OBEDIA 1:4 - Jinghpaw Common Language Bible 2009

⁴ Nang gaw na a dum nta hpe galang a utsip zawn tsaw ai shara hta galaw tawn da lu nna, dai gaw shagan ni a lapran e nga nga lu ai zawn rai tim, ngai nang hpe gang shayu kau na de ai.

Jinghpaw Hanson Version Bible

⁴ Langda hte maren nang tsaw nga nna, shagan ni a lapran e na a tsip tsip lu timung, dai kaw nna ngai nang hpe jahkrat kau na de ai, nga nna Yehowa tsun ai.

OBEDIA 1:4 ပူးပေါင်းရင်းမြစ်များ

ESAIA 10:14

Mungkan ga na masha amyu baw ni gaw u tsip langai hte bung nga ai, ngai gaw udi ni hpe aloi sha hkan magawn la lu ai zawn shanhte a sut gan ni hpe magawn la nngai. Ngai hpe jahkrit shama na singkaw langai mi mung n kahprap lu nga ai, ngai marawn kyek bun na n-gup kadai n hpaw mahka lu nga ai!,” nga nna shakawng nga ai.

YEREMIA 49:16

Na a gumrawng gumtawng ai myit gaw nang hpe hkalem kau nit dai. Nang myit nawn ai daram, kadai mung nang hpe n hkrit nga masai. Nang gaw lunghkrung ninggam ni hte tsaw ai bum pungding hkan e shanu machyu nga nna, galang zawn tsaw ai shara hta machyu nga ti mung, dai Madu gaw nang hpe shayu kau na ra ai. Dai Madu ngai nan tsun ni ai,” nga nna tsun wu ai.

YEREMIA 51:53

Babelon gaw sumsing lamu de lu lung nna dai yang e n-gun ja ai hpyen dap lu gap tim pyi, dai hpe jahten kau na matu masha ni hpe ngai naw shangun na nngai. Dai Madu ngai nan tsun ni ai.”

AMO LAIKA (AMOS) 9:2

Shanhte gaw katsan ga de yu wa ai shanhte a lam htu tim pyi, ngai shanhte hpe rim la na nngai. Shanhte sumsing lamu de lung ai rai tim pyi, ngai shanhte hpe shayu la na nngai.

HABAKU 2:9

Nanhte gaw dingnye hkrum nga myit dai! Nanhte gaw tinang a dinghku hpe kashun kashe du daw sai hkaw amu shabyin nna la wa ai sut gan hte mung, nanhte a dinghku hpe machyi hkra shangun ai hte hkrit tsang shara kaw na shim hkra nga pyaw shangun ai hte mung sut su shangun nga myit hka!