PRU MAT 13:3 - Jinghpaw Common Language Bible 2009

³ Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

Jinghpaw Hanson Version Bible

³ Mawshe mung dai amyu masha ni hpe tsun wu ai gaw, “Nanhte yamnga ai nta, Egutu mung na nanhte pru wa lu ai dai ni nhtoi hpe dum nga mu: Yehowa nanhte hpe ningsam rawng ai lata hte dai yang na shaw la manit dai; matsi rawng ai muk nanhte sha lu na n rai.

PRU MAT 13:3 ပူးပေါင်းရင်းမြစ်များ

NINGPAWT NINGHPANG 15:16

Prat mali lai ai hpang, na a amyu matu ni ndai shara de bai nhtang wa na mara ai; hpa majaw nga yang, Amori masha ni ari ahpri hkrum mu ga, shanhte grai n hkru n shawp ai ni tai mat wa ai aten du hkra, ngai shaden kau na nngai n rai.

1 HKAWHKAM LABAU 16:12

Karai Kasang a shangun ma Yaku a amyu matu ni hte Karai Kasang e lata la sai Israela amyu matu ni e, Karai Kasang galaw dan sai lamik kumla ni hte shi jaw da sai tara dara lam ni hpe adum nga mu.

NEHEMIA 1:10

“Madu e, ndai ni gaw na a shangun ma, na a amyu masha majing ni rai ma ai. Nang gaw shanhte hpe na a daru magam n-gun kaba hte na a ja la ai n-gun atsam hte hkye mawai la nga ndai.

NEHEMIA 9:10

Nang gaw hkawhkam wa hpe mung, shi a du salang ni hte shi a mung masha ni hpe mauhpa lamik kumla ni galaw dan nga ndai, hpa majaw nga yang, shanhte na a amyu masha ni hpe dip gamyet sha nga ma ai hpe nang chye ndai. Nang gaw dai ni du hkra kajai gumhkawng ai hpe naw hkam la lu nga ndai.

SHAKAWN KUNGDAWN 105:5

Shi a shangun ma Abraham a aru arat ni hte shi lata la sai Yaku a aru arat ni e, Karai Kasang galaw dan sai lamik kumla ni hte shi jaw da sai tara dara lam ni hpe adum nga mu.

SHAKAWN KUNGDAWN 114:1

Yaku a aru arat, Israela amyu masha ni gaw maigan Egutu mung kaw nna pru mat wa ma ai shaloi,

SHAKAWN KUNGDAWN 136:11

Israela amyu masha ni hpe Egutu mung kaw nna shi woi wa nu ai; shi a tsaw ra myit htani htana agrin nga ai.

SHAKAWN KUNGDAWN 136:12

Shi a n-gun ja ai lata, daru magam n-gun hte hpring ai lahpum ni hte, shanhte hpe woi wa nu ai; shi a tsaw ra myit htani htana agrin nga ai.

SHAKAWN KUNGDAWN 89:14

Na a mungdan hpe ding man ai hte teng man ai lam hta npawt gaw da nga ai; nang galaw ai lam shagu hte hta tsaw ra myit hte sadi sahka ai lam hpe madun dan nga ndai.

PRU MAT 12:15

Dai Madu gaw, “Nanhte dai matsi hte galaw ai muk hpe sanit ya tup sha lu na myit dai n rai; matsi n rawng ai muk hpe chyu sha, sha lu na rai myit dai. Nanhte gaw shawng shani e tinang dum nta hkan nga ai matsi yawng hpe seng kau lu na myit dai. Ndai sanit ya nhtoi laman hta matsi hte galaw ai muk hpe sha hkrup ai wa kadai hpe mung, nye a amyu masha ni kaw na sumri dan kau ai hkrum na ra ai.

PRU MAT 12:17

Ngai gaw nanhte a amyu bawsang ni hpe Egutu mung kaw na woi shapraw wa ai shani rai nga ai majaw dai poi hpe adum nga mu. Dai nhtoi hta poi galaw na matu masat da sai hte maren, nanhte gaw du na ra ai ban prat yawng hta dai shani e poi galaw lu na rai myit dai.

