PRU MAT 15:2 - Jinghpaw Common Language Bible 2009

² Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

Jinghpaw Hanson Version Bible

² Yehowa gaw nye a n-gun, nye a mahkawn mangoi shara rai nga ai. Nye a hkye hkrang la ai lam shi tai ya sai: Shi gaw nye a Karai Kasang rai nga li ai rai nna, ngai shi hpe shakawn na we ai; Ngai ji ngai wa ni a Karai Kasang shi rai nga ai rai nna, ngai shi hpe shagrau na we ai.

PRU MAT 15:2 ပူးပေါင်းရင်းမြစ်များ

NINGPAWT NINGHPANG 17:7

“Nang hte mung, du na ra ai ban na na a amyu matu ni hte mung htani htana ga shaka ngu ai nye a ga sadi hpe ngai shatup na nngai. Ngai gaw na a Karai Kasang mung, na a amyu matu ni a Karai Kasang mung tai nga na nngai.

NINGPAWT NINGHPANG 49:18

“Madu e, ngai gaw na a hkye hkrang la ai lam hpe ala nga nngai.

2 SAMUELA 22:3

Nye a Karai Kasang gaw ngai hpe makawp maga ai wa rai nga ai; shi hte rau rai nga nngai majaw ngai shim nga lu nngai. Shi gaw ngai hpe ninggang langai zawn makawp maga ai hte; shi gaw ngai hpe hkap makawp la ai hte shim hkra tawn da nga ai. Shi gaw ngai hpe hkye hkrang la ai wa rai nga ai; ngai hpe makawp maga la ai hte kashun kashe du daw sai hkaw amu kaw nna mung hkye mawai la nga ai.

2 SAMUELA 22:47

Dai Madu gaw ahkrung nga ai! Nye a dahpran shara rai nga ai wa hpe shakawn kungdawn mu! Ngai hpe hkye hkrang la ai dai n-gun lapyin rawng ai Karai Kasang a galu kaba ai lam hpe htawn tsun nga mu!

2 SAMUELA 22:51

Karai Kasang gaw shi a hkawhkam wa hpe galu kaba ai awng padang jaw ya nga ai; shi gaw shi lata san da nu ai wa ngu ai, Dawi hte shi a amyu matu ni hpe htani htana dinggrin tsaw ra myit madun dan nga ai law.

2 SAMUELA 7:24

Nang gaw Israela hpe htani htana na a amyu masha majing shatai la nga nit dai; dai rai nna Madu e, nang gaw shanhte a Karai Kasang tai nga nit dai.

2 SAMUELA 7:5

“Nye a shangun ma Dawi hpe ngai tsun ai ga sa tsun su, ‘Nang gaw ngai shanu nga na ngu ai nye a matu htingnu hpe gap ya lu ai wa rai na ndai n rai.

1 HKAWHKAM 8:13

Ya chyawm gaw na a matu htani htana shanu nga na hkik hkam ai htingnu langai mi hpe ngai gaw da ni ai.”

1 HKAWHKAM 8:27

“Rai ti mung, O Karai Kasang e, nang gaw ginding aga ntsa e teng teng shanu nga lu na kun? Sumsing lamu yawng pyi nang hpe sharawng da lu na daram kaba nga ai n rai; dai rai yang, ngai gap da ai ndai Nawku Htingnu gaw kaning rai kaba ram lu na rai nga a ta?

1 HKAWHKAM LABAU 16:14

Dai Madu gaw anhte a Karai Kasang rai nga ai; shi a hkang da ai tara ni mungkan ting a matu rai nga ai.

SHAKAWN KUNGDAWN 109:1

Karai Kasang e, ngai nang hpe shakawn kungdawn nngai; atsin sha hkum nga nga et!

SHAKAWN KUNGDAWN 118:14

Dai Madu ngai hpe daru magam n-gun hte atsam marai jahpring ya nna; shi ngai hpe hkye hkrang la ni ai.

SHAKAWN KUNGDAWN 118:21

Madu e, nang ngai hpe htan ya nna, ngai hpe awng padang jaw ya nit dai majaw, ngai nang hpe shakawn na nngai.

SHAKAWN KUNGDAWN 118:28

Nang gaw nye a Karai Kasang rai nga ndai ngai nang hpe chyeju shakawn nga na nngai; na a galu kaba ai lam hpe ngai htawn tsun nga na nngai.

SHAKAWN KUNGDAWN 140:7

Nye a Grau Htum Ai Madu Chyahtum Chyalai n-gun hte hpring nga nna, ngai hpe makawp maga ai Madu e, nang gaw ngai hpe majan pa hta makawp maga ya nit dai.

