PRU MAT 15:5 - Jinghpaw Common Language Bible 2009

⁵ Dai sung ai panglai gaw shanhte hpe ka-up kau nna; nlung zawn hka a htumpa de shanhte lup shang mat wa manu ai.

Jinghpaw Hanson Version Bible

⁵ Le sung ai shara gaw shanhte hpe magap kau wu ai, Nlung zawn shanhte gaw le sung ai de yu hkrat wa ma ai.

PRU MAT 15:5 ပူးပေါင်းရင်းမြစ်များ

NEHEMIA 9:11

nang gaw na a amyu masha ni a matu panglai hku lai di lam langai hpaw ya ndai, dai hkun hkraw ai ga ntsa hku shanhte hpe lai shangun nga ndai. Shanhte a hpang hkan shachyut ai ni hpe panglai hka laru kata hta nlung langai lup mat ai zawn, shanhte hpe sung ai hka hta lup si shangun ndai.

SHAKAWN KUNGDAWN 106:11

Rai ti mung, shanhte a gumlau hpyen ni mung hka hta lup si mat nna; langai mi mung n lawt lu nga masai.

PRU MAT 14:28

Dai hka gaw bai lwi wa nna Israela masha ni hpe hkan shachyut nang ai hpyen leng ni, hkang ai ni hte Egutu hpyen hpung ni yawng hpe ka-up kau nga ai rai nna shanhte hta na langai mi mung n lawt lu nga ai.

PRU MAT 15:10

Rai ti mung Madu e, nang kaw na nsa shapraw dat yang, Egutu masha ni yawng lup si mat ma ai; dai hkrit hpa hka de, machyu zawn shanhte lup mat ma ai.

PRU MAT 15:16

Hkrit kajawng ai hte hkrit gari ai gaw shanhte a ntsa e du sai. O Madu e, shanhte gaw na a n-gun hpe mu ma ai shaloi, na a amyu masha ni lai mat wa nna, amyu masha ni hpe mayam prat kaw na nang shalawt kau dat ai aten du hkra, hkrit ai hte atsin sha nga nga ma ai.

GA SHAGAWP 8:24

Sung htum ai nammukdara hte hka hpawk ni garai n nga ai a shawng e; ngai shangai ni ai.

EZEKELA 27:34

Ya chyawm gaw, panglai ka-ang e agrawp daw mat ai nang hkrum nga ndai; Nang gaw nammukdara a sung ai shara de lup mat nit dai. Na a hpaga gun rai ni hte na a matu hpaga amu galaw ya ai ni yawng gaw Nang hte rau panglai ka-ang e htum mat manit dai.’

YONA 2:2

“O Madu e, nye a ru tsang ai kata kaw na, ngai nang hpe shaga nngai, nang gaw nye a ga hpe htan ya nit dai. Katsan ga kata kaw na, ngai hpe karum la na matu jahtau ai shaloi, nye a nsen hpe nang na nit dai.

MIHKA 7:19

Nang gaw anhte hpe kalang mi bai matsan dum la na rai nga ndai. Nang gaw anhte a yubak mara ni hpe lagaw npu de kabye kau na rin dai, dai ni hpe panglai htumpa de kabai bang kau na rin dai.

MAHTE 18:6

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai mung, shi a du hta htum rin lung gyit noi nna, panglai na sung htum ai shara de jahkrat bang kau na shi a matu grau kaja nga ai.

SHINGRAN 18:21

Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.