PRU MAT 12:19

Nanhte a dum nta ni hta sanit ya tup matsi rawng nga lu na n rai; Israela masha rai ti mung, maigan masha rai ti mung matsi hte galaw ai muk sha ai wa gaw nye a amyu masha kaw na sumri dan kau ai hkrum na ra ai,” ngu nna tsun wu ai.

PRU MAT 12:2

“Ndai shata gaw nanhte a matu laning mi a shawng na shata rai na malit dai.

PRU MAT 12:41

Dai 430 ning htum ai shani hta nan, dai Madu a masha ni rai nga ai amyu bawsang ni yawng Egutu mung kaw na pru mat wa ma ai.

PRU MAT 12:42

Dai shana gaw dai Madu shanhte hpe bau maka let Egutu mung kaw na woi wa ai shana rai nga ai. Dai shana nan gaw Israela masha ni prat mi hte prat mi adum nga nna hkan nga na dai Madu a matu ap nawng da ai shana rai nga ai.

PRU MAT 12:8

Dai shana e, shan hpe wan hta kakang nhtawm, matsi n rawng ai muk hte hka ai tsi ru ni hte hpawn sha lu na myit dai.

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 13:9

Na a lata hta shing n rai na a kahtan hta masat arai lama mi shakap da ai zawn dai htung masa hpe adum nga na rai myit dai. Dai Madu gaw shi a daru magam n-gun kaba hte nanhte hpe Egutu mung kaw na woi shapraw wa manit dai majaw dai Madu a Tara hpe matut manoi hti shakrai na matu shadum jahprang ya na rai myit dai.

PRU MAT 20:2

“Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

PRU MAT 20:8

“Bansa Nhtoi hpe hkungga lara ai hte dai nhtoi hpe shachyoi shapra nga u.

PRU MAT 23:15

Nanhte gaw Egutu mung na pru wa ai Abi shata hta, ngai nang hpe hkang da sai lam hte maren, Matsi n rawng ai Muk Sha Poi galaw lu na rai myit dai. Sanit ya laman galaw ai dai poi hta matsi hte galaw ai muk hpa hpe mung sha lu na myit dai n rai; nanhte gaw hkungga n lawm ai sha ngai hpe galoi mung nawku lu na myit dai n rai.

PRU MAT 3:20

Rai ti mung nye a daru magam n-gun hpe ngai lang nhtawm mauhpa amu ni hte jahkrit shama let Egutu mung hpe ari jaw na we ai. Dai hpang shi nanhte hpe sa wa shangun na ra ai.

PRU MAT 34:18

“Matsi n rawng ai Muk Sha Poi galaw lu na rai myit dai. Nanhte gaw Abi shata hta nan Egutu mung kaw na pru wa myit dai re majaw, ngai nanhte hpe hkang da ni ai hte maren, dai shata hta sanit ya tup matsi n rawng ai muk sha lu na rai myit dai.

PRU MAT 6:1

Shaloi dai Madu gaw Mawshe hpe, “Hkawhkam wa hpe ngai kaning di na gaw ya nang mu lu na rin dai. Ngai gaw shi hpe nye a amyu masha ni hpe dat dat shangun na matu shagyeng na we ai. Kaja wa teng teng, shanhte hpe shi a mung kaw nna gawt shapraw kau dat lu hkra ngai shi hpe shadut na we ai,” ngu nna tsun wu ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

PRU MAT 6:7

Ngai gaw nanhte hpe nye a amyu masha majing hku shatai la nna, nanhte a Karai Kasang tai na nngai. Ngai gaw Egutu mung mayam prat kaw na nanhte hpe shalawt dat ai nanhte a Karai Kasang dai Madu rai nga ai hpe nanhte chye lu na marin dai.

YEREMIA 34:13

Israela a Karai Kasang gaw, amyu masha ni hpe tsun shaga na matu ngai hpe ning ngu hkang da wu ai: “Ngai gaw shanhte hpe Egutu mung kaw nna hkye mawai la ai hte mayam tai nga ai kaw na shanhte hpe shalawt la ai shaloi, na a nji nwa ni hte ngai ga shaka tawn da ni ai. Ngai gaw shanhte hpe

Daniela 9:15

“O Madu anhte a Karai Kasang e, nang gaw na a daru magam n-gun madun dan let na a amyu masha ni hpe Egutu mung kaw nna woi wa nga ndai majaw na a daru magam n-gun hpe ya du hkra adum nga ai. Anhte gaw yubak galaw kau saga ai; anhte gaw shut hpyit amu galaw kau saga ai.