SHAKAWN KUNGDAWN 145:1

Nye a Karai Kasang hte hkawhkam wa e, na a galu kaba ai lam hpe ngai htawn tsun nga na nngai; ngai nang hpe htani htana prat dingsa chyeju shakawn nga na nngai.

SHAKAWN KUNGDAWN 18:46

Dai Madu gaw ahkrung nga ai law! Ngai hpe makawp maga ai wa gaw a lu u ga law! Ngai hpe hkye hkrang la ai Karai Kasang gaw galu kaba nga ai hpe htawn tsun mu.

SHAKAWN KUNGDAWN 22:10

Ngai gaw shangai wa ai shani kaw nna nang hta kam hpa shamyet shanat nga nngai; nang gaw tut nawng e na, nye a Karai Kasang rai nga nit dai.

SHAKAWN KUNGDAWN 22:3

Rai ti mung, nang gaw Chyoi Pra ai Wa zawn tingnyang hta dung nga ndai; Israela amyu masha ni e shakawn kungdawn hkrum ai wa mung rai nga ndai.

SHAKAWN KUNGDAWN 27:1

Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

SHAKAWN KUNGDAWN 28:8

Dai Madu gaw shi a amyu masha ni hpe makawp maga nga ai; lata la hkrum ai shi a hkawhkam wa hpe makawp maga ai hte hkye hkrang la nga ai.

SHAKAWN KUNGDAWN 30:1

Madu e, nang ngai hpe hkye hkrang la nit dai, nye a gumlau hpyen ni ngai hpe dang kau ai kaw na, nang ngai hpe makawp maga la nit dai majaw, ngai nang hpe shakawn nngai.

SHAKAWN KUNGDAWN 34:3

Dai Madu a galu kaba ai lam hpe ngai hte rau htawn tsun ga; shi a mying nsang hpe anhte jawm shakawn ga!

SHAKAWN KUNGDAWN 48:14

nanhte gaw, “Dai Karai Kasang gaw htani htana prat dingsa na anhte a Karai Kasang rai nga ai; shi gaw anhte hpe prat ting lam woi wa na ra ai,” nga nna hpang ban prat masha ni hpe hkai dan lu na myit dai.

SHAKAWN KUNGDAWN 59:17

Ngai hpe makawp maga ai wa e, ngai nang hpe shakawn nga na nngai; Karai Kasang gaw nye a shingbyi shara rai nga ai, ngai hpe tsaw ra ai Karai Kasang mung rai nga ai.

SHAKAWN KUNGDAWN 68:20

Anhte a Karai Kasang gaw hkye hkrang la ai Karai Kasang rai nga ai; shi gaw Madu rai nga nna, si hkrung si htan a lata kaw nna mawai la ai anhte a Madu rai nga ai.

SHAKAWN KUNGDAWN 99:5

Dai Madu anhte a Karai Kasang hpe shakawn kungdawn mu; shi a tingnyang man e, nawku daw jau mu! Shi gaw Chyoi Pra Ai Wa rai nga ai!

SHAKAWN KUNGDAWN 99:9

Dai Madu anhte a Karai Kasang hpe shakawn kungdawn mu; shi a chyoi pra ai bum hta nawku daw jau nga mu! Dai Madu anhte a Karai Kasang gaw chyoi pra nga ai.

PRU MAT 14:13

Mawshe chyawm gaw, “Hkum hkrit myit! Amu sha nga mu. Dai ni na nhtoi hta, nanhte hpe hkye hkrang la ai amu dai Madu galaw na ra ai hpe nanhte mu lu na marin dai; dai Egutu masha ni hpe galoi mung bai mu lu na manit dai n rai.

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

PRU MAT 4:22

Dai hpang, ‘Israela gaw nye a shadang sha alat rai nga li ai,

PRU MAT 40:34

Dai hpang, sumwi gaw Sum hpe ka-up nna, htoi kabrim ai dai Madu a hpung shingkang mung dai hta hpring nga ai.

PRU MAT 6:7

Ngai gaw nanhte hpe nye a amyu masha majing hku shatai la nna, nanhte a Karai Kasang tai na nngai. Ngai gaw Egutu mung mayam prat kaw na nanhte hpe shalawt dat ai nanhte a Karai Kasang dai Madu rai nga ai hpe nanhte chye lu na marin dai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 49:6

Dai Madu gaw ngai hpe, “Nye a shangun ma wa e, ngai gaw na a matu bungli grau kaba ai langai lu nngai. Naw ngam nga ai Israela amyu masha ni hpe galu kaba lam jaw ya na matu sha n rai nga ai; rai ti mung ngai gaw nang hpe masha amyu ni a matu nhtoi shatai na we ai, shaloi mungkan yawng gaw hkye hkrang la hkrum na ma ai,” ngu nna tsun ai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

YEREMIA 3:23

Anhte gaw kawng pungding ntsa hkan e anhte a tara maigan nawku ai lai hte loi mi pyi karum hkrum nga ga ai n rai, Israela a matu karum la lam gaw dai Madu anhte a Karai Kasang kaw na chyu sha du sa wa nga ai.

