PRU MAT 1:7 - Jinghpaw Common Language Bible 2009

⁷ rai ti mung Israela amyu matu ni yawng hta kashu kasha law law mayat maya wa nna law htam wa ai hte n-gun ja wa nhtawm Egutu mung e hpring wa nga masai.

Jinghpaw Hanson Version Bible

⁷ Israela a kashu kasha ni chyawm gaw mayat maya wa nna, tsanawn nga ma ai hte law htam wa let ja ja kaba wa nga ma ai: dai mung ting hkan e shanhte hpring at nga ma ai.

PRU MAT 1:7 ပူးပေါင်းရင်းမြစ်များ

NINGPAWT NINGHPANG 1:20

Dai hpang Karai Kasang gaw, “Nsoi nsa rawng nna hkrung nga ai baw wunawng wuwa gaw hka hpung ni hta kanawng nga nna, ntsa malen u ni mung nbung nga ai lamu ntsa hkan hpring nga mu ga,” nga nna hkang da wu ai.

NINGPAWT NINGHPANG 1:28

shan hpe shaman ya nna, “Kashu kasha law law shaprat mu, shaloi nan a matu mara ni aga ting hta shanu nga lu nna, dai hpe up hkang lu na mara ai. Ngai gaw nan hpe nga ni hpe mung, ntsa malen u ni hpe mung, dusat nhprang ni hpe mung up hkang na ahkang jaw da nga nngai.

NINGPAWT NINGHPANG 12:2

Ngai nang hpe law law mayat maya shangun nna amyu kaba shatai na nngai. Ngai nang hpe shaman ya nna na a mying hpe gumhkawng shangun na nngai; shing rai nang gaw chyeju daju tai na rin dai.

NINGPAWT NINGHPANG 13:16

Na a amyu matu mara ni hpe ngai shalaw jahtam na nngai; kadai mung shanhte yawng hpe dang hti lu na mara ai n rai; dai gaw ga ntsa e taw ai ga nhpu ni hpe n dang hti ai zawn law htam na mara ai.

NINGPAWT NINGHPANG 15:5

Dai Madu gaw shi hpe shinggan de woi shapraw nhtawm, “Sumsing lamu de mada yu nna dai shagan ni hpe hti shakut yu u; dai zawn law htam ai amyu matu ni hpe nang lu na rin dai,” ngu nna tsun wu ai.

NINGPAWT NINGHPANG 17:16

Shi hpe ngai shaman ya nna, shi hta na shadang sha langai mi nang hpe jaw na we ai. Ngai shi hpe shaman ya nna, shi gaw amyu baw ni a kanu tai wa nhtawm; shi a amyu matu ni hta mung, hkawhkam hkawseng ni pru shajang na mara ai,” ngu nna tsun wu ai.

NINGPAWT NINGHPANG 22:17

Na a amyu matu ni hpe mung lamu na shagan ni shing n rai panglai zaibru ni zawn ngai nang hpe jaw na nngai. Na amyu matu ni mung shanhte a gumlau hpyen ni hpe dang kau lu na mara ai.

NINGPAWT NINGHPANG 26:22

Shi mung dai yang na htawt nhtawm kaga hka htung langai bai htu wu ai. Dai hta chyawm gaw ndang kalang hpa mung n nga sai rai nna shi gaw dai shara hpe “Shanglawt” ngu nna shamying wu ai. Ya chyawm gaw dai Madu anhte hpe ndai ga e nga na matu anhte hpe shanglawt jaw nu ai; dai rai nna anhte ndai mung e ngamu ngamai wa saga ai,” ngu nna tsun wu ai.

NINGPAWT NINGHPANG 26:4

Na a mayu matu ni hpe lamu na shagan ni zawn ngai shalaw na mawe ai rai nna, dai ni yawng hpe ndai mung ting ngai jaw na mawe ai. Amyu baw ni yawng mung na a amyu matu ni hpe ngai shaman ya ni ai hte maren shanhte hpe shaman ya na matu hpyi lajin wa na mara ai.

NINGPAWT NINGHPANG 28:14

Shanhte gaw ga na nhpu ni zawn law htam wa na mara ai. Shanhte gaw lamu ga man yawng de shanhte a lamu ga maden kung dam wa na mara ai. Nang hte na a amyu matu ni a jaw e, amyu baw ni yawng hpe ngai shaman ya na we ai.

NINGPAWT NINGHPANG 35:11

Karai Kasang gaw shi hpe, “Ngai gaw Chyahtum Chyalai N-gun Rawng Ai Karai Kasang rai nga nngai. Kashu kasha law law mayat maya u; amyu baw ni nang hta na pra hkrat wa nhtawm hkawhkam ni a kaji kawa mung nang tai na rin dai.