MAHTE 10:12

Nanhte nta langai langai hta shang myit yang, ‘Ngwi pyaw nga myit ga,’ ngu nna tsun mu.

LUKA 22:19

Shaloi shi muk tawng la nna shakawn ngut jang, dai hpe ahkyep alep nna shanhte hpe jaw let, “Ndai gaw nanhte a matu ya kau ai, nye a hkum rai li ai, ngai hpe adum nga na matu, ndai galaw mu,” ngu mu ai.

1 KORINHTU 11:24

chyeju shakawn ngut jang, muk hpe ahkyep alep nhtawm, “Ndai gaw nanhte a matu ya kau ai nye a hkum rai nga li ai, ngai hpe adum nga na matu ndai galaw mu,” ngu nna tsun mu ai.

1 KORINHTU 5:8

Dai rai nna yubak mara hte n hkru n shawp ai arawn alai ngu ai matsi dingsa lawm ai muk tawng hte n re ai sha, san seng ai myit masin hte teng man ai ngu ai matsi n rawng ai muk tawng hte Shalai wa ai Poi galaw sha ga.

EHPESU 1:19

Madu hpe kam sham ai ni hta amu galaw nga ai shi a atsam gaw kade wa galu kaba nga ai hpe mung, nanhte mu chye lu na matu, nanhte a kraw lawang nyan hpaji myit hpaw wa malit ga, ngai hpyi nngai.

TARA JAHPRANG 13:10

Shi gaw nanhte mayam tai nga ai Egutu mung kaw na hkrang shaw la ai dai Madu nanhte a Karai Kasang kaw na lam woi shadam na hku shakut nga ai majaw shi hpe nlung hte kabai sat kau mu.

TARA JAHPRANG 13:11

Dai hpang Israela amyu masha ni yawng dai zawn byin ai lam hpe na wa nhtawm hkrit gari ai hte dai zawn re ai n hkru ai amu, htawm hpang de kadai mung bai galaw wam na ma ai n rai.

TARA JAHPRANG 13:5

Rai ti mung, nanhte mayam tai nga ai Egutu mung kaw na hkrang shaw la ai dai Madu hpe gumlau na hku tsun ai myihtoi shing n rai yup mang hkai chye ai wa kadai mung sat kau ai hkrum na rai wu ai. Dai zawn re ai wa gaw n hkru n shawp nga ai rai nna dai Madu nanhte hpe hkang da nu ai hte maren hkrung nga ai asak hkrung lam kaw na nanhte hpe lam woi shadam shakut nga ai. Ndai n hkru n shawp ai amu kaw na seng kau na matu shanhte si lu na rai ma ai.

TARA JAHPRANG 13:6

“Na a kahpu kanau shayi shadang sha hte tsaw ra ai madu jan, nang hte ni htum ai manang wa du hkra pyi, nanhte hte nanhte a nji nwa ni galoi mung n nawku yu ai karai ni ngu ai kaga karai shaje ni hpe nawku wa lu hkra nga, nanhte hpe lagyim n-gun jaw mai nga ai.

TARA JAHPRANG 15:15

Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.

TARA JAHPRANG 16:1

Shalai Wa Ai Poi hpe Abi shata hta galaw let, dai Madu nanhte a Karai Kasang hpe shagrau sha-a nga mu;

TARA JAHPRANG 16:12

Egutu mung e nanhte mayam tai yu manit dai hpe hkum malap kau myit; dai rai nna ndai hkang da ai ga ni hpe nanhte teng teng madat mara hkan sa lu na rai myit dai.

TARA JAHPRANG 16:3

Nanhte dai lusha sha myit dai shaloi matsi bang ai muk sha lu na myit dai n rai; nanhte gaw Egutu mung kaw na tin shapun rai pru mat wa myit dai shaloi nanhte galaw manit dai zawn matsi n bang ai muk sanit ya tup sha lu na rai myit dai. Dai muk sha mu; dai hpe nni nkri muk ngu nna shamying na rai myit dai. Nanhte hkrung nga dingsa nni nkri shara ngu ai Egutu mung kaw na nanhte hpe woi shapraw wa ai nhtoi hpe adum nga na rai myit dai.

