PRU MAT 18:3 - Jinghpaw Common Language Bible 2009

³ shi a shadang sha yan rai nga ai Gershom yan Elieza hpe woi nna Mawshe hpang de sa wa ma ai. (Mawshe gaw, “Ngai gaw tsasam mung e maigan masha tai mat ni ai,” ngu nna tsun wu ai; dai rai nna shi gaw shadang sha langai hpe Gershom ngu nna shamying wu ai.

Jinghpaw Hanson Version Bible

³ kasha langai mi a amying gaw Gershom rai lu ai; dai gaw, ‘Masha mung ga e ngai tsasam manam tai mat ni ai,’ nga ai rai lu ai:

PRU MAT 18:3 ပူးပေါင်းရင်းမြစ်များ

1 HKAWHKAM LABAU 23:15

Mawshe gaw shadang sha lahkawng lu ai; shan gaw Gershom hte Elieza yan rai ma ai.

SHAKAWN KUNGDAWN 39:12

Madu e, nye a akyu hpyi ai ga hpe na ya e, ngai hpyi jahtau ai nsen hpe madat ya e; ngai hkrap ngu hkrap ngoi nga yang, ngai hpe sa karum la e. Nye a kaji kawa ni yawng zawn, ngai gaw na a manam sha, jahkring mi tai nga nngai.

PRU MAT 2:22

shi gaw shadang sha langai shangai ya wu ai. Mawshe gaw shi a kraw kata e, “Ngai gaw ndai mung e maigan masha langai mi rai nga nngai majaw ngai shi hpe Gershom ngu na nngai,” ngu nna tsun wu ai.

PRU MAT 4:20

Dai rai nna Mawshe gaw shi a madu jan hte shadang sha yan hpe woi nna lawze hta shajawn nhtawm shanhte hte rau Egutu mung de sa wa ma ai. Karai Kasang shi hpe tsun da nu ai hte maren dawhkrawng hpe mung shi lang da wu ai.

KASA 7:29

Mawshe dai ga na jang, Egutu mung na hprawng mat wa nna Median mung e sa nga mat ai. Dai kaw shi gaw shadang sha lahkawng lu wu ai.

HEBRE 11:13

Ndai masha ni yawng gaw dai makam masham hta si wa masai. Shanhte gaw Karai Kasang jaw da ai ga sadi hte seng ai sali wunli hpe n hkam la lu ma ai, rai ti mung shanhte hpe tsan tsan kaw nna mu mada ai hte hkap tau hkalum la ma ai. Shanhte gaw ndai ga ntsa e chyasam hte malet nhprang shingbyi manam sha tai nga ma ai hpe asan sha yin la ma ai.

1 PETRU 2:11

Ngai tsaw ra ai ni e, nanhte gaw ndai mungkan hta bu hkawm ai tsasam manam ni hte shingbyi nga ai ni zawn rai nga myit dai rai nna, myit masin hte gasat hkat nga ai hkum shan a kayut ai lam ni hpe galoi mung asum n jaw na matu ngai nanhte hpe hpyi nem dat made ai.

TARA AGYI 18:30

Dan a masha ni mahtang nawku na matu hpara sumla shadun ma ai rai nna Mawshe a kashu, Gershom a kasha Yonahtan hte shi a matu mara ni gaw dai masha ni bawng dung mat ai shani du hkra Dan amyu bawsang a matu hkinjawng tai let daw jau ma ai.