PRU MAT 1:20 - Jinghpaw Common Language Bible 2009

^20-21 Shangai karum ai yan mahtang Karai Kasang hpe hkrit hkungga ma ai majaw Karai Kasang mung shan hpe chyeju jaw ya nna shan a dinghku ni hta kashu kasha ni jaw ya nga ai. Israela masha ni gaw matut nna law jat wa ai hte n-gun ja wa nga ma ai.

Jinghpaw Hanson Version Bible

²⁰ Dai rai nna Karai Kasang gaw shangai karum num yan hpe chyeju jaw mu ai: dai amyu mung law htam wa nna ja ja galu kaba wa ma ai.

PRU MAT 1:20 ပူးပေါင်းရင်းမြစ်များ

SHAKAWN KUNGDAWN 103:11

Lamu gaw ginding aga hta tsaw nga ai hte maren, shi hpe hkrit hkungga nga ai ni a ntsa e shi a tsaw ra myit mung, dai hte maren galu kaba nga ai.

SHAKAWN KUNGDAWN 111:5

Dai Madu gaw shi hpe shagrau sha-a ai ni hpe lusha jaw ya nga nna; shi a ga shaka hpe galoi mung n malap kau nga ai.

SHAKAWN KUNGDAWN 145:19

Shi hpe hkrit hkungga ai ni a ra kadawn ai lam ni hpe shi jaw ya nna; shanhte a hpyi jahtau ai nsen ni hpe na ai hte shanhte hpe hkye hkrang la mu ai.

SHAKAWN KUNGDAWN 61:5

O Karai Kasang e, nye ai ga sadi ni hpe na ya nit dai; nang hpe shagrau sha-a ai ni madu ai sali wunli ni nang ngai hpe jaw ya nit dai.

SHAKAWN KUNGDAWN 85:9

Shi hpe shagrau sha-a ai ni hpe shi hkye hkrang la na, kaja wa, jin jin rai nga ai; shi a hkye hkrang la ai hpung shingkang gaw anhte a lamu ga hta nga nga na ra ai.

PRU MAT 1:12

Rai ti mung Egutu masha ni Israela amyu masha ni hpe grau dip gamyet da magang, shanhte grau nna law jat wa ai hte mungdan ting de chyam bra wa ma ai. Dai Egutu masha ni gaw Israela masha ni hpe hkrit kajawng nga ma ai majaw,

PRU MAT 1:19

Shan chyawm gaw, “Dai Hebre numsha ni mahtang Egutu numsha ni zawn n rai ma ai. Shanhte gaw aloi loi sha shangai lu ma ai rai nna, an langai ngai garai n du yang ma ni hpe shangai kau kau di ma ai,” ngu nna htan ma ai.

PRU MAT 1:7

rai ti mung Israela amyu matu ni yawng hta kashu kasha law law mayat maya wa nna law htam wa ai hte n-gun ja wa nhtawm Egutu mung e hpring wa nga masai.

GA SHAGAWP 11:18

Tara n lang ai masha ni gaw teng teng hpa mung lu la nga ai n rai ti mung; teng man ai amu hpe, nang galaw nga ai rai yang chyawm gaw shagrau sha-a ai kumhpa hpe nang teng teng hkam la lu na rin dai.

GA SHAGAWP 19:17

Matsan mayan wa hpe nang jaw ai gaw dai Madu hpe hkoi ya ai hte bung nga ai rai nna; dai Madu gaw nang hpe bai htang jaw na ra ai.

HPAJI NINGLI 8:12

Yubak kap ai wa gaw ru hka amu latsa lang shut hpyit ti mung naw hkrung nga ai. Oh rai sa, shanhte ning nga tsun ai ga hpe ngai chye nngai: “Karai Kasang a ga hpe madat mara ai rai yang, lam magup jaw hkrak wa na ra ai,

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

MAHTE 10:42

Ngai nanhte hpe teng teng tsun made ai gaw, nye a sape myi man hpe tau nna, nye a sape ni hta na kaji dik ai wa hpe ntsin katsi gawm mi sha jaw wu yang, shi gaw nye a sape rai nga ai majaw, dai jaw ai wa gaw shabrai teng teng n lu la ai nga na n rai,” ngu nna tsun mu ai.

MAHTE 25:40

Dai rai nna Hkawhkam wa gaw, ‘Nanhte hpe ngai teng teng tsun made ga, ndai ngai nau ni hta na kaji htum ai wa langai mi hpe nanhte galaw ai gaw, nanhte ngai hpe galaw manit dai rai nga ai!,’ ngu nna shanhte hpe htan na mu ai.

LUKA 1:50

shi hpe hkrit kamyin ai ni a ntsa e, shu mashi shu masha prat du hkra matsan dum ai myit a madun nga ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.