PRU MAT 13:12 - Jinghpaw Common Language Bible 2009

¹² Shi gaw dai mung hpe jaw ya ai shaloi, shawng shangai ai lasha alat hte shawng hkrat ai yam nga alat shagu gaw dai Madu a matu nanhte nawng jau ya lu na rai myit dai; nanhte kaw na shawng hkrat ai yam nga ala shagu gaw dai Madu a matu rai nga ai,

Jinghpaw Hanson Version Bible

¹² shawng shaprat ai kasha alat nlang hte hte, na a yamnga ni hta shawng hkrat ai alat nlang hte hpe, Yehowa a matu rai na rai nga ai.

PRU MAT 13:12 ပူးပေါင်းရင်းမြစ်များ

NEHEMIA 10:36

Anhte gaw anhte hta na shawng shangai ai kasha alat ni hpe madat da sai Tara hte maren, Nawku Htingnu e nga ai hkinjawng ni hpang de woi sa nna Karai Kasang hpe ap ya na ga ai. Anhte gaw dumsu kanu shagu kaw na shawng hkai ai dumsu kasha hte anhte a sagu bainam shagu hta na shawng hkai ai sagu kasha, bainam hkalung ni hpe mung nawng ya na ga ai.

NEHEMIA 10:37

Anhte gaw shawng shu la lu ai nsi naisi kaw na shadung katsing hte kaga sabyi ntsin, tsanlun sau hte namsi namsaw baw hkum sumhpa re ai hkungga ni hpe Nawku Htingnu kata na hkinjawng ni hpang de shaning shagu la sa na ga ai. Anhte gaw anhte a yi sun galaw sha nga ai kahtawng ningchyawng lamu ga hkan na htam shi hta na htam mi hpe mung, anhte a lamu ga hta tu ai nsi naisi htam shi hta na htam mi hpe mung hkan lahkawn ai Lewi masha ni hpang de la sa na ga ai.

PRU MAT 13:1

Dai Madu gaw Mawshe hpe,

PRU MAT 13:2

“Israela amyu hta na shawng shangai ai lasha alat shagu hte yam nga hta na shawng hkrat ai ala shagu hte hpe ngai madu da nga nngai majaw, dai shawng shangai ai shinggyim masha alat hte yam nga alat ni yawng, nye a matu ap nawng ya na rai myit dai,” ngu nna tsun wu ai.

PRU MAT 22:28

“Karai Kasang hpe n sawn n sang hkum rai et; na a amyu masha ni hta na ningbaw wa hpe hkum matsa et.

PRU MAT 22:29

“Shawng myin ai na a nsi naisi, sabyi jahku hte tsanlun sau ni ngai hpe jaw jau lu na rai ndai. Shawng shaprat ai na a shadang sha alat ni ngai hpe jaw na rai ndai.

PRU MAT 34:19

“Shawng shangai ai shadang sha alat shagu gaw nye a rai nga li ai hte maren, shawng hkrat ai yam nga ala shagu mung rai nga li ai.

PRU MAT 34:20

Rai ti mung shawng hkrat ai lawze shagu hpe chyawm gaw de a malai sagu kasha nawng ya nna bai hkrang la lu nga myit dai. Nanhte gaw dai hpe hkrang la na myit n rawng sai rai yang, de a du hpe gang daw kau ya lu na rai myit dai. Shawng shangai ai shadang sha alat shagu hpe chyawm gaw hkrang la lu na rai nga myit dai. Kadai mung hkungga n lawm ai sha nye a man de dawng pru lu na n rai.

EZEKELA 16:20

“Dai hpang, nang gaw grau sawng ai amu hpe galaw nit dai-nang gaw na a kasha ni hpe nan dai hpara sumla ni hpe nawng ya nit hka!

EZEKELA 44:30

Hkinjawng ni gaw yawng hta shawng ngai ai kaja htum ai nsi naisi hte ngai hpe nawng jau ya ai hkungga amyu myu lu la nga ma ai. Amyu masha ni gaw muk kabaw ai aten shagu, shawng na muk tawng hpe shadung hkungga hku nna hkinjawng ni hpe jaw ya ra nga ai; shaloi shanhte a dum nta ntsa hta nye a shaman chyeju tawn da ya na nngai.

JAW JAU 27:26

Shawng hkrat ai yam nga hpe dai Madu a matu san da sai hpe kadai mung mayu hkungga di nna shi hpe nawng ya mai ai n rai. Dumsu rai ti mung, sagu bainam kasha rai ti mung dai Madu a matu hkrai rai nga ai;

BU HKAWM 18:15

Shinggyim masha rai ti mung, yam nga rai ti mung, nye a matu ngu nna Israela amyu masha ni sak jaw ai alat shagu mung na a rai nga lit dai. Rai ti mung ma alat shagu hpe nang mari shaw la lu na rai ndai. N san n seng ai yam nga alat shagu hpe mung nang mari shaw la lu na rai ndai.

BU HKAWM 8:17

Egutu mung hta kasha alat ni yawng hpe ngai sat kau we ai shaloi, Israela dinghku shagu na shadang sha alat ni hpe mung, yam nga shagu na shawng hkrat ai alat shagu mung nye a matu ngu nna ngai ap nawng da mase ai.

LUKA 2:23

Madu a tara hta ka da nga ai hte maren, dai ma hpe Madu kaw sa ap ya na matu mung,

TARA JAHPRANG 15:19

“Shawng hkrat ai nanhte a sagu dumsu ala ni hpe dai Madu nanhte a Karai Kasang a matu jahka san tawn da mu. Ndai shawng hkrat ai dumsu ni hpe bungli shangun lu na n rai; sagu mun ni rep lu na n rai.