PRU MAT 2:24 - Jinghpaw Common Language Bible 2009

²⁴ shanhte a madai sharung ai nsen hpe na ya ai hte Abraham, Isak, Yaku ni hte tawn da ai ga shaka hpe dum wu ai.

Jinghpaw Hanson Version Bible

²⁴ Shanhte a madai sharung ai nsen hpe Karai Kasang na ya wu ai rai nna, Abraham, Isak, Yaku hte hte tawn da ai ga shaka hpe dum wu ai.

PRU MAT 2:24 ပူးပေါင်းရင်းမြစ်များ

NINGPAWT NINGHPANG 15:13

Dai Madu gaw shi hpe, “Na a amyu matu ni gaw maigan mung hta tsasam masha ni sa tai nga na mara ai; shanhte gaw dai mung hta e mayam tai nna shaning mali tsa ning tup gumshem ai hte zingri zingrat ai hkrum na mara ai.

NINGPAWT NINGHPANG 16:11

Nang hta shadang sha shangai wa na ra ai; shi hpe Ishmaela ngu nna nang shamying lu na rai ndai; hpa majaw nga yang nang jahtau ai matsan tsin-yam nsen hpe dai Madu na ya nit dai.

NINGPAWT NINGHPANG 17:7

“Nang hte mung, du na ra ai ban na na a amyu matu ni hte mung htani htana ga shaka ngu ai nye a ga sadi hpe ngai shatup na nngai. Ngai gaw na a Karai Kasang mung, na a amyu matu ni a Karai Kasang mung tai nga na nngai.

NINGPAWT NINGHPANG 18:18

Shi a amyu matu ni mung galu kaba wa nna n-gun hte hpring ai amyu tai wa na mara ai; Shi a jaw e, amyu baw ni yawng hpe ngai shaman ya na nngai.

NINGPAWT NINGHPANG 22:16

“Ngai gaw nye a mying nsang hta dagam ai hte dai Madu tsun nga ai gaw, ndai amu hpe nang galaw ai hte na a shadang sha shingtai ngai hpe jaw na, nang n kanung nga nit dai majaw ngai nang hpe hkum tsup hkra shaman ya na nngai.

NINGPAWT NINGHPANG 26:2

Dai Madu mung Isak kaw dan pru nna, “Egutu mung de hkum sa et; ngai nang hpe nga shangun ai ndai mungdan e nga u.

NINGPAWT NINGHPANG 26:24

Dai shana jang, dai Madu gaw shi kaw dan pru nna, “Ngai gaw na a kawa Abraham a Karai Kasang rai nga nngai; hkum hkrit et, ngai nang hte rau rai nga nngai. Nye a shangun ma Abraham hpe jaw ai ga sadi hte maren, ngai nang hpe shaman ya nhtawm amyu matu law law mung nang hpe jaw na we ai,” ngu nna tsun wu ai.

NINGPAWT NINGHPANG 26:3

Ndai yang e nga u, ngai nang hte rau nga nga nna nang hpe shaman ya na nngai. Nang hpe mung, na a amyu matu ni hpe mung ndai mung ting ngai jaw na mawe ai; shing rai na nwa Abraham hpe ngai shagrin da sai ga sadi hpe ngai shatup na we ai.

NINGPAWT NINGHPANG 32:28

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

NINGPAWT NINGHPANG 35:11

Karai Kasang gaw shi hpe, “Ngai gaw Chyahtum Chyalai N-gun Rawng Ai Karai Kasang rai nga nngai. Kashu kasha law law mayat maya u; amyu baw ni nang hta na pra hkrat wa nhtawm hkawhkam ni a kaji kawa mung nang tai na rin dai.

NINGPAWT NINGHPANG 35:12

Abraham hte Isak yan hpe ngai jaw ai lamu ga gaw nang hpe mung, na a hpang na amyu matu ni hpe mung ngai jaw na we ai,” ngu nna shi hpe tsun wu ai.

NINGPAWT NINGHPANG 8:1

Karai Kasang gaw Noa hte shi hte rau sanghpaw li hta rawng nga ai yam nga ni yawng hpe malap kau wu ai n rai; shi gaw nbung wa shangun dat ai rai nna, dai hka gaw yawm hpang wa nga ai.

