PRU MAT 2:20 - Jinghpaw Common Language Bible 2009

²⁰ Shi gaw shi a shayi sha ni hpe, “Shi kanang rai nga a ta? Nanhte hpa majaw dai wa hpe dai yang e kau da manit ni? Anhte hte rau lusha sha lu u ga, shi hpe sa shaga la masu,” ngu nna tsun wu ai.

Jinghpaw Hanson Version Bible

²⁰ Kawa gaw, “Rai taw, shi kanang rai nga a ta? shi hpe hpa rai kau da myit ta? shi shat sha ru ga, sa shaga la ma su,” ngu nna shi a shayi sha ni hpe tsun wu ai.

PRU MAT 2:20 ပူးပေါင်းရင်းမြစ်များ

NINGPAWT NINGHPANG 18:5

Nanhte a matu lusha mung la sa ya na nngai; dai gaw nanhte matut hkawm sa na hkrun lam a matu n-gun awai la shangun na ra ai. Nanhte gaw de a matu nye a dum nta de du sa manit dai; dai rai nna ngai nanhte hpe daw jau lu n ga law,” ngu nna shi tsun wu ai. Shanhte mung, “Chyeju kaba sai, anhte mung hkap la ya saga ai,” ngu nna htan mu ai.

NINGPAWT NINGHPANG 29:13

Laban mung shi a kahkri Yaku a lam hpe na jang, shi hpe tau la na nga, gat sa wa nna shi hpe ahpum pup let nta de woi wa wu ai. Yaku mung byin mabyin mahkra Laban hpe tsun dan wu ai.

NINGPAWT NINGHPANG 31:54

Shi gaw, yam nga langai sat nhtawm bum ntsa e hkungga nawng ya wu ai; shi a masha ni hpe mung shat sha shaga wu ai; shanhte lusha sha ngut ai hpang dai bum e lana mi nga shalai kau mu ai.

NINGPAWT NINGHPANG 43:25

Shanhte gaw Yosep hte rau lusha jawm sha na matu saw shaga da hkrum nga ma ai majaw shani ka-ang shi du wa ai shaloi, shi hpe jaw na kumhpa ni hpe mung jin jin lajang da mu ai.

YOBA 31:32

Ngai gaw malet nhprang manam ni hpe nye a nta de shang na saw shaga nngai; shanhte hpe galoi mung nmaw lam ntsa e yup shangun nngai n rai.

YOBA 42:11

Yoba a kahpu kanau ni, kajan ni hte shawng de na manang ni yawng shi kaw sa chyai nhtawm shi hte rau shi a nta e rau lu rau sha nga ma ai. Shanhte gaw dai Madu shi hpe hkrum shangun ai ru yak tsin-yam tsindam mahkra a majaw, shanhte matsan yu dum ai lam tsun nna shi hpe shalan shabran ma ai. Shanhte langai hte langai mung shi hpe gumhpraw hte ja lachyawp langai ngai jaw ma ai.

PRU MAT 2:19

Shanhte gaw, “Egutu masha langai mi anhte hpe sagu rem ni a lata kaw na shaw la nhtawm, anhte a matu shi hka ja ya nna anhte a sagu bainam ni hpe ntsin jaw ya mi ai,” ngu nna htan wu ai.

PRU MAT 2:21

Dai rai nna, dai yang e shanu nga na matu Mawshe myit jahkut da wu ai rai nna, Yehtru mung shi a shayi sha Zihpura hpe jaw nna hkungran ya wu ai;

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

HEBRE 13:2

Nanhte a nta ni hta manam ni hpe hkap hkalum daw jau na hkum malap kau myit. Shing rai daw jau ai nkau mi gaw lamu kasa ni hpe n dum shami daw jau hkrup masai.