PRU MAT 19:9 - Jinghpaw Common Language Bible 2009

⁹ Dai Madu gaw Mawshe hpe, “Ngai nang kaw htat ai sumwi hte du na ring ngai, amyu masha ni mung nang hte ngai shaga ai ga na la na ma ai majaw ya kaw nna nang hpe kam sham wa na mara ai,” ngu nna tsun wu ai. Mawshe gaw amyu masha ni kaning nga htan ai ga dai Madu hpe tsun dan wu ai;

Jinghpaw Hanson Version Bible

⁹ Bai Yehowa gaw, “yu u, nang hte ngai ga tsun yang, amyu masha ni na lu nna, galoi mung nang hpe kamsham nga mu ga, htat ai sumwi hta ngai nang kaw a du nga na ring ngai,” ngu nna Mawshe hpe tsun wu ai. Mawshe mung amyu masha ni a ga Yehowa hpe tsun shana wu ai.

PRU MAT 19:9 ပူးပေါင်းရင်းမြစ်များ

1 HKAWHKAM 8:12

Shaloi Shawlumon gaw ning ngu nna akyu hpyi wu ai: “Madu e, nang gaw lamu ntsa e ajan hpe tawn da nga ndai; timung, nang chyawm gaw sumwi ni hte htat ai nsin kata e nga na matu lata la nga ndai.

2 HKAWHKAM LABAU 20:20

Hpang jahpawt manap jau jau aten e, amyu masha ni dai Tekoa mare makau na nam mali de pru sa mat wa ma ai. Shanhte shamu hpang wa ma yang Yehoshahpat gaw ning ngu nna shanhte hpe tsun matsun wu ai: “Yuda mung hte Yerusalem mare na amyu masha ni e, dai Madu nanhte a Karai Kasang hpe kam hpa nga mu; shaloi nanhte ngang grin wa lu na marin dai. Nanhte hpe tsun ai myihtoi ni a ga hpe kam mu, shaloi nanhte awng dang na marin dai.”

2 HKAWHKAM LABAU 6:1

Dai hpang Hkawhkam Shawlumon gaw, “Madu e, nang gaw sumwi hte nsin kata e nga nga na matu lata la nit dai.

SHAKAWN KUNGDAWN 97:2

Sumwi ni hte nsin gaw shi hpe gawan shinggrup da nna; shi gaw tara ai hte ding man ai hku up hkang nga ai.

SHAKAWN KUNGDAWN 99:7

Shi gaw shanhte hpe sumwi shadaw kaw nna ga tsun nu ai; dai Madu shanhte hpe jaw ya ai tara ni hte hkang da ai ga ni hpe shanhte madat mara hkan nang nga ma ai.

PRU MAT 14:31

Dai Madu gaw shi a daru magam n-gun kaba hte Egutu masha ni hpe dang kau lu nu ai lam hpe Israela masha ni mu ma ai shaloi, shanhte gaw dai Madu hpe hkrit nga ma ai; shanhte gaw dai Madu hte shi a shangun ma Mawshe hpe kam sham ma ai.

PRU MAT 19:16

Ya, masum ya ngu na jahpawt hta mu ngoi ai, myi hprap gala ai hte htat ai sumwi ni gaw bum ntsa e dan pru wa nga ai rai nna, dai kaw nsen ja ja hte ngoi garu ai pahtau nsen mung ngoi nga ai. Dap ni hta nga ai amyu masha ni yawng mung hkrit gari nga ma ai.

PRU MAT 20:21

Rai ti mung, amyu masha ni mahtang tsan tsan e sha atsap nga ma ai rai nna, Mawshe chyu sha Karai Kasang nga ai dai htat ai sumwi de shani sa wa wu ai.

PRU MAT 34:5

Dai Madu mung sumwi hta yu hkrat wa nna, shi hte rau dai yang e tsap let dai Madu ngu ai chyoi pra ai amying hpe shapraw dan wu ai.

PRU MAT 4:31

Dai Madu mung shanhte kaw du sa nna shanhte kade mazut ai hku adip arip hkrum sha nga ma ai hpe mu mada ya nu ai lam hpe shanhte na ma ai shaloi, kam sham ai hte gum dagup nna nawku ma ai.

PRU MAT 4:5

Dai Madu gaw, “Shanhte a kaji kawa ni a Karai Kasang, Abraham, Isak hte Yaku ni a Madu Karai Kasang nang kaw dan pru ai gaw Israela amyu masha ni hpe sakse madun dan na matu rai nga ai majaw dai amu hpe galaw u,” ngu nna tsun wu ai.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

ESAIA 7:9

Israela gaw Samari mung hte de a mare daju hta grau nna n-gun n rawng nga ai, Samari mung gaw Hkawhkam Peka hta grau nna n-gun n rawng nga ai. “Na a kam sham myit n ngang ai rai yang, nang grin nga lu na n rai.”

BU HKAWM 12:5

Dai Madu mung sumwi shadaw hte yu sa nna dai Sum a chyinghka lam e tsap let, Arun hte Miriam yan hpe shaga shapraw wu ai. Shan lahkawng mung shawng de sit sa ma ai rai nna,

MAHTE 17:5

Petru ga naw shaga nga yang, htoi tu ai sumwi gaw shanhte a ntsa e ka-up mu ai hte dai sumwi hta na nsen ngoi pru nna, “Ndai wa gaw ngai sharawng awng ai, ngai tsaw ra ai ngai sha rai nga ai; shi a ga madat mara mu,” nga ai.

MARKU 9:7

Dai hpang sumwi majaw mi dan pru wa nna, de a shingnip hte shanhte hpe ka-up nhtawm, dai sumwi hta na, ndai wa gaw, ngai tsaw ra ai ngai sha rai nga ai, shi a ga hpe madat mara mu nga nna ngoi pru ai.

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

TARA JAHPRANG 4:36

Shi gaw nanhte hpe sharin achyin lu u ga nga, sumsing lamu de nna shi a nsen nanhte hpe na shangun manit dai; ndai ginding aga ntsa e mung shi a chyoi pra ai wan nanhte hpe mu shangun nna dai kata kaw na nanhte hpe ga shaga nu ai.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!