PRU MAT 2:2 - Jinghpaw Common Language Bible 2009

² shi gaw dai wa a matu shadang sha langai shangai ya wu ai. Ma dai ahpraw tsawm nga ai hpe kanu mu wu ai shaloi shi gaw ma dai hpe shata masum tup makoi da wu ai.

Jinghpaw Hanson Version Bible

² Shaloi dai num na-um nasin rai nna shadang sha mi shangai wu ai: ma dai ahpraw tsawm nga ai hpe kanu mu wu yang shata masum ting shi hpe makoi da wu ai.

PRU MAT 2:2 ပူးပေါင်းရင်းမြစ်များ

2 HKAWHKAM 11:3

Ya Hkawhkam Ahtalia gaw dai mung hpe up nga yang, Yehosheba gaw dai ma hpe Nawku Htingnu kata makoi da ai shara hta kru ning tup yu lanu lahku ai hte bau maka da wu ai.

SHAKAWN KUNGDAWN 112:5

Masha kaga wa hpe ntaw ntsang hkoi ya nna, shi a kan bau bungli hpe ding man ai hku galaw nga ai wa gaw a nga ai.

PRU MAT 6:20

Amram chyawm gaw shi a kamoi Yohkebe hpe la wu ai rai nna shi a matu Arun hte Mawshe yan hpe shangai wu ai. Amram gaw asak 137 ning du hkra hkrung nga lu wu ai.

BU HKAWM 26:59

Shi gaw Amram a matu shadang sha Arun yan Mawshe hpe mung, shayi sha Miriam hpe mung shangai wu ai.

KASA 7:20

Dai aten hte yang Mawshe shangai wa ai rai nna shi gaw ahpraw nsam grai tsawm ai ma rai nga ai. Shata masum tup nta e bau maka da ai hkrum wu ai,

TARA JAHPRANG 33:16

Shanhte a lamu ga hta mai kaja ai ngamu ngamai lam yawng hte hpring nga u ga; Wan hkru nga ai singwum kata kaw na ga shaga ai dai Madu a mai kaja lam a majaw shaman chyeju hkam la lu mu ga. Yosep gaw kahpu kanau ni hta ningbaw tai nga ai majaw; Shi a amyu bawsang hta dai shaman chyeju ni anga nga nu ga law.

HEBRE 11:23

Kam sham ai hte Mawshe a kanu yan kawa gaw shi shangai ngut ai hpang shata masum tup shi hpe makoi da mu ai. Mawshe gaw grai tsawm ai ma rai nga ai hpe shan mu ma ai rai nna hkawhkam wa shapraw ai hkang da ai ga hpe lale na matu n hkrit ma ai.

1 SAMUELA 16:12

Dai rai nna, Yese gaw shi hpe shaga dat wu ai. Shi gaw ahpraw asam tsawm nna hkam kaja ai shabrang ma rai nhtawm shi a myi man ni tu kabrim nga wu ai. Dai Madu gaw Samuela hpe, “Ndai wa rai nga ai, shi hpe namman jaw ya u!,” ngu nna tsun wu ai.