OBEDIA 1:8 - Jinghpaw Common Language Bible 2009

⁸ “Dai shani e ngai gaw Edom hpe ari jaw nna shanhte a myit let ai masha ni hpe jahten shaza kau ai hte shanhte a hpaji byeng-ya yawng hpe yeng seng kau na nngai.

Jinghpaw Hanson Version Bible

⁸ Dai shani e ngai gaw, Edom a zai byeng-ya rawng ai ni hte, Esaw a bum na nyan hpaji hpe, jahtum kau na we ai, n rai ni? nga nna Yehowa tsun ai.

OBEDIA 1:8 ပူးပေါင်းရင်းမြစ်များ

ESAIA 29:14

Dai rai nna ngai gaw shanhte langai hte langai hpe n myit mada ai mauhpa amu hte kajawng dat na nngai. Hpaji rawng ai ni angawk mat wa nna shanhte yawng a myit let ai lam gaw kaman lila tai mat na mara ai,” ngu nna tsun wu ai.

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

ESAIA 19:11

Zoan mare ningbaw ni gaw mana nga ma hka! Egutu mung na hpaji rawng htum ai masha ni gaw angawk ai hpaji jaw nga ma hka! Shanhte gaw moi na hpaji ninghkrin ni hte hkawhkam ni a hkringhtawng dagraw ai ni rai nga ga ai nga nna hkawhkam wa a man e shanhte kaning rai gwi tsun na rai nga ma ta?

ESAIA 19:12

Egutu hkawhkam wa e, na a myit let ai hpaji jaw masha ni kanang nga nga ma ta? Shanhte gaw nang hpe Chyahtum Chyalai N-gun rawng ai dai Madu gaw Egutu a matu hpa baw shatawng shada da nga ai lam mahkoi lu tsun dan lu na ma ai kun?