PRU MAT 16:8 - Jinghpaw Common Language Bible 2009

⁸ Dai hpang Mawshe gaw, “Nanhte gaw dai Madu hpe kade lang aput manit dai hpe shi na ya nu ai majaw shana de nanhte sha na matu shan hpe mung, jahpawt e sha mayu ai made sha na muk hpe mung, shi jaw na ra ai. Nanhte an hpe aput mi ai gaw dai Madu hpe teng teng aput ai sha rai nga myit dai,” ngu nna tsun wu ai.

Jinghpaw Hanson Version Bible

⁸ Bai Mawshe gaw, “Shana de sha na matu shan, jahpawt e hkru ram hkra sha na muk, Yehowa nanhte hpe jaw na myit dai shaloi, nye a ga teng na ra ai: Yehowa hpe nanhte aput ai ga shi na nu ai: an wa mi hpa rai ga ta? nanhte aput ai ga gaw an hta hkra ai n rai, Yehowa hta hkra nga ai,” ngu wu ai.

PRU MAT 16:8 ပူးပေါင်းရင်းမြစ်များ

PRU MAT 16:12

“Ngai gaw Israela amyu masha ni a aput ai nsen ni hpe na ni ai. Dai re ai majaw shanhte gaw shana de shan sha lu nna, jahpawt de mung shanhte sha mayu ai muk yawng sha lu na rai ma ai; shaloi Ngai nan dai Madu shanhte a Karai Kasang rai nga nngai hpe shanhte chye lu na mara ai,” ngu nna tsun wu ai.

PRU MAT 16:9

Mawshe gaw Arun hpe, “Dai Madu gaw nanhte a aput ai nsen ni hpe na ya nu ai majaw, shi hpang de sa nna shi a man e tsap nga na matu hpung shawa ting hpe htawn tsun u,” ngu nna tsun wu ai.

PRU MAT 17:2

Shanhte gaw Mawshe hpe aput let, “Anhte hpe lu na ntsin jaw mi,” ngu nna tsun ma ai. Mawshe gaw, “Nanhte hpa majaw aput nga myit ta? Nanhte gaw hpa lam a majaw dai Madu hpe chyam mayu nga myit ni?,” ngu nna htan wu ai.

ESAIA 32:6

Angawk ai wa gaw angawk ai hku shaga nga ai, n hkru ai amu galaw na matu myit shapraw nga ai. Shi galaw ai amu hte tsun ai ga ni gaw dai Madu hpe n kaw n law di nga ai, shi gaw kawsi kyet ai wa hpe galoi mung n jaw sha, hpang gara ai ni hpe lu na ntsin n jaw nga ai.

ESAIA 37:29

Na a n-yun bu ai shiga hte na a gumrawng gumtawng ai ga ni hpe ngai lu la nngai, ya chyawm gaw, na ladi hta lashoi shoi ya nna na a n-gup hta runghtung bang let, nang du sa wa ai lam hku bai nhtang mat wa shangun na de ai.”

BU HKAWM 11:18

Ya chyawm gaw amyu masha ni hpe, ‘Hpawt ni na matu nanhte a hkum ni hpe jasan jaseng da mu; nanhte shan sha lu na rai myit dai. Nanhte gaw Egutu mung hta ngamu ngamai ai hte nanhte ra sharawng ai shan sha lu ga ai, nga nna aput angun ai hte tsun ai ga hpe dai Madu na ya nu ai rai nna dai Madu nanhte hpe shan jaw na rai wu ai; nanhte dai hpe sha na rai myit dai.

BU HKAWM 14:27

“Ndai n hkru ai amyu masha ni galoi aten du hkra ngai hpe aput shatsang na rai nga ma ta? Dai zawn nga ai aput angun ga ni hpe ngai na jin ni ai!

BU HKAWM 21:7

Amyu masha ni mung Mawshe hpang de sit sa nhtawm, “Anhte gaw dai Madu hte nang hpe nhtan shai ai hku tsun kau saga ai majaw yubak galaw kau saga ai. Ndai lapu ni hpe la kau ya na dai Madu hpe ya jang hpyi nem ya mi,” ngu nna tsun ma ai. Dai rai nna Mawshe gaw amyu masha ni a matu hpyi nem ya wu ai.

MAHTE 10:40

Nanhte hpe hkap hkalum la ai wa kadai mung, ngai hpe shangun dat ai wa hpe hkap hkalum la ai wa rai nga ai.

MAHTE 9:4

Yesu gaw shanhte a myit mang ai hpe chye ya jang, “Nanhte a kraw lawang ni hta e, hpa majaw n kaja ai myit nga myit ta?

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

YAWHAN 13:20

Ngai nanhte hpe kaja wa teng teng tsun made ga, ngai shangun dat ai wa kadai hpe rai ti mung, hkap la ai wa gaw, ngai hpe hkap la ai rai nga ai; ngai hpe hkap la ai wa kadai mung, ngai hpe shangun dat ai wa hpe hkap la ai rai nga ai,” ngu nna shanhte hpe tsun mu ai.

ROMA 13:2

Dai re ai majaw ahkang aya lu ai ni hpe lale ai wa kadai mung, Karai Kasang galaw lajang hkang tawn da sai lam hpe ninghkap ai wa rai nga ai. Dai wa gaw tinang nan tara dara ai hkrum na ra ai.

1 KORINHTU 10:10

Shanhte nkau mi aput angun nna, Si du a kasa wa a lata hte jahten shabyak kau ai hkrum ma ai zawn, anhte aput angun nga lu na n rai.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.

1 SAMUELA 8:7

dai Madu gaw, “Amyu masha ni nang hpe tsun ai lam magup hpe madat u, shanhte nang hpe kau ai n rai; shanhte a hkawhkam n tai na hku shanhte kau ai gaw ngai mahtang she rai nga nngai.