PRU MAT 17:3 - Jinghpaw Common Language Bible 2009

³ Rai ti mung, amyu masha ni mahtang ntsin grai hpang gara nga ma ai rai nna, Mawshe hpe dingyang aput nga ma ai. Shanhte gaw, “Anhte hpe mung, anhte a kashu kasha ni hpe mung, anhte a yam nga hpung ni hpe mung ntsin hpang gara shangun nna sat kau na matu, anhte hpe Egutu mung kaw na hpa rai woi shapraw wa n ni?,” ngu nna tsun ma ai.

Jinghpaw Hanson Version Bible

³ Dai kaw e amyu masha ni hpang kara nna, Mawshe hpe aput let tsun ma ai gaw, “Anhte hte anhte a kashu kasha ni hpe mung, anhte a yamnga ni hpe mung hpang kara ai hte sat kau na rai yang gaw, hpa majaw Egutu mung na anhte hpe woi wa n ta?” ngu mu ai.

PRU MAT 17:3 ပူးပေါင်းရင်းမြစ်များ

NEHEMIA 9:15

“Shanhte kawsi hkrum yang, nang gaw shanhte hpe sumsing lamu na muk, shanhte hpang gara hkrum yang, lunghkrung kaw na hka, jaw nga ndai. Shanhte hpe jaw na ngu nang ga sadi jaw da sai dai mung hpe madu lu na lam nang shanhte hpe tsun nit dai.

NEHEMIA 9:20

Na a mai kaja ai lam hta, shanhte hpa galaw ang ai lam nang shanhte hpe tsun ndai; nang gaw shanhte hpe manna jaw sha nna, lu hka ntsin jaw ndai.

SHAKAWN KUNGDAWN 107:5

Shanhte gaw kawsi hpang gara ai hkrum nga ma ai; myit mada ai lam mahkra hpe shayaw kau mu ai.

PRU MAT 12:38

Kaga amyu baw law law ni mung, sagu, bainam hte dumsu yam nga hpung law law mung shanhte hte rau hkawm nang nga ma ai.

PRU MAT 14:11

Shanhte gaw Mawshe hpe, “Egutu mung hta lupwa ni n nga sani? Ya nang anhte hpe nam mali e si mat shangun na matu, ndai de woi shapraw wa n ni? Anhte hpe Egutu mung kaw na woi shapraw wa nhtawm, ya nang hpa galaw kau nit dai gaw she mada yu sanu!

PRU MAT 15:24

Amyu masha ni gaw Mawshe hpe aput let, “Anhte hpa lu na rai nga ga ta?, ngu nna san ma ai.

BU HKAWM 14:22

ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.

BU HKAWM 20:4

Nang anhte hpe hpa majaw ndai nam mali kata de woi bang wa nga n ta? Anhte a yam nga ni hte rau ndai yang e si lu na rai nga ga ni?