PRU MAT 2:11 - Jinghpaw Common Language Bible 2009

¹¹ Mawshe kaba wa ai shaloi, shi gaw shi a amyu masha Hebre ni hpang de sa chyai na nga pru sa mat wa wu ai. Shi gaw bungli aja awa galaw shangun na matu shagyeng hkrum nga sai masha ni hpe sa mu wu ai. Shi gaw Mawshe a amyu masha Hebre masha langai hpe Egutu masha e sat kau ai hpe pyi sa mu wu ai.

Jinghpaw Hanson Version Bible

¹¹ Ya Mawshe kaba wa jang, shi a amyu masha ni kaw sa wa nhtawm shanhte gun li ai lit sa mada ya wu ai: shaloi Egutu masha langai mi gaw, shi a amyu Hebre masha langai mi hpe adup ajin di ai, mu wu ai.

PRU MAT 2:11 ပူးပေါင်းရင်းမြစ်များ

PRU MAT 1:11

Dai rai nna Egutu masha ni gaw shanhte a ntsa e mayam hkang ai ni hpe san tawn nna laja lana re ai amu bungli hte shanhte a myit ni hpe shadaw kau ya ma ai. Israela amyu masha ni gaw hkawhkam wa a matu arung arai tawn da na ginra daju ni hpe Hpihtum hte Ramese mare ni hta gap da ma ai.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

PRU MAT 5:14

Egutu masha mayam hpareng ni gaw bungli woi awn na matu san tawn ai Israela salang ni hpe mung anu kayat ma ai. Shanhte gaw, “Ndai amyu masha ni shawng de nanhte galaw ai shadang hte maren nanhte hpa majaw n galaw nga myit ta?,” ngu nna san ma ai.

PRU MAT 5:4

Hkawhkam wa gaw Mawshe yan Arun hpe, “Ndai amyu masha ni shanhte a amu hpe n sawn n sang rai galaw na gaw nan hpa hpe lachyum shapraw mayu myit ni? Ndai mayam ni shanhte a bungli dabang de bai shang manu ga!

PRU MAT 5:5

Ndai amyu masha ni mahtang Egutu masha ni hta grau law htam nga manit dai majaw ya nanhte bungli galaw ai hpe jahkring kau mayu nga manit dai!,” ngu nna tsun wu ai.

PRU MAT 5:9

Shanhte hpe bungli shaja galaw shangun nna jahki shaba shangun mu, shaloi shanhte gaw masu ndum hpaw madat na aten lu na ma ai n rai,” ngu nna tsun wu ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

PRU MAT 6:7

Ngai gaw nanhte hpe nye a amyu masha majing hku shatai la nna, nanhte a Karai Kasang tai na nngai. Ngai gaw Egutu mung mayam prat kaw na nanhte hpe shalawt dat ai nanhte a Karai Kasang dai Madu rai nga ai hpe nanhte chye lu na marin dai.

ESAIA 58:6

“Ngai ra sharawng ai lusha gam lai gaw ndai hku rai nga ai: Dip gamyet sha tawn ai saidawng sumri hte n teng n man ai a kandang sumri ni hpe raw kau mu; dip gamyet sha hkrum ai ni lawt lu mu ga.

MAHTE 11:28

Lit li gun nna hki ba la ai ni yawng hte e, ngai kaw wa marit; ngai nanhte hpe ban sa shangun na made ai.

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,