PRU MAT 10:16 - Jinghpaw Common Language Bible 2009

¹⁶ Dai hpang hkawhkam wa gaw Mawshe yan Arun hpe alawan shaga la nhtawm, “Ngai gaw dai Madu nan a Karai Kasang hpe mung, nan hpe mung shut kau ni ai.

Jinghpaw Hanson Version Bible

¹⁶ Dai rai nna Hpara-u gaw Mawshe yan Arun hpe alawan wan shaga la nna, “Ngai gaw, nan a Karai Kasang Yehowa hpe mung, nan hpe mung shut ni ai:

PRU MAT 10:16 ပူးပေါင်းရင်းမြစ်များ

2 SAMUELA 19:20

Madu e, ngai shut kau nga nngai gaw ya ngai chye nga nngai. Dai re ai majaw ngai gaw madu hkawhkam hpe sa tau la na matu, dai ni dingdung maga de nga ai amyu bawsang ni yawng a shawng e pru sa wa ring ngai,” ngu nna tsun wu ai.

2 SAMUELA 24:10

Rai ti mung Dawi gaw yuptung jahpan hta la ngut jang, shi a myit kangi kanga rai nna shi hpe sharu hpang wa nga ai. Shi gaw dai Madu hpe, “Ndai amu galaw let hkrit hpa yubak langai ngai galaw shut kau se ai! Chyeju hte nye a mara raw dat kau ya e; ngai wa angawk ai hku amu galaw kau se ai,” ngu nna tsun wu ai.

2 SAMUELA 24:17

Dawi gaw amyu masha ni hpe sat ai lamu kasa hpe mu jang, dai Madu hpe, “Ngai gaw mara lu ai wa rai nga nngai. Mara galaw shut kau ai wa mung rai nga nngai. Ndai matsan mayan re ai amyu masha ni mahtang hpa baw galaw shut kau nga ma ni? Ngai hte nye a dinghku masha ni hpe mahtang nang ari jaw ang nga ndai,” ngu nna tsun wu ai.

PRU MAT 8:25

Dai hpang hkawhkam wa gaw Mawshe hte Arun yan hpe shaga la nhtawm, “Nanhte sa nna ndai mung e nan nanhte a Karai Kasang hpe shagu hkungga ni nawng ya mu,” ngu nna tsun wu ai.

PRU MAT 8:8

Hkawhkam wa gaw Mawshe yan Arun hpe shaga la nna, “Ndai shu ni hpe seng kau ya na matu dai Madu kaw hpyi nem ya mi, shaloi dai Madu hpe hkungga nawng jau lu na matu na a amyu masha ni hpe ngai dat dat ya na nngai,” ngu nna tsun wu ai.

PRU MAT 9:27

Hkawhkam wa gaw Mawshe yan Arun hpe shaga la nna, “Ndai lang chyawm gaw ngai shut kau ni ai. Dai Madu gaw ding hpring nga ai, nye a amyu masha ni hte ngai mahtang shut hpyit kau saga ai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

BU HKAWM 21:7

Amyu masha ni mung Mawshe hpang de sit sa nhtawm, “Anhte gaw dai Madu hte nang hpe nhtan shai ai hku tsun kau saga ai majaw yubak galaw kau saga ai. Ndai lapu ni hpe la kau ya na dai Madu hpe ya jang hpyi nem ya mi,” ngu nna tsun ma ai. Dai rai nna Mawshe gaw amyu masha ni a matu hpyi nem ya wu ai.

BU HKAWM 22:34

Balam gaw, “Ngai shut ni ai, ngai hkum shingdang na matu lam e nang tsap nga ndai hpe ngai n chye kau we ai; ya rai ti mung, hkawm matut na lam nye a matu n manu ai ngu nna nang myit lu ai rai yang, ngai nta de bai nhtang wa na nngai,” ngu nna tsun wu ai.

MAHTE 27:4

“Ngai gaw mara n lu ai masha langai mi hpe si na matu ap kau we ai majaw, yubak kap ni ai,” ngu mu ai. Shanhte gaw, “Dai anhte hte hpa seng nga a ta? Dai na a amu she rai lit dai!,” ngu mu ai.

1 SAMUELA 15:24

Shawlu gaw, “Rai sa, ngai shut kau ni ai law; ngai gaw dai Madu a hkang da ai ga hte na a matsun maroi ga ni hpe n madat kau se ai. Ngai gaw nye a masha ni hpe hkrit we ai majaw shanhte ra ai hku galaw kau shangun se ai.

1 SAMUELA 15:30

Shawlu gaw, “Ngai shut kau ni ai; rai ti mung, nye a amyu masha ni a ningbaw ni hte Israela yawng a man e, ngai hpe dik dik hkungga lara ai lam naw madun dan mi. Dai Madu na a Karai Kasang hpe ngai nawku lu n-ga, ngai hte rau nhtang wa ga,” ngu nna tsun htang wu ai.

1 SAMUELA 26:21

Shawlu gaw, “Ngai shut kau ni ai. Nye kasha Dawi e, bai wa rit! Nang gaw nye a asak hpe dai na e jahkrung da ya nga ndai majaw, ngai nang hpe galoi mung n machyi hkra shangun na ni ai. Ngai mahtang mana ni ai! Ndai zawn re ai hkrit hpa amu hpe ngai galaw shut kau ni ai!,” ngu nna htan wu ai.