NINGPAWT NINGHPANG 46:3

Shi mahtang, “Ngai gaw Karai Kasang rai nga nngai, na nwa a Karai Kasang mung rai nga nngai; Egutu mung de yu sa na lam hkum hkrit nga et; dai yang e nang hpe ngai amyu kaba shatai na we ai.

NINGPAWT NINGHPANG 47:27

Israela amyu masha ni gaw Egutu mung Goshen mung hta shanu nga nna lu su ngamu ngamai wa ma ai hte shanhte hta kashu kasha law law mayat maya wa ma ai.

NINGPAWT NINGHPANG 48:16

Machyi shoichyum ai yawng hta na ngai hpe hkye mawai la sai lamu kasa gaw shan hpe shaman ya u ga law! Nye a mying hte mung, nye a kaji Abraham hte nye wa Isak yan a amying hte mung, ndai ma yan matut nna hkrung nga mu ga law! Shan hta kashu kasha law law mayat maya wa nna amyu matu law law gumja gumhpra rai wa manu ga law!”

NINGPAWT NINGHPANG 48:4

Shi gaw ngai hpe, “Kashu kasha law law jaw na we ai; shing rai na a amyu matu ni amyu baw law law tai wa na mara ai; na a amyu matu ni htani htana madu nga lu na matu ndai mungdan hpe ngai jaw na de ai,’” ngu nna tsun wu ai.

NINGPAWT NINGHPANG 9:1

Karai Kasang gaw Noa hte shi a shadang sha ni hpe shaman ya nna, “Kashu kasha law law shaprat mu, shaloi nanhte a aru arat ni mungkan ting hta shanu nga lu na mara ai.

NEHEMIA 9:23

Nang gaw shanhte a kashu kasha ni hpe lamu na shagan ni zawn law law jaw nna, shanhte hpe jaw na ngu nna shanhte a kaji kawa ni hpe nang ga sadi jaw da sai mung hpe madu la shangun ai hte nga nga shangun u.

SHAKAWN KUNGDAWN 105:24

Dai Madu gaw shi a amyu masha ni hpe kashu kasha law law mayat maya shangun nna; shanhte a gumlau hpyen ni hta grau nna, n-gun ja wa shangun nga ai.

SHAKAWN KUNGDAWN 107:38

Shi a amyu masha ni hpe shi shaman ya nna, shanhte hta kashu kasha law law mayat maya nga ma ai; shanhte a yam nga ni n yawm mat u ga, shi bau sin ya nga ai.

PRU MAT 1:12

Rai ti mung Egutu masha ni Israela amyu masha ni hpe grau dip gamyet da magang, shanhte grau nna law jat wa ai hte mungdan ting de chyam bra wa ma ai. Dai Egutu masha ni gaw Israela masha ni hpe hkrit kajawng nga ma ai majaw,

PRU MAT 12:37

Israela masha ni gaw Ramese kaw nna Suhkot de du hkra, lagaw lam hte sa wa ma ai. Ma kaji hte numsha ni hpe n hti shalawm yang, lasha ni hkrai sen kru daram rai nga ai.

PRU MAT 5:5

Ndai amyu masha ni mahtang Egutu masha ni hta grau law htam nga manit dai majaw ya nanhte bungli galaw ai hpe jahkring kau mayu nga manit dai!,” ngu nna tsun wu ai.

EZEKELA 16:7

Ngai nang hpe kung dam wa ai hpun zawn tu kaba shangun nngai. Nang galu kaba wa nna num mahkawn tai wa nit dai. Na a madoi chyu hpang grai gawng tsawm nna, na a kara ni tu nga lit dai, rai ti mung, nang gaw singgu krin naw rai nga ndai.

KASA 13:17

Israela amyu masha ni a Karai Kasang gaw anhte a ji wa ni hpe shanhte Egutu mung e maigan masha hku nna sa nga nga ai ten hta lata la nna amyu kaba shatai manu ai. Karai Kasang gaw shi a n-gun atsam kaba hte shanhte hpe Egutu mung na shapraw woi wa nna,

TARA JAHPRANG 10:22

Nanhte a nji nwa ni Egutu mung de yu sa wa ma yang, marai sanit shi sha rai ma ai. Rai ti mung ya chyawm gaw dai Madu nanhte a Karai Kasang she nanhte hpe sumsing lamu na shagan ni zawn shalaw jahtam ya manit dai.

TARA JAHPRANG 26:5

Dai hpang ndai ga ni hpe dai Madu a man e hti shakrai na rai ndai: ‘Nye a kaji kawa gaw Egutu mung de sa nga na matu shi a dinghku hpe woi yu wa ai malet nhprang Aramiyan masha rai nga ai. Shanhte dai mung de yu sa ai aten hta n law nga ti mung galu kaba ai hte n-gun atsam rawng nna law htam ai amyu tai wa masai.