OBEDIA 1:3 - Jinghpaw Common Language Bible 2009

³ Na gumrawng gumtawng ai myit gaw nang hpe hkalem kau nga sai. Na a mare daju gaw ngang ai lunghkrung hta gap da ai hpyen dap rai nga ai; na a dum nta gaw bum ni hta tsaw nga ai, dai rai nna nang gaw na a kraw kata e, ‘Kadai wa ngai hpe gang kadang lu na i?,’ nga nna tsun nga ndai.

Jinghpaw Hanson Version Bible

³ Lungpu hta rawng nna, tsaw ai shara e shanu nga let, “Ngai hpe ga de kadai jahkrat lu na i?” nga nna kraw lawang e tsun ai wa e, na a gumrawng ai myit nang hpe hkalem kau nit dai.

OBEDIA 1:3 ပူးပေါင်းရင်းမြစ်များ

NINGPAWT NINGHPANG 36:8

Dai rai nna Esaw mahtang Edom mung na kawng marawn hkan shanu nga wu ai.

2 HKAWHKAM 14:7

Amazia gaw Jum Kadit e Edom hpyenla mun mi hpe sat kau wu ai; bai shi gaw Sela mare hpe gasat dang la nna dai mare a mying hpe dai ni du hkra Yokhtela ngu nna shamying da wu ai.

2 HKAWHKAM LABAU 25:11

Amazia gaw nden marai shaja la let shi a luksuk hpe woi nhtawm Jum Kadit de woi sa wa wu ai. Dai yang e Edom hpyenla ni hpe htim gasat ma ai rai nna hpyenla mun mi hpe sat kau nhtawm,

2 HKAWHKAM LABAU 25:12

kaga mun mi hpe mung rim la lu wu ai. Shanhte lu rim la ai bawng masha ni hpe Sela mare na ninggam pungding de woi lung wa nhtawm kabai jahkrat kau ma ai rai nna dai lunghkrung npu e shanhte yawng sat kau ai hkrum nga ma ai.

YOBA 20:6

Shanhte gaw grai mai galu kaba ai hte lamu de tsaw lung wa mai nga ai, garai galu kaba ai shanhte a abaw ni gaw sumwi du hkra dep nga ai,

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

GA SHAGAWP 18:12

Kadai mung shagrit shanem ai myit n rawng ai rai yang, shagrau hkungga hkam la lu ai n rai; myit tsaw myit dap rawng ai masha ni gaw hten byak lam de sa wa nga ma ai.

GA SHAGAWP 29:23

Myit tsaw myit dap ai gaw nang hpe hkrat sum shangun ti mung, nang mahtang shagrit shanem nga ai wa rai yang chyawm gaw hkungga ai hpe nang hkam la lu na ra ai.

ESAIA 16:6

Yuda amyu masha ni gaw, “Moba masha ni kade wa gumrawng gumtawng nga ma ai hpe anhte na saga ai. Shanhte myit tsaw myit dap hte rai dum nga ma ai lam hpe anhte chye ga ai, rai ti mung shanhte a shakawng shakat ai amu gaw kaman lila rai nga ai,” ngu nna tsun nga ai.

YEREMIA 21:13

Yerusalem e, nang gaw pa layang e dung nga ai lunghkrung zawn kadit ni a ntsa e dung nga ndai. Rai ti mung, ngai nang hpe hkap gasat na nngai. Anhte hpe kadai htim gasat lu na n rai, na a bunghku ni hpe kadai agrawp kau ya lu na n rai, nga nna nang tsun ndai.

YEREMIA 37:9

Dai Madu ngai gaw Babelon masha ni nhtang sa wa na mara ai n rai nga nna nanhte myit sawn yu ai hte nanhte hkum hpe n masu hkalem u ga, sadi jaw nga nngai. Hpa majaw nga yang, shanhte nhtang sa na mara ai.

YEREMIA 48:28

“Moba mung hta shanu nga ai masha ni e, nanhte a nga shara mare ni hpe kau da nhtawm n-gam hkan e sa nga masu. Krung sinwa n-gam mahka hkan e tsip tsip ai hkrudu ni zawn tai nga mu.

YEREMIA 49:16

Na a gumrawng gumtawng ai myit gaw nang hpe hkalem kau nit dai. Nang myit nawn ai daram, kadai mung nang hpe n hkrit nga masai. Nang gaw lunghkrung ninggam ni hte tsaw ai bum pungding hkan e shanu machyu nga nna, galang zawn tsaw ai shara hta machyu nga ti mung, dai Madu gaw nang hpe shayu kau na ra ai. Dai Madu ngai nan tsun ni ai,” nga nna tsun wu ai.

YEREMIA 49:4

Sadi sahka myit n rawng ai masha ni hpa majaw gumrawng nga myit ta? Na a n-gun gaw yawm nga lit dai. Kadai mung nang hpe n sa htim gasat gwi ai nga tsun let, na a daru magam n-gun hta hpa majaw kamhpa nga n ta?

EZEKELA 28:16

Nang gaw gun rai dut mari ai hpaga amu ni hte law la nga ndai, dai amu gaw nang hpe kashun kashe du daw sai hkaw amu hte yubak lam ni de woi sa nga ai. Dai rai nna, ngai gaw nang hpe nye a chyoi pra ai bum kaw na pru mat wa na matu shaden kau dat ni ai, nang hpe sin ai lamu kasa mung nang hpe dai htoi kabrim ai lung seng ni a ka-ang kaw na yeng seng kau nu ai.

MALAHKI 1:4

Esaw a matu mara Edom masha ni gaw, “Anhte a kahtawng ni jahten sharun kau hkrum sai, rai ti mung dai ni hpe anhte bai gaw gap na ga ai,” ngu nna lama tsun ai rai yang, dai Madu gaw, “Shanhte bai de da mu ga-dai ni hpe ngai bai run kau ya na we ai. Amyu masha ni gaw shanhte hpe, ‘Dai n hkru ai mungdan’ hte ‘Dai Madu tut nawng pawt nga ai amyu,’” ngu nna shaga na ra ai.