PRU MAT 15:8 - Jinghpaw Common Language Bible 2009

⁸ Nang gaw hka hpe gawut dat yang, hka gaw ntsa de gumdin lung wa nhtawm; dai gaw shakum langai zawn ading jan rai tsap mat nga ai; panglai a sung htum ai shara mung ja ja hkak hkak rai nga ai.

Jinghpaw Hanson Version Bible

⁸ Na a ladi na shaw ai nsa hte hka hpungnung ni gumdin mat wa ma ai: Lwi nga ai hka hpungla ni rawt tsap jan jan rai nga ma ai; Dai nawng a ka-ang na sung ai hka hpung ni ting ting hkang hkang rai nga ma ai.

PRU MAT 15:8 ပူးပေါင်းရင်းမြစ်များ

2 SAMUELA 22:16

Dai Madu gaw shi a gumlau hpyen ni hpe daru kau nna, masin pawt let shanhte hpe shabam dat wu yang; panglai hka a htumpa ni dawng pru wa nna, ginding aga a npawt nhpang ni dan pru nga ai.

YOBA 4:9

Karai Kasang gaw shi pawt sindawng ai majaw, shanhte hpe nbung laru zawn jahten shaza nga ai.

SHAKAWN KUNGDAWN 33:7

Shi gaw hka panglai ni yawng hpe shara langai mi hta sumpum gumdin da nga ai; sung ai nammukdara hka ni hpe dum ni hta la shingdang da nu ai.

SHAKAWN KUNGDAWN 78:13

Shi gaw panglai hka hpe lahkawng brang garan kau nna, hka hpe lahkawng maga de shakum zawn shatsap da ai hte shanhte hpe dai lam hku, woi lai mat wa nu ai.

PRU MAT 14:29

Rai ti mung Israela amyu masha ni chyawm gaw panglai hta lahkawng maga a hka shakum lapran na hkun hkraw ai hkarang ga hku hkawm lai mat wa ma ai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 37:7

Dai Madu gaw hkawseng wa hpe htingwan shiga na shangun nhtawm shi a mungdan de bai nhtang wa shangun na ra ai, dai Madu gaw shi hpe dai shara hta sat kau na wu ai.”

HABAKU 3:10

Bum ni nang hpe mu ai shaloi, dai ni hkrit gari ma ai; lamu ni kaw na hka ru hkrat nga ai. Ginding aga a npu na hka ni wu kadu nga ai hte dai ni a hka leng ni rawt lung wa nga ai.

HABAKU 3:15

Nang gaw na a gumra ni hte panglai hka kabye dat ai hte hka hkumbawp pru wa shangun nga ndai.

2 HTESALONI 2:8

Dai hpang dai N hkru Ai Wa dan pru na ra ai, rai ti mung Madu Yesu du sa ai shaloi N hkru Ai Wa hpe shi a n-gup kaw na pru ai nsa hte sat kau nna, shi a htoi kabrim ai hpung shingkang hte jahten shaza kau na ra ai.

YAWSHU 3:13

Ginding aga yawng a Madu a Ga Shaka Sumpu hpe hpai ai hkinjawng ni hka de shanhte a lagaw kabye hkra dat ai shaloi jang, lwi nga ai Yawdan hka gaw hkring mat nhtawm hka hku de na hka gaw shara mi hta sumpum tsaw mat wa na ra ai,” ngu nna tsun wu ai.

YAWSHU 3:16

lwi nga ai hka gaw hkring mat nna grai tsan ai Zarehtan makau na Adam mare du hkra sumpum tsaw mat wa nga ai. Jum Nawng de lwi yu wa ai hka mung tsep kawp hkyet mat ai rai nna amyu masha ni mung Yerihko mare ang ang hku rap sa wa ma ai.