PRU MAT 10:7 - Jinghpaw Common Language Bible 2009

⁷ Dai hkawhkam wa a du salang ni gaw shi hpe, “Ndai wa galoi du hkra anhte hpe ru yak jam jau jaw na rai wu ta? Israela lasha ni hpe dat dat ya ga, shaloi shanhte a Madu Karai Kasang hpe nawku lu na mara ai. Ya Egutu mung hten za mat sai gaw nang n chye n ni?,” ngu nna tsun ma ai.

Jinghpaw Hanson Version Bible

⁷ Dai rai nna Hpara-u a agyi salang ni gaw, “Gaten du hkra ndai wa anhte a mahkam tai nga na rai nga a ta? shanhte a Karai Kasang Yehowa hpe shanhte nawku lu mu ga, lasha ni hpe dat dat mu; Egutu mung ting hten mat sai gaw nang garai n chye n ni?” ngu nna tsun mu ai.

PRU MAT 10:7 ပူးပေါင်းရင်းမြစ်များ

SHAKAWN KUNGDAWN 107:34

Dai mungdan hta shanu nga ai ni a tara n lang ai lam a majaw, shi gaw ga sau hpring ai shara ni hpe jum ga shatai kau ya nu ai.

PRU MAT 12:33

Egutu masha ni mung, mungdan kaw na alawan sha pru mat wa na matu amyu masha ni hpe shadut ma ai; shanhte gaw, “Nanhte n pru mat wa ai rai yang, anhte yawng si mat na ga ai,” ngu nna tsun ma ai.

PRU MAT 23:33

Na a mung hta dai masha amyu ni hpe nga shangun lu na n rai; nang nga shangun ai rai yang, ngai hte nhtan shai ai yubak shanhte nang hpe galaw shangun na mara ai. Shanhte a hpara ni hpe nang nawku ai rai yang, dai gaw na a matu si shangun lu ai mahkam tai na ra ai,” ngu nna tsun wu ai.

PRU MAT 7:5

Shanhte a ntsa e nye a lata ladawn da nna, dai Israela amyu masha ni hpe shanhte a mung kaw nna woi shapraw wa ai shaloi, Ngai nan dai Madu rai nga nngai hpe Egutu masha ni chye na mara ai,” ngu nna tsun wu ai.

PRU MAT 8:19

Mandan lakle sara ni mahtang hkawhkam wa hpe Karai Kasang gaw ndai amu hpe galaw nu hka!,” ngu nna tsun ma ai. Rai ti mung dai Madu tsun nu ai hte maren, hkawhkam wa masin bai ja wa nna, Mawshe yan Arun a ga bai n madat ya wu ai.

GA SHAGAWP 29:6

N hkru ai masha ni gaw shanhte a yubak mahkam ni hta ahkang hkrum nga ma ai shaloi, myit malang ai masha ni gaw kabu gara ai hte shanglawt lu nga ma ai.

HPAJI NINGLI 7:26

Ngai gaw si hkrung si htan hta grau ahkup ahka nga ai arai lama mi mu se ai, dai gaw mahkam zawn re ai numsha rai nga ai. Shi nang hpe nawng ya ai tsaw ra myit gaw sumgawn zawn nang hpe rim la na ra ai; Shi a lata lahpum gaw hpri saidawng zawn nang hpe gyit hkang la na ra ai. Karai Kasang hpe awng sharawng ai wa hprawng lawt lu ti mung, yubak kap ai wa hpe chyawm gaw shi rim la lu nga ai.

ESAIA 14:20

Nang gaw na a mungdan hpe jahten sharun kau nna na a amyu masha ni hpe nan sat kau nit dai majaw, nang gaw kaga hkawhkam ni zawn lup makoi hkrum na ndai n rai. Na a n hkru ai dinghku masha ni kadai mung hkrung nga na mara ai n rai.

ESAIA 51:9

Madu e, rawt u, anhte hpe karum la mi! Na a daru magam n-gun lang nna, anhte hpe hkye la mi; dai hpe moi chyaloi nhkoi prat ni hta nang lang ai zawn lang u. Dai daru magam n-gun hte nang gaw panglai numraw Rahab hpe kahtum kadaw di azat kau nga ndai.

YEREMIA 48:4

“Moba gaw jahten shabyak kau hkrum nu ai; ma kaji ni hkrap nga ai nsen hpe madat mu.

YEREMIA 51:8

Babelon mung gaw akajawng sha kadawng daw mat ai hte hten run mat sahka! Shi a matu sharung shayawt nga mu! Shi a hkala nba hpe shamai shatsai ya lu dam nhten, tsi hkrung tsi nan la wa marit.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

1 KORINHTU 7:35

Ndai lam ngai tsun nga ai gaw, ngai nanhte hpe karum mayu ai majaw tsun ai re. Nanhte hpe tara hte jum manat da na matu n rai. Nanhte hpe teng man htap htuk nna lam jaw ai hku hkan sa galaw shangun mayu ai hta n ga, Madu a magam hta ngam da ai lam n nga hkra awm dawm ap nawng daw jau shangun mayu ai majaw she ngai ndai lam tsun nga nngai.

YAWSHU 23:13

nanhte rawt lung wa myit ti mung, dai Madu nanhte a Karai Kasang gaw dai masha amyu baw ni hpe teng teng shaden kau na wu ai n rai nga ai hpe nanhte chye da mu. Shanhte gaw nanhte a matu mahkam dawnggawng, nsung hku, shingma kayat ai shingna hte myi hta rawng ai aju ni zawn ram ram hkrit hpa shara tai na mara ai. Dai sha n-ga, dai Madu nanhte a Karai Kasang nanhte hpe jaw manit dai ndai mai kaja ai mungdan hta nanhte langai mi mung n nga mat wa ai aten du hkra ndai amu hpe shabyin na ra ai.

1 SAMUELA 18:21

Shi gaw, “Mihkala hpe Dawi kaw ya sha na nngai; Dawi hpe mahkam hkam la na matu shayi sha hpe akyu jashawn na we ai. Shaloi shi gaw Hpilisti masha ni a lata hta sat kau ai hkrum na ra ai,” ngu nna shi kraw e myit da wu ai. Shawlu gaw Dawi hpe, “Nang gaw nye a kahkri tai na rai ndai,” ngu nna lahkawng lang ngu na tsun wu ai.

1 SAMUELA 5:11

Dai rai nna, shanhte gaw Hpilisti hkawhkam ni yawng hpe bai shaga la nna, “Israela a Ga Shaka Sumpu hpe mi na shi a shara de bai sa tawn da saga, shaloi anhte hpe mung, anhte a dinghku masha ni hpe mung de a majaw sat kau lu sana n rai,” ngu nna tsun ma ai. Karai Kasang gaw shanhte hpe grai laja ai hku ari jaw nga ai majaw mare ting hta kajawng kaja byin hkrum nga sai.