PRU MAT 11:8 - Jinghpaw Common Language Bible 2009

⁸ Mawshe gaw, “Na a du salang ni yawng ngai kaw du sa nna, nye a man e dingnyawm let, nye a amyu masha ni hpe woi wa nna pru wa manu, ngu nna ngai hpe shanhte lajin wa na mara ai. Dai hpang ngai pru mat wa na nngai,” ngu nna tsun ningdim da wu ai. Mawshe mung masin grai pawt ai hte hkawhkam wa a man kaw na pru mat wa wu ai.

Jinghpaw Hanson Version Bible

⁸ Dai rai nna, ndai, “na a agyi salang ni yawng ngai kaw sa du nna nye a man e dingnyawm let, Nang hte nang kaw hkan nang ai ni yawng hte nawng pru wa manu, ngu myit yang she ngai pru wa na ring ngai,” nga nna tsun nhtawm, masin pawt bu ai hte Hpara-u kaw na pru mat wa ai.

PRU MAT 11:8 ပူးပေါင်းရင်းမြစ်များ

1 HKAWHKAM 20:10

Benhadad kaw nna nhtang wa mu ai: “Ndai na a mare hpe jahten sharun kau nna shanhte a lata ni hte wut shingyun ni hpe hpai mat wa lu hkra law ram ai masha ni hpe ngai woi sa wa na nngai. Dai zawn ngai n galaw lu ai rai yang karai ni ngai hpe si hkra adup mi ga law!”

2 HKAWHKAM 3:9

Dai rai nna, Hkawhkam Yoram mung Yuda hte Edom hkawhkam ni pru sa nna sanit ya tup kawan yu ngut ai hpang shanhte hka n lu ma ai. Masha mung, daw htaw ai yam nga ni a matu mung hpa n nga nga sai.

NEHEMIA 5:6

Shanhte a aput angun ai ga hpe ngai na jang, masin pawt nngai rai nna,

SHAKAWN KUNGDAWN 6:1

Madu e, masin pawt ai hte ngai hpe hkum daru et! Na masin kahtet ai hte ngai hpe ari hkum jaw et!

PRU MAT 10:29

Mawshe gaw, “Nang tsun ai lam jaw nga ndai; nang ngai hpe galoi mung bai mu lu na nit dai n rai,” ngu nna htan wu ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

EZEKELA 3:14

Dai Madu a daru magam n-gun gaw nye a ntsa e n-gun kaba hte du yu wa nna, shi a wenyi gaw ngai hpe shapoi mat wa wu ai, shing rai ngai gaw ja ja myit ru ai hte masin kahtet nga nngai.

Daniela 3:19

Dai hpang Nebuhkadneza gaw Shadrak, Meshak hte Abednego ni hpe pawt sindawng wu ai majaw shi a myi man hkyeng mat wu ai. Dai rai nna shi gaw shi a masha ni hpe wan htung hpe shawng na hta htam sanit kahtet shangun na matu hkang dat wu ai.

BU HKAWM 12:3

(Mawshe gaw shagrit shanem ai myit rawng ai wa rai nna ga ntsa ting na masha nlang hta grau shagrit shanem ai myit rawng ai wa rai nga ai.)

MARKU 3:5

Shanhte a myit ja la nga malu ai hte shut nga ma ai majaw, Yesu gaw myit yawn nna masin pawt let shanhte hpe kayin mada shinggrup yu wu ai. Dai hpang shi gaw lata katsing si ai wa hpe, “Na lata ladawn dat u,” ngu nna tsun wu ai. Dai wa mung shi a lata ladawn dat wu yang, lata mai mat lu ai.

TARA JAHPRANG 29:24

Dai hpang mungkan ga ting gaw, ‘Dai Madu gaw hpa majaw shanhte a mungdan hpe dai hku galaw kau wu ni? Shi a hkrit hpa masin kahtet ai gaw kaning re ai mi rai nga ai kun?,’ ngu nna san na mara ai.

TARA JAHPRANG 32:24

Shanhte gaw kawsi kyet nna machyi makaw hte si mat na mara ai; hkrit hpa ana ahkya ni hte mung shanhte si na mara ai. Shanhte hpe htim na nam na matse labye dusat ni hpe mung, achye na atuk rawng ai lapu ni hpe mung shangun dat na we ai.

HEBRE 11:27

Kam sham ai hte Mawshe gaw Hkawhkam wa a masin pawt ai hpe n hkrit ai sha Egutu mung kaw na pru mat wa wu ai. Shi gaw myi hte n mu lu ai Karai Kasang hpe mu lu ai zawn Egutu mung de bai nhtang wa na hpe ningdang kau wu ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.

TARA AGYI 4:10

Barak gaw Zebulun hte Naphtali amyu bawsang ni hpe Kedesha de shaga la nna masha mun mi mung shi kaw hkan nang ma ai. Debora mung shi hte rau sa wa nga ai.

TARA AGYI 8:5

Shanhte gaw Suhkot mare de du mat wa ma yang, shi gaw dai mare masha ni hpe, “Chyeju hte nye a masha ni hpe muk pa loi mi jaw ya mi. Shanhte grai hki ba mat masai; ngai mung Midian hkawhkam Zeba yan Zalmuna hpe hkan shachyut nga nngai,” ngu nna tsun wu ai.