PRU MAT 15:6 - Jinghpaw Common Language Bible 2009

⁶ “Madu e, na a hkra lata gaw daru magam n-gun hte hkrit hpa wa rai nga ai; dai gaw gumlau hpyen ni hpe agrawp kau nga ai.

Jinghpaw Hanson Version Bible

⁶ Yehowa e, na hkra lata gaw, n-gun hte dan hkung nga lit dai; Yehowa e, na hkra lata gaw hpyen ni hpe agrawp kau nu ai.

PRU MAT 15:6 ပူးပေါင်းရင်းမြစ်များ

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

SHINGRAN 2:27

Dai ahkang aya gaw: masha mungdan ni a ntsa e hpri sumdoi hte up hkang nna, di bu sama a di bu ni hpe zawn ayun ayaw rai hkra adup grawp kau na ahkang aya rai nga ai.

SHAKAWN KUNGDAWN 60:5

Na a daru magam n-gun hte anhte hpe hkye hkrang la mi; anhte a akyu hpyi ai ga hpe mung htan ya mi, shing rai jang, nang tsaw ra ai amyu masha ni hkye mawai la ai hkrum na mara ai.

SHAKAWN KUNGDAWN 2:9

Nang shanhte hpe hpri sumdoi hte shabya kau nna; nang shanhte hpe ga di bu langai mi hpe zawn ahkyep alep rai mat hkra, gamang kau na ndai,’” nga nna tsun ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

ESAIA 52:10

Dai Madu gaw shi a chyoi pra ai daru magam n-gun lang wa na ra ai; shi gaw shi a amyu masha ni hpe hkye la na ra ai, mungkan ga ting dai amu hpe mu na mara ai.

YEREMIA 13:14

Dai hpang, ngai gaw namtau shada ahkawk hkat ai zawn kaji kaba n nga, shanhte hpe agrawp daw kau na nngai. Lahpawt dum ai myit, matsan dum ai myit, n-gaw nwai ai myit hpa mung shanhte hpe sat shamyit kau na kaw na ngai hpe hkum da lu na ra ai n rai,” nga nna tsun ai.

SHAKAWN KUNGDAWN 98:1

Dai Madu hpe mahkawn ga nnan hte mahkawn mu; shi gaw mauhpa magam amu ni hpe galaw da nu ai! Shi a daru magam n-gun hte chyoi pra ai n-gun a jaw e, shi gaw awng padang hpe hkam la nu ai.

SHAKAWN KUNGDAWN 77:10

Shaloi, ngai hpe machyi shangun htum ai gaw, “Karai Kasang hta daru magam n-gun n rawng mat sai,” nga ai rai nga ai.

SHAKAWN KUNGDAWN 74:11

Nang anhte hpe karum la na matu hpa majaw ningdang kau nga n ni? Na a lata ni hpe hpa majaw shingdu de hkintum da nga n ta?

SHAKAWN KUNGDAWN 44:3

Na a amyu masha ni gaw dai lamu ga hpe shanhte a nhtu ni hte gasat dang la lu ma ai n rai; shanhte a n-gun atsam hte dai mung hpe lu la ai n rai. Dai gaw na a daru magam atsam hte na a chyalai n-gun shanhte hpe na a tsaw ra myit madun sai ngu ai nang shanhte hte rau shanu nga ai ga sadi ni a majaw rai nga ai.

SHAKAWN KUNGDAWN 17:7

Na a mauhpa tsaw ra myit madun dan nna ngai hpe hkye hkrang la e; na a makau e nga lu yang, ngai gaw nye a gumlau hpyen ni a lata kaw nna shim lum nga nngai.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

ESAIA 30:14

Nanhte gaw ga di bu langai zawn ga gamang mat na marin dai, shing rai laja lana ga mat ai majaw, wan n-ga hta na matu mung, ntsin ja na matu mung lang ram na di hkyep pyi ngam nga na ra ai n rai.”

PRU MAT 3:20

Rai ti mung nye a daru magam n-gun hpe ngai lang nhtawm mauhpa amu ni hte jahkrit shama let Egutu mung hpe ari jaw na we ai. Dai hpang shi nanhte hpe sa wa shangun na ra ai.

PRU MAT 6:1

Shaloi dai Madu gaw Mawshe hpe, “Hkawhkam wa hpe ngai kaning di na gaw ya nang mu lu na rin dai. Ngai gaw shi hpe nye a amyu masha ni hpe dat dat shangun na matu shagyeng na we ai. Kaja wa teng teng, shanhte hpe shi a mung kaw nna gawt shapraw kau dat lu hkra ngai shi hpe shadut na we ai,” ngu nna tsun wu ai.

PRU MAT 15:12

Na a hkra lata hpe ladawn dat yang, ginding aga gaw anhte a gumlau hpyen ni hpe mayu kau nu ai.

PRU MAT 15:16

Hkrit kajawng ai hte hkrit gari ai gaw shanhte a ntsa e du sai. O Madu e, shanhte gaw na a n-gun hpe mu ma ai shaloi, na a amyu masha ni lai mat wa nna, amyu masha ni hpe mayam prat kaw na nang shalawt kau dat ai aten du hkra, hkrit ai hte atsin sha nga nga ma ai.

PRU MAT 18:8

Mawshe gaw Yehtru hpe dai Madu mahtang Israela amyu masha ni hpe hkye mawai la na matu, Egutu hkawhkam wa hte shi a amyu masha ni hpe shi galaw dan nu ai amu nlang hte hpe tsun dan wu ai. Shi gaw amyu masha ni hkrun lam e hkrum sha ai mayak lam ni hte Karai Kasang shanhte hpe kaning rai hkye hkrang la sai lam ni hpe mung tsun dan wu ai.

1 SAMUELA 2:10

Dai Madu a gumlau hpyen ni gaw jahten kau ai hkrum na mara ai; shi gaw shanhte hpe ninghkap na matu sumsing lamu kaw na mu shangoi dat ya na ra ai. Dai Madu gaw mungkan ga ting hpe tara jeyang na ra ai; shi gaw shi a hkawhkam wa hpe daru magam n-gun jaw na ra ai, shi gaw shi lata la sai hkawhkam wa hpe awng padang lu shangun na ra ai.”

SHAKAWN KUNGDAWN 24:8

Dai magrau grang ai hkaw hkam wa gaw kadai rai nga a ta? Shi gaw n-gun atsam hte n-gun chyalai rawng ai wa hte majan hta awng padang ninglaw lu ai Madu rai nga ai.

SHAKAWN KUNGDAWN 44:4

Nang gaw nye a hkawhkam wa hte nye a Karai Kasang rai nga ndai; na a amyu masha ni hpe awng padang nang jaw ya nga ai rai nna,

SHAKAWN KUNGDAWN 89:14

Na a mungdan hpe ding man ai hte teng man ai lam hta npawt gaw da nga ai; nang galaw ai lam shagu hte hta tsaw ra myit hte sadi sahka ai lam hpe madun dan nga ndai.

ESAIA 63:12

Shi hkum nan a matu htani htana gumhkawng wa lu hkra, Mawshe hku nna shi a daru magam n-gun hte panglai hka hpe ga garan kau nna sung ai hka hku shi a amyu masha ni hpe woi lakawn wa ai amu kaba galaw dan sai dai Madu gaw kanang e rai nga a ta?,” ngu nna san ma ai. Dai Madu woi lakawn wa ai majaw gumra shazai ni n kashawt n kataw ai zawn shanhte gaw galoi mung ahtu kataw nga ma ai n rai.