PRU MAT 2:21 - Jinghpaw Common Language Bible 2009

²¹ Dai rai nna, dai yang e shanu nga na matu Mawshe myit jahkut da wu ai rai nna, Yehtru mung shi a shayi sha Zihpura hpe jaw nna hkungran ya wu ai;

Jinghpaw Hanson Version Bible

²¹ Mawshe mung dai wa kaw nga ra nga ai rai nna, shi a shayi sha Tsihpura hte hkungran ya wu ai.

PRU MAT 2:21 ပူးပေါင်းရင်းမြစ်များ

PRU MAT 2:10

Hpang e ma dai loi mi kaba wa ai shaloi, shi gaw dai ma hpe hkawhkam shayi sha hpang de woi sa ai rai nna shi hpe shi a shadang sha majing zawn hkap shatai la wu ai. Hkawhkam shayi sha shi nan, “Ngai shi hpe hka hta na shaw la ai re majaw shi hpe Mawshe ngu nna shamying na nngai,” ngu nna myit wu ai.

PRU MAT 2:20

Shi gaw shi a shayi sha ni hpe, “Shi kanang rai nga a ta? Nanhte hpa majaw dai wa hpe dai yang e kau da manit ni? Anhte hte rau lusha sha lu u ga, shi hpe sa shaga la masu,” ngu nna tsun wu ai.

PRU MAT 3:1

Lana mi na nhtoi hta, Mawshe gaw shi a katsa Midian hkinjawng Yehtru a sagu bainam ni hpe rem nga yang, shi gaw dai yam nga hpung ni hpe zaibru jang kaw nna gawt shalai nhtawm Sina ngu ai chyoi pra ai bum de sa wa wu ai.

PRU MAT 4:18

Dai hpang Mawshe gaw shi a katsa Yehtru kaw nhtang wa nna shi hpe, “Egutu mung na nye a jinghku kahpu kanau ni naw hkrung nga ma ai kun? Dai ni hpe sa yu na nngai majaw chyeju hte ngai hpe nhtang wa shangun e,” ngu nna tsun wu ai. Yehtru mung myit hkrum ya ai hte shi hpe shakram dat wu ai.

BU HKAWM 10:29

Mawshe gaw Midian masha Yehtru a kasha, shi a kahkau Hoba hpe, “Dai Madu anhte hpe jaw na ngu ai shara de pru sa wa nga saga ai; Israela amyu masha ni hpe ngamu ngamai shangun na lam shi ga sadi jaw da mani ai rai nna nang mung anhte hte rau sa wa saga; anhte nang hpe sut gan karan ya na ga ai,” ngu nna tsun wu ai.

BU HKAWM 12:1

Mawshe gaw Hkusha num la wu ai rai nna de a majaw Miriam hte Arun shi hpe mara shagun da nga ma ai.

KASA 7:29

Mawshe dai ga na jang, Egutu mung na hprawng mat wa nna Median mung e sa nga mat ai. Dai kaw shi gaw shadang sha lahkawng lu wu ai.

1 TIMOHTI 6:6

Kaja wa nga yang gaw tinang lu ai hta myit dik chye ai rai yang nawku htung gaw masha langai mi hpe lu su shangun ai rai nga ai.

HEBRE 11:25

Shi gaw tawng marang mi sha, yubak a pyaw daw kadaw na hta Karai Kasang a amyu masha ni hte rau tsin-yam tsindam hkrum na hpe mahtang shi grau ra sharawng nga ai.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.

YAKU 1:10

Lu su ai Hkristan hpu nau wa gaw, Karai Kasang e shi hpe shagrit kau hkrum ai shaloi mung kabu gara nga ra ai. Hpa majaw nga yang lu su ai ni gaw nam na nampu nampan zawn wai mat na mara ai.