PRU MAT 1:8 - Jinghpaw Common Language Bible 2009

⁸ Dai hpang Yosep a lam hpa mung n chye ai hkawhkam ningnan langai mi Egutu mung hta paw pru wa sai.

Jinghpaw Hanson Version Bible

⁸ Dai shaloi Yawsep hpe n chye ai hkawhkam ningnan, Egutu mung ntsa e paw pru wa ai.

PRU MAT 1:8 ပူးပေါင်းရင်းမြစ်များ

SHAKAWN KUNGDAWN 105:25

Shi gaw Egutu masha amyu ni hpe shi a amyu masha ni hte n ju n dawng shangun nna; shi a shangun ma ni hte hkalem hkalau amu shabyin dat wu ai.

PRU MAT 3:16

Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

PRU MAT 3:9

Nye a amyu masha ni a hkrap sharung ai nsen hpe ngai kaja wa teng teng na ni ai; Egutu masha ni shanhte hpe kade daram dip gamyet sha nga masai hpe mung ngai mu ni ai.

HPAJI NINGLI 9:15

Dai mare hta matsan mayan re ai wa langai mi nga nga ai, rai ti mung shi gaw grai myit let ai rai nna dai mare hpe hkye la lu wu ai. Rai ti mung, shi a lam hpe kadai mung n myit dum ma ai.

KASA 7:18

Dai shaloi Egutu mung e Yosep hpe n chye ai Hkawhkam paw pru wa ai.

KASA 7:19

Dai Hkawhkam wa gaw, anhte a bawsang ni hpe hpaji hte manai nna zingri zingrat di ma ai, shanhte a ma chyangai ni si mat mu ga, nta shinggan e adip arip tawn da shangun ma ai.

TARA JAHPRANG 26:6

Egutu masha ni mung anhte hpe nhtum nni zingri zingrat ai hte aja awa mayam shatai kau mi ai.

TARA AGYI 2:10

Dai ban prat ting na ni mung si htum mat nna htawm hpang na ban prat masha ni gaw dai Madu Israela a matu hpa galaw nu ai hpe mung malap kau ma ai.