TARA JAHPRANG 24:18

Nanhte Egutu mung e mayam tai yu manit dai hpe mung, dai Madu nanhte a Karai Kasang nanhte hpe shalawt la manit dai hpe mung adum nga mu; dai re ai majaw ndai hkang da ai ga ngai nanhte hpe jaw ya ma sade ai.

TARA JAHPRANG 24:22

Nanhte Egutu mung e mayam tai yu manit dai hpe galoi mung hkum malap kau nga myit; dai re ai majaw ndai hkang da ai ga ngai nanhte hpe jaw ya made ai.

TARA JAHPRANG 26:8

Shi a galu kaba ai daru magam n-gun hte atsam, mauhpa law law hte lamik kumla ni, hkrit hpa amu ni hpe madun nhtawm Egutu mung kaw na anhte hpe shaw woi wa mi ai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 5:15

Nanhte gaw Egutu mung e mayam tai nga myit dai shaloi, nanhte a Karai Kasang ngai Madu nan nye a galu kaba ai daru magam n-gun hte nanhte hpe hkrang shaw la sai hpe adum nga mu. Dai lam a majaw Bansa Nhtoi hpe hkan shatup nga na ngai nanhte hpe hkang da ni ai.

TARA JAHPRANG 5:6

‘Ngai gaw nanhte mayam tai nga ai Egutu kaw na hkrang shaw la ai nanhte a Madu Karai Kasang rai nga nngai.

TARA JAHPRANG 6:12

mayam tai nga ai Egutu mung kaw na nang hpe hkrang shaw wa ai dai Madu hpe n malap kau myit ga, sadi nga mu.

TARA JAHPRANG 6:21

Shaloi shanhte hpe, ‘Anhte gaw Egutu mung na hkawhkam wa a mayam ni rai nga ga yang, dai Madu gaw shi a galu kaba ai daru magam n-gun hte anhte hpe hkye mawai la mi ai.

TARA JAHPRANG 7:8

Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

TARA JAHPRANG 8:14

nanhte mayam sa tai nga ai Egutu mung kaw na nanhte hpe hkye hkrang la ai wa, nanhte a Madu Karai Kasang hpe malap kau nna gumrawng ai myit n rawng nga myit ga, sadi nga mu.

TARA JAHPRANG 9:12

“Dai hpang dai Madu gaw ngai hpe, ‘Egutu mung kaw na nang woi wa ai na a amyu masha ni gaw hten za ai hte n hkru ai amu ni galaw shapraw manu ai; dai sha n-ga, shanhte hkan sa galaw na matu ngai hkang da ai kaw na mung shanhte kayin mat wa manu ai hte shanhte a matu hpara sumla hpe mung galaw shachyaw manu ai majaw bum kaw na alawan yu wa su,’ ngu nna tsun wu ai.

YAWSHU 24:17

Dai Madu anhte a Karai Kasang gaw anhte hte anhte a kawa ni hpe Egutu mung e mayam tai nga ai kaw na woi shapraw wa mani ai rai nna, shi galaw dan sai mauhpa lamik kumla ni hpe anhte mu saga ai. Dai rai nna amyu baw ni yawng a man e anhte lai hkawm ai shara shagu hkan shi anhte hpe shim lum ai hte makawp maga da mi ai.

TARA AGYI 2:12

Egutu mung na shanhte hpe woi wa ai Karai Kasang, dai Madu shanhte a kaji kawa ni a Karai Kasang hpe nawku ai lam shanhte kau da nna grup yin na masha amyu ni a hpara ni hpang de hkan mat wa nhtawm, dai ni hpe nawku gum dagup ai hte dai Madu hpe pawt sindawng shangun ma ai.

TARA AGYI 6:8

Dai Madu Israela a Karai Kasang gaw shanhte hpang de ndai mungga ning ngu tsun na matu myihtoi langai shangun dat wu ai: “Ngai gaw nanhte hpe Egutu mung e mayam tai nga myit dai kaw nna woi wa ma sade ai.