PRU MAT 11:2 - Jinghpaw Common Language Bible 2009

² Ya chyawm gaw, Israela amyu masha ni yawng hpe mung, shanhte a htingbu ni kaw na aja arai, gumhpraw arai hpyi la na matu shanhte hpe tsun u,” ngu nna tsun wu ai.

Jinghpaw Hanson Version Bible

² shaloi Israela ni gaw, la mung htingbu la kaw, num mung htingbu num kaw gumhpraw rai, aja rai hpyi la mu ga, amyu masha ni hpe tsun da u,” ngu nna tsun wu ai.

PRU MAT 11:2 ပူးပေါင်းရင်းမြစ်များ

NINGPAWT NINGHPANG 24:53

Dai hpang hpun palawng ni hpe shi la shapraw nhtawm aja, gumhpraw sumli arai ni hte hpawn Rebeka hpe jaw wu ai. Shi a kanu yan kayung hpe mung manu dan ai kumhpaw kumhpa ni jaw ya wu ai.

NINGPAWT NINGHPANG 31:9

Karai Kasang gaw nan a nwa a sagu bainam ni hpe shaw la nna ngai hpe jaw ni ai.

SHAKAWN KUNGDAWN 105:37

Dai hpang shi gaw Israela amyu masha ni hpe woi shapraw mat wa nna, shanhte gaw gumhpraw hte aja ni hpe mung, htaw mat wa ya nga ma ai; shanhte yawng hte mung hkam kaja ai hte n-gun hpring shajang nga ma ai.

SHAKAWN KUNGDAWN 24:1

Ndai mungkan hte dai hta nga ai arai yawng mayawng hte gaw Madu a rai nga ai; Aga hte de a ntsa e nga ai arai yawng mayawng mung shi a rai nga ai.

PRU MAT 3:21

“Ngai gaw Egutu masha ni hpe nanhte a man e shagrau shangun na we ai; shaloi nye a amyu masha ni pru wa na rai jang, lata kaman hte pru wa lu na mara ai n rai.

PRU MAT 3:22

Israela numsha shagu hte mung tinang a htingbu Egutu masha ni hte tinang a nta hta nga ai Egutu numsha ni kadai kaw na rai ti mung, hpun palawng, aja arai, gumhpraw arai ni hpe hpyi la na rai ma ai. Dai Israela amyu masha ni gaw dai arung arai ni hpe shanhte a shayi shadang sha ni hpe jahpun na mara ai rai nna, Egutu masha ni a sut gan ni hpe htawm mat wa na mara ai.”

PRU MAT 32:24

Ngai mung aja lu ai wa kadai mung raw la nna ngai kaw la sa wa mi ngu nna shanhte hpe tsun mawe ai; shanhte ngai hpe jaw ai hte dai ni hpe wan hta ngai bang dat yang dumsu usu kasha pru wa ai!,” ngu nna htan wu ai.

PRU MAT 35:22

Kam jaw ai shawang myit rawng ai numsha hte lasha ni yawng hte gaw sumli da ai hkindang, na lakan, lachyawp, kachyi hte aja arai baw hkum sumhpa yawng dai Madu a matu ap ya ma ai.

GA SHAGAWP 13:22

Mai kaja ai masha wa gaw shi a kashu ni a matu sut gan sali wunli ngam da ya na ra ai; rai ti mung, yubak kap ai wa a sut gan chyawm gaw ding hpring ai masha ni hpang de du mat na ra ai.

HAGI 2:8

Mungkan ga na ja gumhpraw mahkra nye a rai nga li ai.

MAHTE 20:15

Ngai madu ai gumhpraw hpe ngai di mayu ai hte maren di lu na ahkang nga ai n rai ni? Ngai myit mai ai majaw nang manawn nga nni?,’” ngu nna htan wu ai.