PRU MAT 17:12 - Jinghpaw Common Language Bible 2009

¹² Mawshe a lata lahpum tsu wa ai shaloi, Arun hte Hura yan gaw shi a matu nlung langai mi la nna dung shangun ma ai; shan mung shi a lata lahpum hpe sharawt da ya mu ai rai nna, jan du wa hkra dingyang jum shadaw ya ma ai.

Jinghpaw Hanson Version Bible

¹² Rai timung Mawshe a lata tsu wa lu ai rai nna, shan gaw nlung langai mi la nhtawm, dai hta shi hpe shadun wu ai: shing rai Arun yan Hura mung maga mi de langai ngai nga nna shi a lata pawn shadaw ya mu ai: dai rai nna jan du hkra shi a lata sharat dingyang rai nga lu ai.

PRU MAT 17:12 ပူးပေါင်းရင်းမြစ်များ

SHAKAWN KUNGDAWN 35:3

Na a nri hte majan nwa ni hpe sharawt nna ngai hpe hkan shachyut ai ni hpe ninghkap u. nang gaw ngai hpe hkye hkrang la na nngai, ngu nna ga sadi jaw e.

PRU MAT 17:11

Mawshe gaw shi a lahpum sharawt da nga dingsa Israela amyu masha ni dang nga ma ai; rai ti mung, shi a lahpum jahkrat kau ai shaloi, Amalek masha ni dang wa ma ai.

PRU MAT 17:13

Ndai hku nna Yawshu mahtang Amalek masha ni hpe atsai awai dang kau lu ma ai.

PRU MAT 24:14

Mawshe gaw ningbaw ni hpe, “An bai yu wa ai aten du hkra anhte a matu galaw da ai ndai yang na dabang hta ala nga mu. Arun hte Hura mung ndai yang e nanhte hte rau rai nga ma ai majaw nanhte hta ndang kalang lam pru wa jang shan kaw sa lu na rai myit dai,” ngu nna tsun wu ai.

ESAIA 35:3

Atsu atsa nga ai lata ni hte n-gun kya nna gari gawa rai nga ai lahput ni hpe n-gun jaw mu.

2 KORINHTU 1:11

Dai majaw Karai Kasang gaw nanhte a shing rai akyu hpyi ai ga ni hpe htan ya nna anhte hpe shaman chyeju jaw na ra ai. Masha law law mung anhte hkam la ai shaman chyeju a majaw chyeju shakawn shagrau na mara ai.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

HPILIPI 1:19

Hpa majaw nga yang, nanhte a akyu hpyi ai ga ni a majaw mung, Yesu Hkristu kaw na Wenyi a karum madi shadaw ai lam a majaw mung, ngai ndai bawng dung ai kaw nna shalawt dat hkrum na nngai,

KOLOSE 4:2

Akyu hpyi ai hta ayan shakut sharang rai nga nna, amaja nga ai let Karai Kasang hpe chyeju adum nga mu.

1 HTESALONI 5:25

Hpu nau ni e, anhte a matu mara mung akyu hpyi ya mi.

HEBRE 12:12

Dai re ai majaw nanhte a tsu ba nna kya mat ai lata ni hpe sharawt malan nna, nanhte a lapyin n rawng nna gari nga ai lahput ni hpe n-gun shaja dating nga mu.

YAKU 1:6

Rai ti mung nanhte akyu hpyi ai shaloi kam shut ai myit hte n re ai sha, kam sham ai myit hte hpyi nem lu na rai myit dai. Kam shut ai wa kadai mung nbung e ahtu nna kanawng hkawm ai panglai na hka leng hte bung nga ai.