PRU MAT 16:7 - Jinghpaw Common Language Bible 2009

⁷ Jahpawt e mung nanhte gaw htoi kabrim ai dai Madu a hpung shingkang hpe mu lu na marin dai. Nanhte shi hpe aput ai ga, rai sa, dai aput ai ga hpe shi na nu ai; an chyawm gaw shi a ga matsun ni hpe chyu sha gun hpai ai yan rai nga ga ai,” ngu nna tsun ma ai.

Jinghpaw Hanson Version Bible

⁷ hpawt de mung Yehowa a hpung shingkang nanhte mu na marin dai: Yehowa hpe nanhte a put ai ga gaw shi na nu ai: an hpe aput na gaw an hpa hkaw ai yan rai ga ta?” ngu nna Israela kashu kasha ni hpe tsun mu ai.

PRU MAT 16:7 ပူးပေါင်းရင်းမြစ်များ

PRU MAT 16:10

Arun gaw shawa hpung ting hpe ga shaga nga yang, shanhte gaw nam mali maga de kayin yu ma ai rai nna, dai htoi kabrim ai Madu a nhtoi gaw sumwi hta akajawng sha dan pru wa nga ai.

PRU MAT 16:12

“Ngai gaw Israela amyu masha ni a aput ai nsen ni hpe na ni ai. Dai re ai majaw shanhte gaw shana de shan sha lu nna, jahpawt de mung shanhte sha mayu ai muk yawng sha lu na rai ma ai; shaloi Ngai nan dai Madu shanhte a Karai Kasang rai nga nngai hpe shanhte chye lu na mara ai,” ngu nna tsun wu ai.

PRU MAT 16:8

Dai hpang Mawshe gaw, “Nanhte gaw dai Madu hpe kade lang aput manit dai hpe shi na ya nu ai majaw shana de nanhte sha na matu shan hpe mung, jahpawt e sha mayu ai made sha na muk hpe mung, shi jaw na ra ai. Nanhte an hpe aput mi ai gaw dai Madu hpe teng teng aput ai sha rai nga myit dai,” ngu nna tsun wu ai.

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

PRU MAT 24:16

Htoi kabrim ai Karai Kasang a hpung shingkang gaw bum ntsa e dan hkung nga ai hte bum pungding e wan hkru nga ai zawn Israela masha ni nga ai maga de htoi kabrim nga ai. Sumwi mung dai bum hpe kru ya tup ka-up da nhtawm sanit ya ngu na nhtoi hta dai Madu gaw Mawshe hpe sumwi kata kaw na ga shaga wu ai.

PRU MAT 40:34

Dai hpang, sumwi gaw Sum hpe ka-up nna, htoi kabrim ai dai Madu a hpung shingkang mung dai hta hpring nga ai.

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

ESAIA 40:5

Dai hpang dai Madu a hpung shingkang gaw dan dawng wa nna, amyu masha ni yawng dai hpe mu na mara ai. Dai Madu gaw shi nan ndai amu hpe ga sadi jaw nu ai,” ngu nna ja ja jahtau tsun nga ai.

JAW JAU 9:6

Mawshe gaw, “Dai Madu gaw ndai lam yawng mayawng galaw na matu nanhte hpe hkang da manit dai rai nna shi a htoi kabrim ai hpung shingkang nanhte hpang de dan pru lu na rai nga ai,” ngu nna tsun wu ai.

BU HKAWM 14:10

Shawa hpung ting chyawm gaw shan hpe nlung hte kabai sat na hku jahkrit ma ai. Rai ti mung htoi tu ai dai Madu a hpung shingkang gaw Sum ntsa e dan hkung nga ai hpe amyu masha ni akajawng sha mu ma ai.

BU HKAWM 14:27

“Ndai n hkru ai amyu masha ni galoi aten du hkra ngai hpe aput shatsang na rai nga ma ta? Dai zawn nga ai aput angun ga ni hpe ngai na jin ni ai!

BU HKAWM 16:11

Arun hpe nanhte gumlau nna aput angun di myit dai shaloi dai amu gaw nang hte nang hpang maga hkan nang ai ni, dai Madu hpe teng teng gumlau nga myit dai,” ngu nna tsun wu ai.

BU HKAWM 16:42

Mawshe yan Arun hpe ninghkap na nga, shanhte yawng hpawng de nga ai hpang, Sum de kayin mada yu mu ai shaloi, sumwi gaw dai hpe ka-up nga nna htoi kabrim ai dai Madu a hpung shingkang dan hkung nga ai hpe mu ma ai.

BU HKAWM 17:5

Dai hpang ngai lata la ai wa a dawhkrawng gaw maku ku na ra ai. Dai lam hku nna nang hpe ninghkap ai ndai Israela masha ni a n htum n mat hkraw ai aput angun ga hpe ngai shangap kau lu na rai nngai,” ngu nna tsun wu ai.

YAWHAN 11:4

Yesu gaw dai ga na jang “Dai machyi ai gaw si machyi n rai, Karai Kasang a hpung shingkang dan hkung shangun na matu hte de a majaw Karai Kasang a Kasha gaw hpung shingkang dan hkung wa na ra ai,” ngu nna tsun wu ai.

YAWHAN 11:40

Yesu gaw, “Nang kam n yang gaw, Karai Kasang a hpung shingkang nang mu lu na rin dai, ngu nna ngai tsun sade ai n rai ni?,” ngu nna shi hpe tsun wu ai.