PRU MAT 14:4 - Jinghpaw Common Language Bible 2009

⁴ Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

Jinghpaw Hanson Version Bible

⁴ ngai mung Hpara-u a masin shaja ya nna, shi shanhte hpe hkan shachyut na ru ai; shaloi ngai Yehowa rai nga nngai, Egutu masha ni chye lu na matu, Hpara-u hte shi a hpyen luksuk ni mahkra hta, nye a hpung shingkang dan hkung na ra ai,” ngu nna tsun ai: shanhte mung shin grai galaw ma ai.

PRU MAT 14:4 ပူးပေါင်းရင်းမြစ်များ

NEHEMIA 9:10

Nang gaw hkawhkam wa hpe mung, shi a du salang ni hte shi a mung masha ni hpe mauhpa lamik kumla ni galaw dan nga ndai, hpa majaw nga yang, shanhte na a amyu masha ni hpe dip gamyet sha nga ma ai hpe nang chye ndai. Nang gaw dai ni du hkra kajai gumhkawng ai hpe naw hkam la lu nga ndai.

PRU MAT 10:2

mauhpa lamik kumla ni hpe ngai shapraw dan ai shaloi, Egutu masha ni hpe ngai kaning rai mana shachyoi kau ni ai gaw na a kasha ni hte kashu ni hpe nang tsun dan lu na matu mung, ngai gaw shi hte shi a du salang ni hpe myit shaja ya ni ai. Nanhte yawng mung Ngai nan dai Madu rai nga nngai hpe chye lu na myit dai,” ngu nna tsun wu ai.

PRU MAT 10:27

Dai Madu mung hkawhkam wa hpe myit shaja ya wu ai rai nna shi shanhte hpe n dat ya wu ai.

PRU MAT 12:28

Dai hpang shanhte sa nna dai Madu Mawshe yan Arun hpe hkang da nu ai hte maren hkan galaw ma ai.

PRU MAT 14:23

Egutu masha ni gaw shanhte a gumra ni, hpyen leng ni hte hkang ai ni yawng hte hpawn shanhte hpe hkan shachyut let, panglai de hkan shang nang mat wa ma ai.

PRU MAT 14:25

Shi gaw shanhte a leng dingsen ni hpe malawk kau ya mu ai rai nna, shanhte grai sa yak nga ma ai. Egutu masha ni gaw, “Dai Madu gaw Israela maga de tsap nna anhte hpe gasat mi ai. Anhte ndai yang kaw nna hprawng mat wa saga!,” ngu nna tsun ma ai.

PRU MAT 14:3

Hkawhkam wa gaw nam mali lam pat mat nna, Israela masha ni mungdan kata dam hkawm nga ma ai ngu myit la na ra ai.

PRU MAT 14:5

Amyu masha ni hprawng mat wa sai lam Egutu hkawhkam wa hpe tsun shana ma ai rai nna, shi hte shi a du salang ni myit galai shai mat nhtawm, “Anhte hpa baw galaw kau saga ai kun? Anhte gaw Israela masha ni hpe jahprawng kau saga ai; anhte a mayam ni hpe shamat kau saga ai!,” ngu nna tsun wu ai.

PRU MAT 14:8

Dai Madu mung hkawhkam wa hpe myit shaja ya wu ai rai nna shi gaw awng padang hte pru mat wa nga ai Israela masha ni hpe hkan shachyut wu ai.

PRU MAT 18:11

Egutu masha ni Israela amyu ni hpe dai zawn n kaw n law di mu ai shaloi, shi gaw ndai amu ni hpe galaw nu ai majaw, dai Madu gaw karai ni yawng hta grau kaba nga ai hpe ya ngai chye ni ai,” ngu nna tsun wu ai.

PRU MAT 6:7

Ngai gaw nanhte hpe nye a amyu masha majing hku shatai la nna, nanhte a Karai Kasang tai na nngai. Ngai gaw Egutu mung mayam prat kaw na nanhte hpe shalawt dat ai nanhte a Karai Kasang dai Madu rai nga ai hpe nanhte chye lu na marin dai.

PRU MAT 7:17

Ya chyawm gaw madu hkawhkam e, shi hpa galaw wa na lam hpe nang mu lu na rin dai, ngu nna dai Madu tsun nga ai. Yu u, Ngai gaw ndai dawhkrawng hte hka nu hka man hpe kayat dat na nngai; Hka dai gaw asai tai mat na ra ai.

PRU MAT 7:3

Rai ti mung hkawhkam wa a myit masin hpe ngai shaja ya na nngai; ngai gaw Egutu mung hta hkrit hpa kumla law law hpe kade mi galaw tim, na a ga hpe madat na n rai. Shaloi ngai gaw Egutu mung hta grai sawng ai ari kaba shabyin dat nhtawm nye a amyu masha ni a amyu bawsang ni hpe dai mung kaw nna woi shapraw la na nngai.

