PRU MAT 12:7 - Jinghpaw Common Language Bible 2009

⁷ Dai amyu masha ni gaw asai loi mi la nna yam nga shan sha na nta ni a chyinghka hkadun ni hte hkanoi ni hta chya da lu na rai myit dai.

Jinghpaw Hanson Version Bible

⁷ Dai sagu kasha sat sha ai nta shagu gaw de a sai la nna, dai nta a chyinghka hkadun daw lahkawng hte hkanoi hta chya da na rai mu ai.

PRU MAT 12:7 ပူးပေါင်းရင်းမြစ်များ

1 HKAWHKAM 6:31

Chyoi Pra Htum Ai Shara a shang wa chyinghka lam a matu tsanlun hpun hte galaw ai chyinghka man mi hpe galaw shakap ma ai; chyinghka hkadun a ntsa ka-ang e gum gum re ai hkanoi masen langai nga nga ai.

PRU MAT 12:13

Chyinghka hkadun ni hta kap ai asai gaw nanhte rawng nga ai nta hpe matsing na matu kumla tai na ra ai. Dai asai hpe ngai mu ai shaloi, nanhte hpe ngai shalai kau da na we ai. Egutu masha ni hpe ari jaw ai shaloi nanhte hta machyi shoichyum hkrum na myit dai n rai.

EZEKELA 9:4

“Yerusalem ting de dinghkren hkawm nna, mare kata e galaw ai matsat shabat amu yawng a majaw myit ru yawn hkyen ai hte tsin-yam tsindam hkrum sha nga ai masha shagu hte a kahtan ntsa e masat shakap da u,” ngu nna tsun wu ai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

TARA JAHPRANG 11:20

Ga dai hpe nanhte a nta chyinghka hkadun ni hte mare chyinghka ni hta ka da na rai myit dai.

HEBRE 10:14

Hpa majaw nga yang, shi gaw nawng ya ai hkungga langai mi hte shachyoi shapra la ai hkrum sai ni hpe prat dingsa na matu jahkum shatsup ya wu ai.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 11:28

Shi gaw kam sham ai hte kasha alat ni hpe sat kau ai lamu kasa gaw Israela amyu masha ni a kasha alat ni hpe n sat u ga, Shalai Wa ai Poi woi galaw hpang nna sagu sai hpe chyinghka ni hta asai lapri bun na hkang da wu ai.

HEBRE 9:22

Jep ai Tara hte maren nga yang, arai yawng ganoi mahkra hpe asai hte jasan jaseng kau lu nga ai rai nna, asai ru hkaw yang sha yubak mara ni hpe raw dat kau ya nga ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.