mu myit dai shaloi, shanhte hpe hkum yu hkrit myit. Nanhte hpe Egutu mung kaw na shaw woi wa ai dai Madu nanhte a Karai Kasang gaw nanhte hte rau rai nga na ra ai.

TARA JAHPRANG 5:15

Nanhte gaw Egutu mung e mayam tai nga myit dai shaloi, nanhte a Karai Kasang ngai Madu nan nye a galu kaba ai daru magam n-gun hte nanhte hpe hkrang shaw la sai hpe adum nga mu. Dai lam a majaw Bansa Nhtoi hpe hkan shatup nga na ngai nanhte hpe hkang da ni ai.

TARA JAHPRANG 5:6

‘Ngai gaw nanhte mayam tai nga ai Egutu kaw na hkrang shaw la ai nanhte a Madu Karai Kasang rai nga nngai.

TARA JAHPRANG 7:8

Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

TARA AGYI 2:1

Dai Madu a lamu kasa gaw Gilgala kaw nna Bohkim de sa wa nhtawm, Israela amyu masha ni hpe, “Ngai gaw nanhte hpe Egutu mung kaw nna woi shapraw wa let, nanhte a kaji kawa ni hpe ga sadi jaw da ai mungdan de woi wa ni ai. Ngai gaw, ‘Nanhte hte tawn da ai ga shaka hpe galoi mung n jahten kau na we ai.

TARA AGYI 6:10

Ngai gaw dai Madu nanhte a Karai Kasang rai nga nngai; ya nanhte nga nga ai mungdan hta Amori masha ni a hpara ni hpe nanhte nawku lu na myit dai n rai; rai ti mung nanhte gaw nye a ga n madat nga myit dai ngu ngai nanhte hpe tsun ni ai.”