YEREMIA 31:33

Israela amyu masha ni hte tawn da na ga shaka ningnan gaw ndai rai nga ai: Ngai gaw shanhte kata hta nan nye a tara hpe tawn da ai hte dai hpe shanhte a kraw lawang ni hta e ka da na nngai. Ngai gaw shanhte a Karai Kasang tai nna shanhte gaw nye a amyu masha ni tai na mara ai.

YEREMIA 32:38

Shing rai, shanhte gaw nye a amyu tai nna, ngai gaw shanhte a Karai Kasang tai nga na nngai.

HABAKU 3:13

Nang gaw na a amyu masha ni hpe hkye la na matu mung, nang lata da sai hkawhkam wa hpe hkye la na matu mung pru sa wa nga ndai. Nang gaw n hkru ai ni a ningbaw wa hpe adup kadang kau nna shi a hpang hkan masha ni hpe tsep kawp shamyit kau nit dai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

LUKA 1:77

Nang gaw shi a amyu masha ni hpang de sa nna shanhte a mara ni hpe dat kau ya nna hkye hkrang la na ra ai lam tsun dan na rai ndai.

LUKA 2:30

Na a hkye hkrang la ai lam hpe nye a myi hte chyaw mu lu se ai,

YAWHAN 4:22

Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

YAWHAN 5:23

Dai rai nna masha ni gaw Kawa hpe hkungga ai hte maren, Kasha wa hpe mung hkungga na mara ai. Kasha wa hpe n hkungga ai masha kadai mung, Kasha wa hpe shangun dat ai Kawa hpe n hkungga ai wa rai nga ai.

KASA 4:12

Shi hta shaje hkye hkrang la ai lam n nga sai. Anhte hkye hkrang la ai kaw du lu na matu sumsing lamu a npu shinggyim masha ni hta jaw ya ai mying nsang shaje kanang mung n nga sai,” ngu nna htan wu ai.

2 KORINHTU 5:19

Anhte hkaw tsun ai mungga gaw, Karai Kasang gaw Hkristu hta e masha yawng mayawng hpe shi a jinghku ni tai wa shangun ai lam hte seng ai mungga rai nga ai. Karai Kasang gaw masha a yubak mara ni hpe n matsing da ya ai hta n ga, shanhte hpe shi a jinghku ni tai wa hkra gara hku galaw sai lam tsun gawn dan ai mungga anhte hpe jaw da mani ai.

EHPESU 2:22

Nanhte mung Hkristu hte langai sha tai nna kaga masha ni yawng hte jawm de ai hpe hkam la nhtawm, shi a Wenyi a marang e Karai Kasang shanu nga ai shara tai wa manit dai.

TARA JAHPRANG 10:21

Shi gaw nanhte a Karai Kasang rai nga ai rai nna nanhte a matu shi galaw dan nu ai dai galu kaba ai mauhpa amu ni hpe nanhte nan myi hte chyaw mu manit dai majaw shi hpe shakawn mu.

HPILIPI 2:11

Kawa Karai Kasang a hpung shingkang a matu mara, Yesu Hkristu gaw Madu rai nga ai nga, shinglet yawng mayawng e yin la hkam la na mara ai.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

KOLOSE 2:9

Hpa majaw nga yang, shinggyim hkum hkrang majing dagraw nna ndai mungkan hta asak hkrung nga ai ten e, Hkristu hta Karai a marai hkum gawng shingyan hkum dingnum a shanu nga ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!

SHINGRAN 19:1

Dai hte a hpang e, sumsing lamu kata e masha wunawng wuwa kaba langai mi a wu ngoi ai nsen hte bung ai nsen hpe ngai na nngai. Shanhte gaw, “Karai Kasang hpe shakawn kungdawn mu! Hkye hkrang la ai lam, hpung shingkang hte hpung dagu gaw, anhte a Karai Kasang hte seng nga ai!

TARA AGYI 5:21

Kishon mawru hka ngu ai agre lwi ai Kishon hka nu gaw shanhte hpe shayawng kau sai. Ngai rawt lung wa na nngai, n-gun hte rawt shanang sa wa na nngai!