PRU MAT 16:4 - Jinghpaw Common Language Bible 2009

⁴ Shaloi dai Madu gaw Mawshe hpe, “Ya chyawm gaw nanhte yawng a matu lamu kaw na malu masha ngai jahtu ya na made ai. Amyu masha ni gaw shani shagu pru sa nna, lani mi na matu ram tup hta shinggyin la lu na rai myit dai. Ndai lam hku nna, nye a ga matsun hpe shanhte hkan nga ma ai hpe mu lu hkra, shanhte hpe ngai chyam yu na nngai.

Jinghpaw Hanson Version Bible

⁴ Dai rai nna Yehowa gaw Mawshe hpe, “Yu mu, ngai nanhte a matu lamu de na muk jahtu ya na made ai; shaloi shanhte shani shagu sa nna lani mi na matu ram tup ram tup hta la na rai ma ai: shin rai nye a tara hpe shanhte hkan nang ma ai kun, n hkan nang ma ai kun, ngai chyam yu na mawe ai.

PRU MAT 16:4 ပူးပေါင်းရင်းမြစ်များ

NEHEMIA 11:23

Shani shagu Nawku Htingnu mahkawn mangoi amu woi awn ai hta amyu lakung ni kaning rai amu kayin hprai gun na lam hkawhkam wa hkang da ai tara ni nga nga ai.

NEHEMIA 9:15

“Shanhte kawsi hkrum yang, nang gaw shanhte hpe sumsing lamu na muk, shanhte hpang gara hkrum yang, lunghkrung kaw na hka, jaw nga ndai. Shanhte hpe jaw na ngu nang ga sadi jaw da sai dai mung hpe madu lu na lam nang shanhte hpe tsun nit dai.

NEHEMIA 9:20

Na a mai kaja ai lam hta, shanhte hpa galaw ang ai lam nang shanhte hpe tsun ndai; nang gaw shanhte hpe manna jaw sha nna, lu hka ntsin jaw ndai.

SHAKAWN KUNGDAWN 105:40

Shanhte hpyi mu ai hte maren, u preng ni hpe dat dat ya nna; shanhte myit dik hkra sha lu na matu, lamu na lusha shanhte hpe jahkrat jaw ya wu ai.

SHAKAWN KUNGDAWN 78:23

Rai ti mung, shi gaw ntsa na lamu hpe tsun wu ai hte; sumsing lamu na chyinghka ni hpe hpaw na matu hkang dat wu ai;

PRU MAT 15:25

Mawshe gaw dai Madu hpe akroi anoi hpyi jahtau wu ai rai nna, dai Madu mung shi hpe hpun langai mi madun wu ai. Dai hpe hka de kabai bang dat wu yang, hka dai gaw lu mai nga sai. Dai yang e dai Madu gaw shanhte hkan sa na Tara ni hpe jaw nhtawm shanhte hpe mung chyam yu wu ai.

PRU MAT 16:15

Israela amyu masha ni dai hpe mu ma ai shaloi, dai hpa rai nga ai hpe shanhte n chye ma ai rai nna, “Ndai hpa rai nga a ta?,” ngu nna shada da san hkat ma ai. Mawshe gaw shanhte hpe, “Nanhte sha na matu dai Madu jaw ya ai lusha rai nga malit dai.

GA SHAGAWP 30:8

Masu magaw ga tsun ai kaw na, ngai hpe shatsan shagang kau ya e; sut su ai hte matsan ai mung, ngai hta n rai u ga. Dai majaw ngai hta ra kadawn nga ai shat lusha hpe sha, ngai hpe jaw ya e.

MAHTE 6:11

Anhte hta ra ai lusha, dai ni anhte hpe jaw mi;

LUKA 11:3

Anhte hta ra ai lusha, shani shagu anhte hpe jaw mi.

1 KORINHTU 10:3

Shanhte yawng gaw, wenyi shahpa hte luhpa myu mi sha lu sha ma ai.

TARA JAHPRANG 8:16

Nanhte a nji nwa ni pyi galoi mung garai n sha yu ai Manna lusha hpe nam mali e jaw ya wu ai. Nanhte hpe chyam yu na nga, yak hkak jam jau jahkrum nhtawm jahtum e nanhte hpe mai kaja ai sut rai ni hte shaman ya wu ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.