PRU MAT 13:18 - Jinghpaw Common Language Bible 2009

¹⁸ Shing rai na malai, shi gaw shanhte hpe Nawng Hkyeng de hkrang ai dai gawai ai nam mali lam hku woi wa wu ai. Israela amyu masha ni mung majan a matu laknak ni lang da nga ma ai.

Jinghpaw Hanson Version Bible

¹⁸ dai rai nna Karai Kasang gaw dai amyu hpe hkyeng ai nawng makau nam lam hku woi kawai wa mu ai: Israela kashu kasha ni mung ri nhtu hte rai nna Egutu mung na lung wa ma ai.

PRU MAT 13:18 ပူးပေါင်းရင်းမြစ်များ

NINGPAWT NINGHPANG 50:25

Dai hpang Yosep gaw shi a amyu masha ni hpe dagam shaka na matu lajin wu ai. Shi gaw, “Ngai hpe ga sadi jaw mi, Karai Kasang nanhte hpe dai mung de woi wa ai shaloi nye a hkum tsawp hpe nanhte hte rau la lung wa na rai myit dai,” ngu nna tsun wu ai.

SHAKAWN KUNGDAWN 107:7

Shi gaw shanhte hpe shanu nga lu na shara de, malang ai lam hku nna woi wa mu ai.

SHAKAWN KUNGDAWN 136:16

Shi a amyu masha ni hpe nam mali hku shi woi wa nu ai; shi a tsaw ra myit htani htana agrin nga ai.

SHAKAWN KUNGDAWN 68:8

mungkan ga gaw gari ashun wa ai hte lamu na marang htu wa nga ai; hpa majaw nga yang, Sina bum a Karai Kasang rai nga ai Israela a Karai Kasang du sa wa ai majaw rai nga ai.

PRU MAT 12:51

Dai shani hta nan, dai Madu gaw Israela amyu bawsang ni hpe Egutu mung kaw na woi shapraw wa wu ai.

PRU MAT 14:2

“Israela amyu masha ni kayin wa nna Migdola hte Nawng Hkyeng lapran na Bala Zehpun hte ani sha re ai Hpi Hahirot a shawng e dap jung nga na lam tsun u.

PRU MAT 14:9

Hpyen gumra ni, hpyen leng ni hte dai ni hpe hkang ai ni yawng lawm ai dai Egutu luksuk gaw shanhte hpe hkan shachyut nna Nawng Hkyeng hte ani sha nga ai Hpi Hahirot hte Bala Zehpun hkan e dap jung nga ai Israela masha ni hpe hkan dep ma ai.

TARA JAHPRANG 17:16

Dai hkawhkam wa gaw shi a hpyen luksuk a matu gumra law law lu la hkra madu da mai na n rai; Egutu mung de galoi mung bai nhtang sa lu na n rai, nga nna dai Madu shi a amyu masha ni hpe hkang da nu ai majaw dai mung de gumra sa mari na matu amyu masha ni hpe shi sa shangun lu na n rai.

TARA JAHPRANG 32:10

“Katsi katsang, akrin akraw, nbung sha ahpawt ai nam mali hku brak hkawm nga ma yang, shi shanhte hpe mu la wu ai. Shi hkum hpe makawp maga da wu ai zawn shi shanhte hpe makawp maga ai hte lanu lahku la nga ai.

YAWSHU 1:14

Nanhte a madu jan ni, kashu kasha ni hte yam nga ni chyawm gaw ndai ga e nga nga na myit dai, rai ti mung share shagan hpyenla ni mahtang shanhte a kahpu kanau rai nga ai Israela hpu nau ni hpe karum na matu shanhte a shawng e Yawdan hka rap na rai ma ai.

YAWSHU 4:12

Rubin, Gad amyu bawsang ni hte Manashe amyu bawsang ka-ang hkup ni mung Mawshe shanhte hpe tsun da sai hte maren majan gasat na matu jin jin galaw da nhtawm ngam nga ai amyu masha ni a shawng e rap sa wa ma ai.

YAWSHU 4:13

Majan gasat na matu dai Madu a man e jin jin rai nga ai gaw mun mali dang rai nna, Yerihko mare makau na pa de rap sa wa ma ai.