PRU MAT 10:2 - Jinghpaw Common Language Bible 2009

² mauhpa lamik kumla ni hpe ngai shapraw dan ai shaloi, Egutu masha ni hpe ngai kaning rai mana shachyoi kau ni ai gaw na a kasha ni hte kashu ni hpe nang tsun dan lu na matu mung, ngai gaw shi hte shi a du salang ni hpe myit shaja ya ni ai. Nanhte yawng mung Ngai nan dai Madu rai nga nngai hpe chye lu na myit dai,” ngu nna tsun wu ai.

Jinghpaw Hanson Version Bible

² na a kasha ni hte nshu ni a na hta nang hkai dan nga lu na matu, Hpara-u hte shi a agyi salang ni a ka-ang e ndai nye a lamik kumla dan lu na matu, Hpara-u hte shi a agyi salang ni a ka-ang e ndai nye a lamik kumla dan lu hkra shi a masin hpe mung, shi a agyi salang ni a masin hpe mung, ngai shaja ya mase ai,” ngu wu ai.

PRU MAT 10:2 ပူးပေါင်းရင်းမြစ်များ

2 SAMUELA 7:22

Tsaw Htum ai Madu e, nang gaw gade wa galu kaba nga n hka! Nang hte bung ai mi kadai n nga nga ai; nang chyu sha Karai Kasang rai nga ndai gaw anhte tut nawng chye da nga saga ai.

SHAKAWN KUNGDAWN 44:1

O Karai Kasang e, anhte a na ni hte dai lam hpe anhte na yu saga ai. Anhte a kaji kawa ni mung, lai mat wa sai nhtoi ni ngu ai, shanhte a aten hta, nang galaw shapraw dan sai galu kaba ai amu ni ngu ai;

SHAKAWN KUNGDAWN 44:2

maigan masha ni hpe nang kaning rai shaden kau sai lam, shanhte a mungdan hta na a amyu masha ni hpe shanu nga na matu shara jahkrat ya sai lam, kaga amyu baw ni hpe nang ari jaw kau nna na a amyu masha ni hpe ngamu ngamai shangun nit dai.

SHAKAWN KUNGDAWN 58:11

“Ding hpring ai ni gaw teng teng shagrau sha-a ai hkam la na mara ai; mungkan hpe tara jeyang na Karai Kasang gaw teng teng nga nga ai,” nga nna masha ni tsun wa na mara ai.

SHAKAWN KUNGDAWN 71:18

Ya chyawm gaw, ngai dingla wa nga nngai hte nye a kara hpraw wa nga li ai. Karai Kasang e, ngai hpe hkum kau da nga et! Du sa wa na masha ban prat yawng hte hta na a daru magam n-gun hte chyahtum chyalai rawng ai n-gun hpe ngai htawn tsun yang, ngai hte rau rai nga u.

SHAKAWN KUNGDAWN 78:3

lai sai prat kaw nna magap da ai mauhpa lam ni hpe hpaji ga ni hte nanhte hpe ngai tsun shaleng dan na nngai.

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 14:18

Shanhte hpe ngai dang kau ai shaloi, Egutu masha ni gaw Ngai nan dai Madu rai nga ai hpe chye wa na mara ai.

PRU MAT 14:4

Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

PRU MAT 7:17

Ya chyawm gaw madu hkawhkam e, shi hpa galaw wa na lam hpe nang mu lu na rin dai, ngu nna dai Madu tsun nga ai. Yu u, Ngai gaw ndai dawhkrawng hte hka nu hka man hpe kayat dat na nngai; Hka dai gaw asai tai mat na ra ai.

PRU MAT 7:5

Shanhte a ntsa e nye a lata ladawn da nna, dai Israela amyu masha ni hpe shanhte a mung kaw nna woi shapraw wa ai shaloi, Ngai nan dai Madu rai nga nngai hpe Egutu masha ni chye na mara ai,” ngu nna tsun wu ai.

PRU MAT 8:6

Dai rai nna Arun mung hka ni yawng a ntsa e dai dawhkrawng hpe ladawn dat wu ai rai nna shu ni gumtsat lung wa ai hte dai mung hpe ka-up kau ma ai.

ESAIA 38:19

Ya ngai nang hpe shakawn kungdawn ai zawn, Asak hkrung nga ai ni nang hpe shakawn kungdawn ma ai. Kanu kawa ni gaw nang kade wa kangka nga ai lam shanhte a kashu kasha ni hpe tsun dan ma ai.

EZEKELA 20:26

Shanhte a hkungga nawng jau ai hta mung, shanhte a kasha alat ni hpe wan nat hkungga nawng jau ai hta mung ngai shanhte hpe awu asin di kau nngai. Ngai nan dai Madu rai nga ai lam shanhte hpe madun dan lu na matu, shanhte hpe ndai zawn ari jaw ai lam rai nga ai.

EZEKELA 20:28

Shanhte hpe jaw na ngu nna ngai ga sadi dagam da ai mungdan de shanhte hpe ngai woi wa ni ai. Shanhte gaw tsaw ai kawng ni hte tsit lali ai hpun ni hpe mu mada ma ai shaloi, dai shara ni yawng hta shagu hkungga nawng ya ma ai. Shanhte gaw dai hkan e manam pyaw ai baw wan nat hkungga hte sabyi hkungga ru jaw ai lai hte ngai hpe pawt bu shangun ma ai.

YOELA 1:3

Dai hte seng ai lam nanhte a kashu kasha ni hpe tsun dan mu; shanhte mung shanhte a kashu kasha ni hpe tsun dan na mara ai, hpang prat ban mi hte ban mi hkai shachyaw mat wa na mara ai.

EHPESU 6:4

Nanhte mung Nu wa ni e, nanhte a kasha ni hpe masin pawt na hku hkum galaw mu. Shing rai na malai shanhte hpe dai madu a daru sharin lam hte matsun madun ai hta bau maka nga mu.

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.