PRU MAT 1:11 - Jinghpaw Common Language Bible 2009

¹¹ Dai rai nna Egutu masha ni gaw shanhte a ntsa e mayam hkang ai ni hpe san tawn nna laja lana re ai amu bungli hte shanhte a myit ni hpe shadaw kau ya ma ai. Israela amyu masha ni gaw hkawhkam wa a matu arung arai tawn da na ginra daju ni hpe Hpihtum hte Ramese mare ni hta gap da ma ai.

Jinghpaw Hanson Version Bible

¹¹ Dai rai nna Egutu du ni gaw amu bungli hte shanhte hpe sharu shatsang na matu shanhte a ntsa e hpareng tawn da mu ai: shanhte mung Hpara-u a matu rai tawn da na mare Hpihtum hte Ramese de ya mu ai.

PRU MAT 1:11 ပူးပေါင်းရင်းမြစ်များ

NINGPAWT NINGHPANG 15:13

Dai Madu gaw shi hpe, “Na a amyu matu ni gaw maigan mung hta tsasam masha ni sa tai nga na mara ai; shanhte gaw dai mung hta e mayam tai nna shaning mali tsa ning tup gumshem ai hte zingri zingrat ai hkrum na mara ai.

NINGPAWT NINGHPANG 47:11

Dai hpang Yosep mung hkawhkam wa shi hpe hkang da nu ai hte maren, shi a kawa hte kahpu kanau ni hpe Egutu mung na kaja htum ai shara ngu ai Ramese mare hte ni htep ai shara shanhte hpe jaw nna nga shangun mu ai.

1 HKAWHKAM 9:19

shi a sut gan ni hpe mahkawng da ai mare ni, shi a gumra ni hte gumra leng ni hpe tawn da ai mare ni, Yerusalem, Lebanon hte shi a mungdan shara shagu hkan e galaw mayu ai made lam shagu hpe gaw da nga ai.

2 HKAWHKAM LABAU 16:4

Benhadad mung Asa tang shawn ai ga hpe myit hkrum ya wu ai rai nna Israela masha ni hpe gasat na matu shi a up hkang du salang ni hte hpyen luksuk ni hpe shangun dat wu ai. Shanhte gaw Iyon, Dan, Abela Bet Mahka, hte arung arai mahkawng da ai dum ni nga ai Hpilisti mung na mare ni yawng gasat dang la kau ma ai.

2 HKAWHKAM LABAU 8:4

nam mali kata na Palmora mare hpe bunghku kum da wu ai. Shi gaw sut gan mahkawng da na matu mung ka-ang shara ang ai Hamat hta nga ai mare ni yawng hpe bai de da nga ai.

SHAKAWN KUNGDAWN 105:13

Shanhte gaw mungdan langai mi kaw nna langai mi de; hkawhkam mungdan mi kaw nna mungdan mi de, kayin hkawm nga ma ai.

SHAKAWN KUNGDAWN 129:1

Israela e, nang gaw naw kaji nga ai aten kaw nna, na a gumlau hpyen ni nang hpe kaning rai zingri zingrat di lai wa sai lam, anhte hpe tsun dan mi.

SHAKAWN KUNGDAWN 129:2

“Ngai naw kaji nga ai aten kaw nna, nye a gumlau hpyen ni ngai hpe mazut ai hku zingri nga ma ti mung, shanhte ngai hpe n dang lu ma ai.

SHAKAWN KUNGDAWN 68:13

Nta e nga ai num ni gaw gumhpraw hte gayawp nna singkaw ni hta htoi kabrim ai ja hte gala nga ai hkrudu sumla lanep ni hpe garan la nga ma ai. (Nanhte hta na nkau mi gaw hpa majaw majan gasat nga ai shani hta, sagu lawng ni hkan nga nga myit ni?)

SHAKAWN KUNGDAWN 81:6

“Nanhte a shingma na lit ni hpe ngai shayu kau ya nna, nanhte a wut tawng hpai ai ka htang ni hpe ngai jahkrat da ya ni ai.

PRU MAT 2:11

Mawshe kaba wa ai shaloi, shi gaw shi a amyu masha Hebre ni hpang de sa chyai na nga pru sa mat wa wu ai. Shi gaw bungli aja awa galaw shangun na matu shagyeng hkrum nga sai masha ni hpe sa mu wu ai. Shi gaw Mawshe a amyu masha Hebre masha langai hpe Egutu masha e sat kau ai hpe pyi sa mu wu ai.

PRU MAT 3:7

Dai hpang dai Madu gaw, “Nye a amyu masha ni Egutu mung hta kade daram mazut ai hku sharu shatsang hkrum nga ma ai hpe ngai mu ni ai; shanhte a mayam hpareng ni a lata kaw na hkye la hkrum na matu hkrap sharung ai nsen ni hpe mung ngai na ni ai. Shanhte hkrum sha ai nni nkri yawng a lam hpe ngai chye nngai;

PRU MAT 5:10

Mayam hpareng ni hte Israela salang ni gaw Israela amyu masha ni kaw sa nna, “Hkawhkam wa nanhte hpe yihku n jaw sana re.

PRU MAT 5:15

Dai hpang salang ni gaw hkawhkam wa hpang de sa nhtawm, “Madu Hkawhkam wa e, hpa majaw anhte hpe ning di nna galaw shangun nga myit ni?

PRU MAT 5:8

Rai ti mung wut chyawm gaw shawoi na shadang hte maren naw galaw shangun na rai myit dai; dai shadang hta wut tawng langai mi pyi yawm lu na ma ai n rai. Shanhte mahtang bungli hpe tup hkrak galaw ai n rai, dai lam a majaw shanhte a Karai Kasang hpe hkungga nawng jau na matu, shanhte hpe sa shangun na, ngai hpe san lajin nga ma ai.

GA SHAGAWP 27:4

Pawt sindawng ai gaw matse ai hte jahten shabya nga ai, rai tim manawn masham ai a jahten sharun ai gaw shadawn n mai hkra grau sawng nga ai.

BU HKAWM 20:15

anhte gaw dai mung e shaning law law nga kau da nhtawm anhte hkrum sha kau saga ai nni nkri yak hkak lam ni hpe nang chye nga ndai. Dai Egutu masha ni mung anhte a kaji kawa ni hte anhte hpe zingri zingrat di mi ai;

TARA JAHPRANG 26:6

Egutu masha ni mung anhte hpe nhtum nni zingri zingrat ai hte aja awa mayam shatai kau mi ai.