NINGPAWT NINGHPANG 9:4 - Jinghpaw Common Language Bible 2009

⁴ Lam langai mi gaw asai naw rawng ai ashan hpe nanhte sha lu na myit dai n rai; dai asak gaw asai hta rawng nga ai majaw ndai lam hpe ngai hkum da nngai.

Jinghpaw Hanson Version Bible

⁴ Rai timung nanhte gaw, asak rawng ai asai hte nawng ashan n sha lu na rai myit dai.

NINGPAWT NINGHPANG 9:4 ပူးပေါင်းရင်းမြစ်များ

EZEKELA 33:25

Tsaw Htum ai dai Madu ngai tsun nga ai ga shanhte hpe ning ngu htawn tsun u: Nanhte gaw sai hte hpawn ashan sha nga myit dai. Nanhte gaw hpara sumla ni hpe nawku nga myit dai. Nanhte gaw masha sat ai amu hpe mung shut hpyit nga myit dai. Nanhte gaw ndai mungdan hpe madu lu na re ngu myit nawn nga myit ni?

JAW JAU 19:26

“Asai naw rawng ai shan lusha hpe sha lu na myit dai n rai. Mandan lakle bau ai amu hpa mung nanhte hkan galaw lu na myit dai n rai.

JAW JAU 3:17

Israela amyu masha ni kadai mung sau man hte asai sha lu na n rai; dai gaw Israela amyu masha ni yawng shanu nga ai shara shagu hta prat tup hkan galaw shadik shatup na hkang da ai ga matsun rai nga ai.

JAW JAU 7:26

Israela amyu masha ni shanu nga ai shara shagu hkan lusha a matu u sai hte yam nga asai galoi mung lang lu na myit dai n rai.

KASA 15:20

Hpara sumla ni hpe nawng jau tawn ai n san n seng ai lusha ni sha ai lam, n se n sa ndaw liknga lam, du manat sat ai shan hte asai re ai ni hpe koi gam na lam shanhte hpe laika langai mi ka nna tsun shana mai ai ngu nna ngai myit da we ai,

KASA 15:25

Dai re ai majaw anhte yawng jawm bawng yu nna masha nkau mi hpe nanhte hpang de kasa shangun dat na myit hkrum saga ai. Shanhte gaw anhte tsaw ra ai Barnaba yan Pawlu hte rau sa wa na mara ai.

KASA 15:29

Ndai lam ni hpe nanhte koi gam nga myit yang nanhte a matu mai kaja ram ging na malit dai. Hkam kaja nga myit ga law,” nga ai.

TARA JAHPRANG 12:16

Shing ngu ti mung asai hpe lusha zawn lang lu na n rai; hka hpe zawn dai sai hpe ga de ru hkaw na rai myit dai.

TARA JAHPRANG 12:23

Asai hta asak rawng nga ai majaw asai naw rawng ai ashan hpe chyu sha n sha lu na rai myit dai. Dai re ai majaw asak hpe ashan hte rau nanhte sha lu na n rai.

TARA JAHPRANG 14:21

“Shi hkrai si ai dusat ashan hpe hkum sha myit. Nanhte hta hkan nga ai maigan masha ni hpe jaw sha na rai myit dai; shing n rai kaga maigan masha ni hpe dut ya na mai nga ai. Rai ti mung dai Madu nanhte a Karai Kasang nanhte hpe madu da nga ai majaw nanhte gaw shi a amyu masha ni rai nga myit dai. “Sagu bainam kasha hpe kanu a chyu hte hkum shapyaw myit.

TARA JAHPRANG 15:23

Rai ti mung dai ni a asai hpe lusha hku mai lang na n rai; shing rai na malai hka hpe zawn ga de ru hkaw kau na rai myit dai.

1 TIMOHTI 4:4

Karai Kasang hpan da sai arai yawng mayawng chyawm gaw mai kaja nga ai rai nna hpa baw shahpa hpe mung koi gam ra na n rai; rai ti mung shahpa yawng mayawng hpe chyeju shakawn akyu hpyi ai hte hkam la ra ga ai.

1 SAMUELA 14:32

gumlau hpyen ni kaw na shanhte kashun la lu ai sagu hte dumsu kasha ni hpe dai shara hta nan sat tawn nhtawm shan hte asai katsing hprap hprap sha ma ai.