PRU MAT 7:5

Shanhte a ntsa e nye a lata ladawn da nna, dai Israela amyu masha ni hpe shanhte a mung kaw nna woi shapraw wa ai shaloi, Ngai nan dai Madu rai nga nngai hpe Egutu masha ni chye na mara ai,” ngu nna tsun wu ai.

PRU MAT 9:16

Rai ti mung, nye a mying ningsang kajai gumhkawng ai gaw mungkan ga ting hta chyam bra wa lu na matu mung, nye a daru magam n-gun hpe madun dan na matu mung ngai nang hpe jahkrung sharawt da nga nngai.

EZEKELA 20:9

Rai ti mung, shanhte shanu nga ai masha amyu ni a man e, nye a amying jahpoi kau n hkrum mat hkra, shanhte hpe Egutu mung kaw nna woi shapraw la na, Israela amyu masha ni hpe ngai tsun ndau ni ai.

EZEKELA 28:22

Tsaw Htum ai dai Madu ngai nan dai mare na masha ni hpe shanhte hte seng nna tsun ai ga hpe htawn tsun u: Sidon mare e, ngai gaw na hpyen rai nga nngai; ngai nang hpe galaw na amu a majaw amyu masha ni ngai hpe shakawn shagrau na mara ai. Nang kaw nga ai ni hpe ari jaw nna ngai kade wa chyoi pra nga nngai hpe madun dan ai shaloi, ngai nan dai Madu rai nga nngai hpe shanhte chye na mara ai.

EZEKELA 32:15

Ngai gaw Egutu mung hpe katsi katsang shara hte akrin akraw shara shatai kau let, dai mung hta shanu nga ai ni yawng hpe jahten shaza kau ai shaloi, ngai nan dai Madu rai nga nngai hpe shanhte chye lu na mara ai.

EZEKELA 38:16

Nang gaw nye a amyu masha Israela hpe nbung laru ahpawt mat wa ai zawn htim gasat na rin dai. Ngai kadai rai nga nngai hpe masha amyu baw ni mu chye shangun na matu mung, na a jaw e, ngai galaw ai nye a chyoi pra ai amu hpe madun dan na matu mung, dai aten du ai shaloi, nye a mungdan hpe htim gasat na matu ngai nang hpe shangun dat na nngai.

EZEKELA 38:23

Ndai lam hku nna ngai gaw galu kaba ai hte chyoi pra nga nngai hpe masha amyu baw ni yawng hpe madun dan na nngai. Dai shaloi, ngai nan dai Madu rai nga nngai hpe shanhte chye lu na mara ai.

EZEKELA 39:13

Mung masha shagu gaw shanhte hpe lup makoi na mara ai; ngai awng padang lu ai shani e, ndai lam a majaw shanhte shagrau sha-a hkrum na mara ai. Tsaw Htum ai dai Madu ngai nan tsun ni ai.

JAW JAU 10:3

Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

ROMA 11:8

Chyum laika hta mung, “Karai Kasang gaw shanhte a myit masin ni hte kraw lawang ni hpe jahpam kau ya mu ai rai nna dai ni du hkra shanhte gaw mu lu ai arai hpe n mu ma ai, na lu ai arai hpe mung n chye na ma ai,” nga nna ka da nga ai.

ROMA 9:17

Hpa majaw nga yang, Karai Kasang gaw Egutu Hkawhkam hpe, “Ngai nang hpe Hkawhkam tai shangun ai lam gaw nang hta nye a daru magam atsam madun dan nna ga ntsa ting nye a amying gumhkawng wa shangun na matu she rai nga ai,” nga nna tsun ai lam Chyum Laika hta ka da nga ai.

ROMA 9:18

Dai rai nna Karai Kasang gaw, Kadai hpe mung chyeju galaw mayu yang galaw nga ai, kadai hpe mung myit shaja mayu yang shaja ya nga ai.

YAWSHU 11:20

Israela amyu masha ni hpe hkap gasat gwi hkra dai Madu shanhte hpe daw dan shangun wu ai. Shaloi shanhte mahtang atsai awai jahten sharun kau na matu daw dan ai hkrum nna matsan dum myit n rawng ai sha shanhte yawng sat kau ai hkrum na rai ma ai. Ndai gaw dai Madu Mawshe hpe hkang da ai hte maren rai nga ai.

TARA AGYI 4:7

Kishon hka makau e nanhte hpe gasat na matu, ngai gaw Yabin a hpyen luksuk na hpyen du Sisera hpe woi sa wa na nngai. Shi gaw hpyen leng ni hte hpyenla ni lu nga ti mung, ngai gaw shi hpe dang kau lu na awng padang nanhte hpe jaw na we ai,’” ngu nna tsun wu ai.