PRU MAT 15:1 - Jinghpaw Common Language Bible 2009

¹ Dai shaloi Mawshe hte Israela masha ni gaw dai Madu hpe ndai mahkawn ga hte mahkawn mangoi ma ai: “Dai Madu gaw hpung shingkang hte hpring ai awng padang hpe ninglaw nu ai majaw ngai shi hpe mahkawn mangoi na nngai; shi gaw gumra ni hte dai hta jawn ai ni hpe panglai kata de kabai gumpye kau nu ai.

Jinghpaw Hanson Version Bible

¹ Dai shaloi Mawshe hte Israela kashu kasha ni gaw, ndai mahkawn mangoi ga hte Yehowa hpe ning nga mahkawn mangoi ma ai: “Yehowa hpe ngai mahkawn mangoi na nngai: Shi gaw magam shingkang dan hkung let ninglaw nga ai. Gumra hte dai hta jawn ai wa hpe nawng hta gumpye bang kau nu ai.

PRU MAT 15:1 ပူးပေါင်းရင်းမြစ်များ

NEHEMIA 9:11

nang gaw na a amyu masha ni a matu panglai hku lai di lam langai hpaw ya ndai, dai hkun hkraw ai ga ntsa hku shanhte hpe lai shangun nga ndai. Shanhte a hpang hkan shachyut ai ni hpe panglai hka laru kata hta nlung langai lup mat ai zawn, shanhte hpe sung ai hka hta lup si shangun ndai.

YOBA 36:24

Shi galaw ai amu a majaw, shi gaw tut nawng shakawn shagrau hkrum nga nu ai; nang mung shi hpe shakawn kungdawn lu na rai ndai.

SHAKAWN KUNGDAWN 105:43

Dai majaw shi lata la hkrum ai shi a amyu masha ni hpe woi shapraw mat wa ai; shanhte kabu gara jahtau garu ai hte mahkawn shakawn ma ai.

SHAKAWN KUNGDAWN 106:12

Dai hpang, shi a amyu masha ni shi tawn da sai ga sadi ni hpe kam sham wa nna; Madu hpe mahkawn shakawn nga ma ai.

SHAKAWN KUNGDAWN 107:15

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw, dai Madu hpe chyeju shakawn nga ra ma ai.

SHAKAWN KUNGDAWN 107:8

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw shanhte dai Madu hpe chyeju shakawn lu na rai mu ai.

SHAKAWN KUNGDAWN 32:7

Nang gaw nye a gawp makoi shara rai nga ndai; nang gaw ngai hpe ru yak tsin-yam kata kaw nna hkye hkrang la na rin dai. Nang ngai hpe makawp maga ndai majaw na a hkye hkrang la ai lam hpe ja ja mahkawn na nngai.

SHAKAWN KUNGDAWN 76:6

Yaku a Karai Kasang e, nang shanhte hpe jahkrit shama dat ai shaloi; gumra ni hte dai hta jawn nang nga ai ni di hkrat si mat masai.

SHAKAWN KUNGDAWN 76:7

Rai ti mung, Madu e, nang hpe masha yawng hte wa, hkrit kamyin nga ma ai. Nang masin pawt ai shaloi kadai mung na a man e, n lu rawt tsap nga ma ai.

PRU MAT 14:26

Dai Madu gaw Mawshe hpe, “Na a lata panglai ntsa de ladawn dat u, shaloi hka dai gaw Egutu masha ni hpang de mung, shanhte a hpyen leng ni hte hkang ai ni a ntsa de bai ka-up kau na ra ai,” ngu nna tsun wu ai.

PRU MAT 14:27

Dai rai nna Mawshe mung shi a lata hpe panglai ntsa de ladawn dat wu ai shaloi, jahpawt nhtoi htoi ai hte hka dai gaw shawoi na shadang du hkra bai lwi nga ai. Egutu masha ni mung, hka kaw na hprawng shakut yu ti mung, dai Madu gaw shanhte hpe panglai hka kata de kabai gumpye bang kau wu ai.

PRU MAT 15:21

Miriam gaw shanhte hpe woi awn let ning ngu mahkawn wu ai: “Dai Madu hpe mahkawn mangoi mu, hpa majaw nga yang, shi gaw hpung shingkang hte hpring ai awng padang hpe ninglaw nu ai; shi gaw gumra ni hte dai hta jawn ai ni hpe panglai hta kabai gumpye bang kau nu ai.”

PRU MAT 18:11

Egutu masha ni Israela amyu ni hpe dai zawn n kaw n law di mu ai shaloi, shi gaw ndai amu ni hpe galaw nu ai majaw, dai Madu gaw karai ni yawng hta grau kaba nga ai hpe ya ngai chye ni ai,” ngu nna tsun wu ai.

GA SHAGAWP 29:6

N hkru ai masha ni gaw shanhte a yubak mahkam ni hta ahkang hkrum nga ma ai shaloi, myit malang ai masha ni gaw kabu gara ai hte shanglawt lu nga ma ai.

ESAIA 42:10

Mahkawn mangoi nnan hte dai Madu hpe mahkawn mu; Mungkan ga ting, shi hpe shakawn kungdawn ga hte mahkawn mu! Panglai rap ai ni e, shi hpe shakawn kungdawn mu; panglai hkrung kanu ni yawng hte e, shi hpe shakawn kungdawn mu! Sumtsan mung ni hte dai hkan nga ai ni yawng hte e, mahkawn mangoi mu!

YEREMIA 51:21

gumra ni hte gumra jawn ai ni hpe mung, hpyen leng ni hte dai hpe gau ai ni hpe gamang kau na matu mung,

HOSEA 2:17

Ngai gaw shi hpe Bala a mying hpe galoi mung bai tsun shangun na ni ai n rai.

HABAKU 3:18

ngai gaw naw kabu gara ai hte kabu sharawng nga na nngai, hpa majaw nga yang Madu Karai Kasang gaw nye a hkye la madu rai nga ai.

BU HKAWM 21:17

Dai aten hta Israela amyu masha ni ndai mahkawn mangoi ga mahkawn shakawn ma ai: “Hka htung ni e, nanhte a hka shapraw mu; Dai hpe mahkawn mangoi ga hte anhte hkap shakawn na ga ai-

KOLOSE 2:15

Dai wudang ntsa e Hkristu gaw lamu hte aga ntsa na n-gun atsam rawng ai ni hte ahkang aya lu ai yawng hte hpe htawk jahkrat yeng seng kau nhtawm, shanhte hpe bawng masha shatai kau nna padang dip yan hkawm ai a hpang e hkan nang shangun ai hte shawa masha ni e jawm yu ai masha ni shatai kau nu ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!