PRU MAT 18:1 - Jinghpaw Common Language Bible 2009

¹ Mawshe a katsa Midian hkinjawng Yehtru gaw Karai Kasang Mawshe hte shi a amyu Israela a matu galaw ai lam magup hpe mung, shi gaw shanhte hpe Egutu mung kaw nna woi wa ai lam hpe mung na wu ai.

Jinghpaw Hanson Version Bible

¹ Dai shaloi Midian hkinjawng wa Mawshe a katsa Yehtru gaw, Karai Kasang Mawshe hte shi a amyu Israela a matu galaw ai lam nlang hpe mung, Yehowa Israela hpe Egutu mung na shaw wa ai lam mung na wu ai.

PRU MAT 18:1 ပူးပေါင်းရင်းမြစ်များ

SHAKAWN KUNGDAWN 105:43

Dai majaw shi lata la hkrum ai shi a amyu masha ni hpe woi shapraw mat wa ai; shanhte kabu gara jahtau garu ai hte mahkawn shakawn ma ai.

SHAKAWN KUNGDAWN 105:5

Shi a shangun ma Abraham a aru arat ni hte shi lata la sai Yaku a aru arat ni e, Karai Kasang galaw dan sai lamik kumla ni hte shi jaw da sai tara dara lam ni hpe adum nga mu.

SHAKAWN KUNGDAWN 106:2

Shi galaw dan sai mauhpa magam amu ni yawng hpe kadai wa tsun hkai dan lu nga a ta? Shi a hpung shingkang arawng sadang nga manga hte hpe kadai wa shakawn lu nga a ta?

SHAKAWN KUNGDAWN 34:2

Shi galaw da sai amu a matu, ngai shi hpe shakawn nga na nngai; dip gamyet sha hkrum ai ni yawng hte e, madat la nna kabu gara nga mu!

SHAKAWN KUNGDAWN 44:1

O Karai Kasang e, anhte a na ni hte dai lam hpe anhte na yu saga ai. Anhte a kaji kawa ni mung, lai mat wa sai nhtoi ni ngu ai, shanhte a aten hta, nang galaw shapraw dan sai galu kaba ai amu ni ngu ai;

SHAKAWN KUNGDAWN 78:4

Dai lam ni hpe anhte a kashu kasha ni a man e, makoi da na ga ai n rai; Madu a daru magam n-gun a lam, shi a galu kaba ai magam amu ni hte shi galaw dan sai mauhpa lam ni hpe hpang ban prat masha ni hpe anhte htawn tsun dan na ga ai.

PRU MAT 2:18

Shanhte gaw shanhte a kawa hpang de nhtang wa ma ai shaloi shi gaw, “Nanhte hpa majaw dai ni e jau jau nhtang wa lu myit ni?,” ngu nna hkap san wu ai.

PRU MAT 2:21

Dai rai nna, dai yang e shanu nga na matu Mawshe myit jahkut da wu ai rai nna, Yehtru mung shi a shayi sha Zihpura hpe jaw nna hkungran ya wu ai;

PRU MAT 3:1

Lana mi na nhtoi hta, Mawshe gaw shi a katsa Midian hkinjawng Yehtru a sagu bainam ni hpe rem nga yang, shi gaw dai yam nga hpung ni hpe zaibru jang kaw nna gawt shalai nhtawm Sina ngu ai chyoi pra ai bum de sa wa wu ai.

PRU MAT 4:18

Dai hpang Mawshe gaw shi a katsa Yehtru kaw nhtang wa nna shi hpe, “Egutu mung na nye a jinghku kahpu kanau ni naw hkrung nga ma ai kun? Dai ni hpe sa yu na nngai majaw chyeju hte ngai hpe nhtang wa shangun e,” ngu nna tsun wu ai. Yehtru mung myit hkrum ya ai hte shi hpe shakram dat wu ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

YEREMIA 33:9

Yerusalem mare masha ni hte ndai mare a ngamu ngamai na lam a matu, ngai galaw ai mai kaja ai amu ni a lam, shanhte na ma ai shaloi, mungkan ga na amyu baw shagu hte gaw hkrit gari wa na mara ai; Yerusalem gaw nye a matu kabu gara ai, arawng sadang hkam la ai hte gumrawng shara hka hpawk tai na ra ai,” ngu nna tsun ai.

ZEHKARIA 8:23

Dai nhtoi hte yang, maigan masha marai shi gaw Yuda masha langai hpang de sa nna, ‘Karai Kasang gaw nanhte hte rau rai nga ai hpe anhte na saga ai majaw nanhte hte rau anhte rau hkawm sa mayu ga ai,” ngu nna tsun na mara ai.

BU HKAWM 10:29

Mawshe gaw Midian masha Yehtru a kasha, shi a kahkau Hoba hpe, “Dai Madu anhte hpe jaw na ngu ai shara de pru sa wa nga saga ai; Israela amyu masha ni hpe ngamu ngamai shangun na lam shi ga sadi jaw da mani ai rai nna nang mung anhte hte rau sa wa saga; anhte nang hpe sut gan karan ya na ga ai,” ngu nna tsun wu ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 15:12

Barnaba yan Pawlu gaw shan a lata hte maigan amyu ni hta Karai Kasang galaw dan ai lamik kumla ni hte mauhpa amu ni yawng a lam hkai dan nga ma yang, shawa hpung ting atsin sha madat nga ma ai.

ROMA 15:18

Maigan amyu ni Karai Kasang a ga madat mara wa hkra Hkristu gaw ngai hpe jai lang ai lam hpe chyu sha ngai nden ja ai hte tsun na nngai. Maigan amyu ni madat mara lu hkra Hkristu gaw ngai tsun shaga ai mung sumtu ga hte galaw ai sat lawat hku nna mung ngai galaw ai laklai ai lamik kumla ni hte mauhpa magam amu ni hku nna mung, Chyoi Pra ai Wenyi a atsam madun ai hku nna mung ngai hpe jai lang nu ai.

YAWSHU 2:10

Nanhte Egutu mung na pru wa myit ai shaloi nanhte a man na Panglai Hkyeng hpe dai Madu kaning rai jahkyet kau ai mung, Yawdan hka a sinpraw hkran na Amori Hkawhkam Sihon hte Oga yan hpe kaning rai sat kau manit dai lam hpe mung, anhte na saga ai.

YAWSHU 9:9

Dai hpang shanhte mung ndai maumwi shanhte hpe tsun dan mu ai: “Dai Madu na a Karai Kasang a lam anhte na ga ai majaw mung, Egutu mung hta shi galaw dan sai lam magup a lam hpe anhte na ga ai majaw mung, Yawdan hka a sinpraw hkran na Amori hkawhkam lahkawng rai nga ai Heshbon Hkawhkam Sihon hte Ashtarot e nga ai Bashan Hkawhkam Oga yan hta galaw nu ai lam ni a majaw mung, grai tsan ai sumtsan mung na anhte du sa raga ai.

TARA AGYI 1:16

Mawshe a katsa a matu mara rai nga ai Keni masha ni mung Yuda amyu matu ni hte rau Yerihko ngu ai Namhtan hpun mare kaw nna Arad shara a dingda maga na Yuda nam mali de sa nhtawm, dai yang e nga ai Amalek masha ni hte rau nga nga ma ai.

TARA AGYI 4:11

Dai aten hta Mawshe a kahkau Hoba a amyu matu hta na Keni masha Hebera gaw Keni masha gale hte hka nna Kedesha makau na Zananim shara na wamyi hpun nhpang e sum gap nna nga nga sai.