PRU MAT 12:8 - Jinghpaw Common Language Bible 2009

⁸ Dai shana e, shan hpe wan hta kakang nhtawm, matsi n rawng ai muk hte hka ai tsi ru ni hte hpawn sha lu na myit dai.

Jinghpaw Hanson Version Bible

⁸ Dai shana e dai shan hpe wan hta kakang nhtawm, matsi n rawng ai muk hte sha na rai mu ai: hka ai shatmai lap hte mung sha na rai mu ai.

PRU MAT 12:8 ပူးပေါင်းရင်းမြစ်များ

2 HKAWHKAM LABAU 35:13

Htung lai hte maren, Lewi masha ni gaw Shalai Wa Ai Poi shagu hkungga ni hpe wan hte kakang ai hte chyoi pra ai hkungga ni hpe di bu, di jang hte di pa ni hta shadu nna amyu masha ni hpang de dai shan tin tin sa jaw ma ai.

SHAKAWN KUNGDAWN 22:14

Ga ntsa e, hka hpe ru kau ai zawn, nye a n-gun hkoi mat sali ai. Nye a nra hkrihkraw ni mahkra kashai mat sai, nye a myit masin mung shabyawng da ai gitbaw zawn rai nga li ai.

PRU MAT 12:9

Shan katsing hpe mung, shadu shapyaw ai hpe mung sha lu na n rai; rai ti mung, abaw, lagaw ni hte kata na pu kan ni rawng ai hkum nawng kakang ai hpe chyawm gaw sha lu na rai myit dai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

PRU MAT 13:7

Nanhte gaw matsi hte galaw ai muk hpe sanit ya tup sha lu na myit dai n rai; matsi mung, matsi hte galaw ai muk mung nanhte a mungdan kata gara shara hta mung n tawn da lu na myit dai.

PRU MAT 23:18

“Ngai hpe nanhte yam nga hkungga nawng jau ai shaloi, matsi hte galaw ai muk shalawm nna jau lu na myit dai n rai. Ndai poi laman ngai hpe nawng jau ai yam nga sau ni hpe hpang jahpawt du hkra ngam da lu na n rai.

PRU MAT 34:25

“Nanhte nye a matu yam nga hkungga nawng jau ai shaloi, matsi hte galaw ai muk nawng ya lu na n rai; Shalai Wa Ai Poi hta lang ai hkungga shan hpe hpang jahpawt du hkra tawn da lu na myit dai n rai.

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

AMO LAIKA (AMOS) 4:5

Karai Kasang kaw chyeju dum ai myit hte sa nna nanhte a muk nawng jau mu, nanhte la sa ai shajan hkungga ni tsun shakawng dan mu! Dai zawn re ai amu galaw na nanhte tsaw nga myit dai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MAHTE 16:12

Dai shaloi sape ni gaw, muk hta bang ai baw matsi hpe tsun ai n rai, Hparishe ni hte Saduke ni a sharin shaga ai lam koi gam na she, shi tsun nga ai hpe, shanhte chye na ma ai.

MAHTE 26:26

Ya shana shat sha nga ma yang, muk langai mi la nna shaman ya nhtawm ahkyep alep di nna sape ni hpe jaw let, “La sha mu, ndai gaw nye a hkum rai nga li ai,” ngu mu ai.

GALATI 5:9

“Muk shadung tawng ting hpe shawawm dat shangun na matu matsi loi mi sha ra ai,” nga ai ga malai hpe myit dum nga mu.

TARA JAHPRANG 16:7

Ashan hpe nawku shara langai hta sha shadu nna sha na rai myit dai; shing rai hpang jahpawt e nta de nhtang wa na rai myit dai.

1 HTESALONI 1:6

Nanhte gaw anhte a kasi ningli hte Madu a kasi ningli hpe len la hkan sa nga myit dai. Nanhte gaw nni nkri ru yak jam jau law law hkrum hkra myit ti mung, dai Kabu Gara Shiga hpe Chyoi Pra ai Wenyi kaw na lu la ai kabu gara sharawng awng ai myit hte hkap la myit dai.