PRU MAT 17:8 - Jinghpaw Common Language Bible 2009

⁸ Amalek masha ni pru sa nna, Rehpidim e Israela amyu masha ni hpe htim gasat ma ai.

Jinghpaw Hanson Version Bible

⁸ Dai shaloi Amalek masha ni sa pru nna, Rehpidim e, Israela amyu hpe sa gasat ma ai.

PRU MAT 17:8 ပူးပေါင်းရင်းမြစ်များ

NINGPAWT NINGHPANG 14:7

Dai hpang shanhte kayin yu wa nna (Dai aten hta Enmisahpat ngu ai) Kadesha mare de nhtang mat wa ma ai. Shanhte gaw Amalek masha ni a mungdan ting hpe mung, Hazazon Tama e nga ai Amori masha ni hpe mung dang kau ma ai.

NINGPAWT NINGHPANG 36:16

Kora, Gahtam hte Amalek ni gaw amyu bawsang ni a kaji kawa tai wa sai. Dai ni yawng gaw Esaw hte madu jan Ada yan a lakung lama ni rai ma ai.

SHAKAWN KUNGDAWN 83:7

Gebala amyu ni, Amon hte Amalek amyu ni, Hpilisti ni hte Turu amyu masha ni lawm nga ma ai.

PRU MAT 17:1

Dai Madu hkang da ai hte maren, Israela shawa hpung ting gaw Sin nam mali kaw nna pru wa nhtawm shara mi kaw nna shara mi de htawt hkawm nga ma ai. Shanhte gaw Rehpidim e dabang but ma ai; rai ti mung, dai yang e shanhte lu na hka n nga nga ai.

BU HKAWM 13:29

Amalek masha ni mahtang dai mung a dingda maga de nga nga ma ai. Hiti, Yebusi, Amori masha ni mung bum ga hkan e nga nga ma ai. Hkanan masha ni gaw Ka-ang Panglai makau hte Yawdan hka mayan hku nga nga ma ai,” ngu nna tsun dan ma ai.

BU HKAWM 24:20

Dai hpang Balam gaw shi a shingran hta Amalek masha ni hpe mu nna, ndai myihtoi ga tsun shapraw wu ai: “Amalek gaw yawng hta daru magam n-gun ja htum ai amyu rai nga ai; Rai ti mung jahtum e, dai amyu gaw htani htana hten run mat na mara ai.”

TARA AGYI 6:3

Israela amyu masha ni nli naili gat hkai da ai shaloi, Midian masha ni mahtang Amalek masha ni hte nam mali hkan nga ai amyu baw ni hte rau sa htim gasat ma ai.

1 SAMUELA 14:48

Shi gaw share shagan myit hte gasat shaja nna Amalek masha ni hpe pyi dang kau wu ai. Israela amyu masha ni hpe htim gasat shatsang ai ni yawng a lata hta na hkye la wu ai.

1 SAMUELA 15:2

Israela amyu masha ni Egutu mung na pru wa ma ai shaloi, Amalek kaji kawa masha ni shanhte hpe ninghkap ma ai majaw, shi shanhte hpe ari jaw na rai wu ai.

1 SAMUELA 27:8

Dai laman hte hta, Dawi hte shi a masha ni gaw dai ginwang ni hta moi kaw nna nga nga ai Geshuri, Girazi, hte Amalek masha ni hpe sa gasat mu ai. Shi gaw shanhte a lamu ga hpe Egutu mung de yu wa ai Shura mare de du hkra shang gasat la nhtawm,

1 SAMUELA 30:1

Lahkawng ya na ai hpang, Dawi hte shi a masha ni Ziklag mare de nhtang du wa ma ai. Amalek masha ni chyawm gaw Yuda mung a dingda daw hte Ziklag mare ni hpe shang gasat nna hpya kau da ma ai. Shanhte gaw dai mare hpe mung nat kau da nhtawm,