PRU MAT 11:6 - Jinghpaw Common Language Bible 2009

⁶ Egutu mung ting hta nsen ja ja hte jahtau hkrap ai nsen pru wa na ra ai; dai zawn re ai gaw shawng de mung n byin yu, htawm hpang prat aten e mung bai byin wa na ra ai n rai.

Jinghpaw Hanson Version Bible

⁶ Egutu mung ting hta e, shawng de mung n bying yu, hpang de mung n byin na ra ai sharung shayawt kaba rai na ra ai.

PRU MAT 11:6 ပူးပေါင်းရင်းမြစ်များ

PRU MAT 11:7

Rai ti mung, Israela amyu masha ni, shing n rai shanhte a yam nga ni nga ai shara hta gwi langai sha pyi wau na ra ai n rai. Shaloi, Ngai Madu nan Egutu masha ni hte Israela amyu masha ni a lapran e dan leng ai ginhka lam langai shabyin dat ai hpe nanhte chye lu na rai myit dai,’” ngu nna tsun wu ai.

PRU MAT 12:30

Dai shana e, hkawhkam wa, shi a du salang ni, hte kaga Egutu masha ni yawng gaw yup hprang nga ma ai. Egutu mung ting hta ja ja jahtau hkrap nga ma ai, hpa majaw nga yang, shadang sha langai mi mung n si ai nta langai mi mung n nga nga ai.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

PRU MAT 9:18

Egutu labau hta galoi mung n hkrat yu ai nachying kaba ai sin marang hpe hpawt de ndai ahkying hta nan ngai jahtu dat na nngai.

GA SHAGAWP 21:13

Matsan mayan wa a hpyi jahtau ai nsen hpe nang n madat ai rai yang, nang hpe karum la na matu, na a hpyi jahtau ai nsen hpe, kadai mung na ya na ra ai n rai.

ESAIA 15:8

Jahtau hkrap ai nsen gaw Moba mung a lamu ga jarit shara shagu hkan du hkra na lu nga ai. Dai nsen hpe Eglaim hte Berelim mare du hkra na lu nga ai.

ESAIA 19:16

Egutu masha ni gaw numsha ni zawn hkrit kaya agam wa ai aten du wa nga ai. Shanhte gaw dai Madu shanhte hpe ari jaw na matu shi a lata ladawn da nu ai hpe mu ai shaloi hkrit kajawng ai hte gari mat na mara ai.

YEREMIA 31:15

Dai Madu gaw, “Rama shara hta nsen langai na lu nga ai, dai nsen gaw ja ja hkrap agru ai nsen rai nga ai. Rahkela gaw shi a kashu kasha ni a matu hkrap shabam nga ai; shanhte n nga mat masai, shi gaw shalan shabran na hpe ningdang nga ai.

SHARUNG SHAYAWT 3:8

Ngai gaw karum la hkrum na matu aja wa jahtau nngai, rai ti mung Karai Kasang madat ya nga ai n rai;

AMO LAIKA (AMOS) 5:17

Sabyi sun ni yawng hta mung hkrap ngu hkrap ngoi ai gaw nga na ra ai. Ndai amu yawng byin wa na ra ai hpa majaw nga yang, ngai nanhte hpe ari jaw na made ai,” ngu nna tsun nga ai. Dai Madu tsun nu ai.

ZEHPANI 1:10

Dai Madu gaw, “Dai shani hta e, Yerusalem na Nga Chyinghka lam hta hkrap shabam ai nsen nanhte na lu na ra ai. Dai mare a lawk nnan daw hkan na masha ni a yawn shabam ai nsen hte kawng ntsa hkan nga ai dum nta ni hpe hpya jahten kau ai nsen ni hpe na lu na ra ai.

LUKA 13:28

Nanhte gaw, Karai Kasang a mungdan e, Abraham Isak, Yaku hte myihtoi ni yawng nga nga ai hpe nanhte mu lu da nna, nanhte hkum nan gaw shinggan de shapraw kau ai hkrum myit dai shaloi, nanhte gade daram hkrap ngu hkrap ngoi ai hte wa wurin wudik rai na n rai nga myit hka!