PRU MAT 10:5 - Jinghpaw Common Language Bible 2009

⁵ Dai ni gaw grai law nga ma ai rai nna, ga ting hpe atsai awai ka-up na mara ai. Dai ni gaw sin marang e n jahten hkra nna naw ngam ai hpun nga manga ni hpe pyi sha kau na mara ai.

Jinghpaw Hanson Version Bible

⁵ dai ni gaw ga man n dawng hkra ga ting ka-up na mara ai; sin marang e n jahten hkra ai, naw nga ai yawng hte hpe mung, nanhte a matu ga na tu wa ai hpun nlang hte hpe mung, sha kau ya na mara ai:

PRU MAT 10:5 ပူးပေါင်းရင်းမြစ်များ

PRU MAT 10:12

Dai hpang dai Madu gaw Mawshe hpe, “Dinggam-yaw ni du sa wa mu ga, na a lata hpe Egutu mung a ntsa e sharawt tawn u. Dai ni du nna tu matu mahkra hte sin adup ngam da ai nga manga hte hpe sha kau na mara ai,” ngu nna tsun wu ai.

PRU MAT 10:15

Dai ni gaw lamu ga chyang mat hkra ga ting hpe galup kau nna, sin e n hkra hkrup ai mung ting na arai yawng mayawng hte namsi hpun yawng mayawng sha kau ma ai. Egutu mung ting hta tsit lali ai hpun hte hkai nmai ni langai mi mung n ngam mat malu ai.

PRU MAT 10:4

Nang matut nna ningdang nga dingyang rai yang chyawm gaw hpawt de na aten hta na a mungdan de dinggam-yaw ni hpe dat dat na we ai.

PRU MAT 9:32

Hkaulan mam chyawm gaw hpang e mahtang myin wa ai majaw hpa mung n hten nga ai.

YOELA 1:4

Nsi naisi ni hta dinggam-yaw wunawng mi a hpang wunawng mi kap nga ma ai; wunawng mi sha kamawng mat wa ai hpang wunawng mi sha kau nga ai.

YOELA 2:25

Nanhte a nsi naisi ni sha kau ya ai dinggam-yaw unawng ni a majaw nanhte sum mat ai shaning ni a matu, ngai bai nhtang jaw na made ai. Dai gaw nanhte hpe ninghkap na matu ngai shangun dat ai hpyen hpung rai nga ai.

YOELA 2:3

Wan zawn shanhte hkai nmai ni sha ma ai. Shanhte a shawng na lamu ga gaw Eden Sun hte bung nga ai, rai ti mung shanhte a hpang e, dai gaw akrin ayang rai nga ai. Shanhte a lata kaw na hpa mung lawt lu ai n rai.