2 HKAWHKAM 13:23

Rai ti mung Abraham, Isak, Yaku ni hte tawn da ai ga shaka a majaw dai Madu gaw shanhte hpe matsan yu dum nga wu ai. Shi gaw shanhte hpe n jahten shamyit hkrum shangun mayu nga ai rai nna shanhte hpe karum la mu ai. Shi a amyu masha ni hpe shi galoi mung malap kau nga ai n rai.

SHAKAWN KUNGDAWN 102:2

Ngai nni nkri hkrum nga ai shaloi ngai kaw nna hkum kayin mat wa et! Ngai shaga ai shaloi, nye a ga hpe madat ya nna, tin tin htan ya e!

SHAKAWN KUNGDAWN 102:20

Shi gaw bawng dung ai ni a madai ai nsen hpe na ya nna; si na matu, daw dan hkrum nga ai ni hpe shalawt dat nga ai.

SHAKAWN KUNGDAWN 105:42

Shi a shangun ma kaja Abraham hte tawn da ai chyoi pra ai ga sadi ndat ga ni hpe shi dum nga wu ai.

SHAKAWN KUNGDAWN 106:45

Shi gaw shanhte a akyu a matu, shi a ga shaka hpe dum ya wu ai; shi a kaba la ai tsaw ra myit a jaw e, shi a pawt sindawng ai myit hpe shakawp kau wu ai.

SHAKAWN KUNGDAWN 138:3

Nang hpe ngai shaga yang, nang ngai hpe htan ya nit dai; na a n-gun hte ngai hpe n-gun shaja ya nit dai.

SHAKAWN KUNGDAWN 22:24

Shi gaw matsan mayan wa hpe n gawn n sawn di ai n rai, shanhte a nni nkri hpe n sawn n sang di ai n rai; shi shanhte kaw na kayin mat wa ai n rai, rai ti mung, karum la na matu shanhte shaga yang, shi htan ya nga ai.”

SHAKAWN KUNGDAWN 22:5

Shanhte gaw nang hpe shaga mu ai hte, hkrithpa shara kaw nna lawt lu nga masai; shanhte nang hpe kam hpa manoi manat nga ma ai hte myit daw myit hten nga ma ai n rai.

SHAKAWN KUNGDAWN 79:11

Bawng dung masha ni a madai ai nsen ni hpe madat ya u; si ari daw dan hkrum nga ai ni hpe, na a kaba la ai daru magam n-gun hte shalawt dat u.

PRU MAT 6:5

Ya mung, Egutu masha ni mayam shatai da ai Israela amyu masha ni a madai sharung ai nsen hpe ngai na ni ai rai nna nye a ga shaka hpe dum ni ai.

BU HKAWM 20:16

anhte hpe karum la na matu dai Madu hpe jahtau ga yang, anhte a jahtau ga hpe na ya wu ai rai nna anhte hpe Egutu mung kaw nna woi wa na matu lamu kasa shangun dat ya mi ai. Ya chyawm gaw na a lamu ga jarit na Kadesha hta e anhte nga nga saga ai.

KASA 7:34

Egutu mung na nye a amyu masha ni a zingri zingrat nni nkri hkrum sha nga ai hpe ngai mu se ai. Shanhte a madai ai nsen hpe ngai na ni ai; Shanhte hpe hkye shalawt la na ngai yu wa ring ngai. Ya sa rit, ngai nang hpe Egutu mung de shangun dat de ga,” ngu nna shi hpe tsun wu ai.

TARA AGYI 2:18

Dai Madu gaw Israela hpe ningbaw jaw ai shaloi, dai Madu gaw dai ningbaw wa a prat tup hta shi hpe karum la nhtawm gumlau hpyen ni a lata kaw nna amyu masha ni hpe hkye hkrang la wu ai. Shanhte hkrum sha ai nni nkri hte dip gamyet sha hkrum ai madai sharung nsen ni a majaw dai Madu shanhte hpe matsan dum la wu ai.

1 SAMUELA 9:16

“Hpawt de ndai aten daram hta e, Benyamin amyu bawsang hta na masha langai mi, nang hpang de ngai shangun dat na nngai; shaloi nye a amyu masha Israela hpe up hkang ai wa shatai nna, shi hpe namman jaw ya na rai ndai; shing rai shi gaw shanhte hpe Hpilisti masha ni a lata kaw nna hkye mawai la na ra ai. Nye a amyu masha ni hkam sha ai nni nkri hpe ngai mu se ai; shanhte hpe karum la na matu shanhte a hpyi jahtau ai nsen ni hpe mung na se ai,” ngu nna tsun wu ai.