PRU MAT 18:7 - Jinghpaw Common Language Bible 2009

⁷ dai rai nna, Mawshe mung shi hpe tau la na nga pru sa nhtawm shi a man e gum dagup nna shi hpe pup wu ai. Shan gaw shada da hkam kaja ai lam san hkat let, Mawshe a sum kata de shang wa ma ai.

Jinghpaw Hanson Version Bible

⁷ Shaloi mawshe mung, katsa hpe tau la na nga pru nna, gum dagup nhtawm shi hpe pup wu ai: shing rai shada da hkam kaja ai lam san let, sum kata de shang wa ma ai.

PRU MAT 18:7 ပူးပေါင်းရင်းမြစ်များ

NINGPAWT NINGHPANG 14:17

Abram gaw Hkedalauma hte kaga hkawhkam ni hpe dang kau nna bai wa ai shaloi, Sodom hkawhkam wa shi hpe sa tau la na nga, Shawe Kadit ngu ai (Hkawhkam Kadit) de pru sa wa wu ai.

NINGPAWT NINGHPANG 18:2

shi a sum chyinghka lam kaw dung let mada yu dat yang, dai shara hta masha marai masum tsap nga ma ai hpe mu wu ai. Shanhte hpe mu ai hte rau, sa tau la na nga shi rawt sa wa wu ai.

NINGPAWT NINGHPANG 19:1

Dai lamu kasa yan gaw nrim aten e, Sodom mare de sa du ma yang, Lawt gaw mare chyinghka e dung nga ai. Shi shan hpe mu ai hte rau shan hte hkrum na matu rawt sa wa wu ai. Shi gaw shan a man e gum dagup let,

NINGPAWT NINGHPANG 29:13

Laban mung shi a kahkri Yaku a lam hpe na jang, shi hpe tau la na nga, gat sa wa nna shi hpe ahpum pup let nta de woi wa wu ai. Yaku mung byin mabyin mahkra Laban hpe tsun dan wu ai.

NINGPAWT NINGHPANG 31:28

Ya gaw ngai shu ni hte ngai sha ni hpe pyi n lu pup, n lu shakram dat lu hkra, nang galaw nit hka! Dai gaw angawk ai amu rai nga sai!

NINGPAWT NINGHPANG 43:26

Yosep gaw nta nhku de du shang wa ai shaloi, shi nga ai nta nhku de kumhpa ni hpe shanhte la shang wa nhtawm shi a man e ga du hkra gum dagup nga ma ai.

NINGPAWT NINGHPANG 45:15

Dai hpang shi a kahpu ni langai hte langai hpe ahpum pup let naw hkrap nga wu ai. Dai hpang she, shi a kahpu kanau ni shi hte ga shaga hpang wa ma ai.

NINGPAWT NINGHPANG 46:29

Shanhte du shang wa ma yang, Yosep gaw shi a gumra leng hta jawn nna kawa hpe sa tau la na nga, Goshen mung de lung mat wa wu ai. Shan shada hkrum ai hte rau Yosep mahtang shi kawa a du hta ahpum noi let na na wa hkrap nga wu ai.

2 SAMUELA 11:7

Ya Uria du jang, Yoab hte hpyen hpung ni kaja nga ma ai kun? Majan gasat gala ai gaw kaning hku rai nga a ta?,” ngu nna shi hpe hkap san wu ai.

1 HKAWHKAM 2:19

Dai rai nna Batsheba gaw Adoniya a malai Shawlumon hpe sa tsun na nga hkawhkam wa hpang de shang wa wu ai. Shaloi hkawhkam wa gaw shi a kanu hpe shakram la na nga, rawt tsap let shi hpe gum let hkungga jaw wu ai. Dai hpang shi gaw shi magam tingnyang hta dung nga ai; shi kanu a matu kaga langai mi mung la shang wa ya ai hte Batsheba mung shi a hkra maga e dung nga ai.

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

PRU MAT 18:6

Shi gaw Mawshe hpang de shanhte du sa wa nga sai lam shiga shana dat wu ai,

PRU MAT 33:7

Israela amyu masha ni dap jung ma ai shaloi, Mawshe gaw dai chyoi pra ai sum hpe la nna dap hte tsawmra mi tsan ai shara hta dai hpe tawn da wu ai. Dai hpe dai Madu a hpung shingkang shanu nga ai Sum ngu nna shamying wu ai. Dai Madu hte bawng ban jahkrup mayu ai ni kadai mung de a shinggan de pru sa na rai ma ai.

PRU MAT 4:27

Dai aten hta, Madu gaw Arun hpe, “Mawshe hpe sa tau la na matu, nam mali kata de sa wa su,” ngu nna tsun wu ai. Dai rai nna shi sa nhtawm chyoi pra ai bum e, Mawshe hpe sa hkrum wu ai. Arun gaw shi hte hkrum ai shaloi shi hpe pup wu ai.

BU HKAWM 22:36

Balam sa wa nga ai hpe Balak na wu ai shaloi, Moba mung a lamu ga jarit na Arnon hka makau nga ai Ara mare de shi hpe tau la na nga pru sa wa wu ai.

LUKA 7:45

Nang ngai hpe pup ai hte n hkalum la ndai; shi chyawm gaw, ngai nhku de shang ai ten kaw nna nye a lagaw hpe pup n sim nga ai.

KASA 20:37

Shanhte nlang ja ja hkrap ai hte Pawlu a du hta noi ahpum nna shi hpe pup let shakram dat mu ai.

KASA 28:15

Roma mare na kam sham ai hpu nau ni gaw anhte sa wa ai lam shiga na shajang nna hkap tau la na matu, Api gat hte manam jarawp masum du hkra sa ma ai. Pawlu shanhte hpe mu jang, shi Karai Kasang hpe shakawn kungdawn nna myit n-gun grai lu la nga ai.

TARA AGYI 11:34

Yephta gaw shi a dum nta nga ai Mizpa mare de nhtang wa wu yang, dai yang e shi a shayi sha shup sheng dum let ka manawt nhtawm shi hpe hkap tau la na nga, pru sa wa nga ai. Dai numsha gaw shayi sha shingtai rai nga ai.

1 SAMUELA 17:18

Ndai ngachyu shage tawng shi hpe mung shanhte a hpyen du wa a matu la sa ya u. Na a nhpu ni kaning rai nga nga ma ai hpe sa yu nhtawm shanhte ni kaja ai, n kaja ai hpe mung mada yu let shanhte kaw na kumla lama mi sha gaw la wa rit,” ngu nna tsun wu ai.

1 SAMUELA 17:22

Dawi gaw shi gun ai lusha ni hpe lusha garan ya ai hpareng wa hpe ap kau da nhtawm majan shara de kagat shang wa let shi a kahpu ni hpang de sa wa nna shanhte kaning rai nga ai lam san wu ai.