PRU MAT 17:7 - Jinghpaw Common Language Bible 2009

⁷ Dai shara kaw Israela amyu masha ni mahtang, “Dai Madu gaw anhte hte rau nga nga ai kun?, n nga nga ai kun?, ngu san let, aput ai hte dai Madu hpe chyam dinglik yu ma ai majaw shara dai hpe Masa hte Meriba ngu nna mung shamying ma ai.

Jinghpaw Hanson Version Bible

⁷ Dai Kaw e Israela kashu kasha ni gaw, “Yehowa anhte hta nga nga ai kun, n nga nga ai kun,” nga nna Yehowa hpe chyam dinglik yu ai hte ndang kalang hkat ai lam a majaw, shara dai hpe ‘Masa’ ngu nna mung, ‘Meriba’ ngu nna mung shamying mu ai.

PRU MAT 17:7 ပူးပေါင်းရင်းမြစ်များ

SHAKAWN KUNGDAWN 106:32

Amyu masha ni gaw Meriba hka hpawk hta e, dai Madu hpe pawt sindawng shangun mu ai; shanhte galaw shapraw ai arawn alai a majaw, Mawshe mung ru yak tsin-yam hkrum nu ai.

SHAKAWN KUNGDAWN 78:18

Shanhte gaw shanhte sha mayu ai lusha hpe hpyi ai hku nna, Karai Kasang hpe dingsa sa chyam yu nga ma ai.

SHAKAWN KUNGDAWN 81:7

Nang ru tsang hkrum nga ai shaloi, ngai hpe shaga manit dai hte; ngai nanhte hpe hkye hkrang la ni ai. Nbung laru kata na, nye a makoi nga ai shara kaw nna ngai nanhte hpe htan ya mani ai. Meriba hka hpawk e, ngai nanhte hpe chyam yu made ai.

SHAKAWN KUNGDAWN 81:8

Nye a amyu masha ni e, ngai sadi jaw ai ga hpe madat la mu; Israela amyu masha ni e, ngai hpe madat ya na, ngai kade wa ra sharawng nga a hka!

SHAKAWN KUNGDAWN 95:8

“Meriba e nga lai wa sai nanhte a kaji kawa ni zawn nanhte a du ni hpe hkum shaja da nga myit; nam mali na Masa shara e, nanhte a kaji kawa ni nga lai wa ai shaloi na zawn, nanhte a myit hpe hkum shaja da nga myit.

PRU MAT 17:2

Shanhte gaw Mawshe hpe aput let, “Anhte hpe lu na ntsin jaw mi,” ngu nna tsun ma ai. Mawshe gaw, “Nanhte hpa majaw aput nga myit ta? Nanhte gaw hpa lam a majaw dai Madu hpe chyam mayu nga myit ni?,” ngu nna htan wu ai.

PRU MAT 34:9

Shi gaw, “Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,” ngu nna tsun wu ai.

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

BU HKAWM 14:22

ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.

BU HKAWM 20:13

Israela amyu masha ni dai Madu hpe aput angun ai hte shi chyoi pra nga ai lam shanhte hpe madun dan nu ai gaw Meriba e byin nga sai.

BU HKAWM 20:24

“Israela ni hpe jaw na ngu nna ngai ga sadi tawn da ai mungdan de Arun shang lu na n rai; nan lahkawng mahtang Meriba shara e nye a hkang da ai ga hte nhtan shai nna gumlau manit dai majaw si na rai ndai.

BU HKAWM 27:14

Shawa hpung ting dai Meriba shara e ngai hpe aput angun nga nna nhtan shai hkat nga yang, shanhte a man e nye a chyoi pra ai daru magam n-gun hkam la na ningdang kau myit dai,” ngu nna tsun wu ai. (Meriba gaw Zin Nam Mali na Kadesha shara hta pru ai hka hpawk rai nga ai.)

YAWHAN 1:14

Mungga gaw shinggyim hkum hkrang dagraw la nna, chyeju hte teng man ai hpring let anhte hta nga nga yu sai. Anhte gaw shi a hpung shingkang hpe mu lu sagaw ai. Dai hpung shingkang gaw Kawa Karai Kasang a Kasha shingtai ngu ai hpe shi hkam la lu ai lam rai nga ai.

TARA JAHPRANG 31:17

Dai zawn byin wa ai shaloi, ngai gaw masin pawt wa nna shanhte hpe kabai kau na mawe ai. Shaloi shanhte hten byak ai hkrum na mara ai. Hkrit hpa ru yak tsin-yam tsindam law law gaw shanhte a ntsa e du pru wa nna shanhte a Karai Kasang ngai nan shanhte hte rau n nga ai a majaw dai tsin-yam tsindam ni pru wa nga ai hpe shanhte myit dum wa na mara ai.

TARA JAHPRANG 33:8

Shi gaw Lewi amyu bawsang hte seng nna, ning nga nna tsun wu ai: “Madu e, nang gaw Urim hte Htumim lang nna na a myit ra ai hku madun dan nga ndai. Nang hta sadi dung ai Lewi shangun ma ni hte hpawn, Masa shara e shanhte hpe nang dinglik yu nit dai. Meriba hka kau e, shanhte hpe teng man ai sakse madun dan nit dai.

TARA JAHPRANG 6:16

“Masa shara e nanhte galaw myit dai zawn dai Madu nanhte a Karai Kasang hpe chyam dinglik lu na myit dai n rai.

TARA JAHPRANG 9:22

“Dai hta kaga, Tabera, Masa hte Kibrot Hatawa shara hkan e nanhte but nga myit dai shaloi dai Madu nanhte a Karai Kasang hpe masin pawt shangun manit dai.

YAWSHU 22:31

Hkinjawng Eleaza a kasha Hpineha gaw shanhte hpe, “Dai Madu anhte hte rau rai nga ai hpe ya chye saga ai. Nanhte gaw shi hpe n gumlau myit dai hte dai Madu jaw na ari kaw na mung Israela amyu masha ni hpe hkrang la manit dai,” ngu nna tsun mu ai.