NINGPAWT NINGHPANG 9:3 - Jinghpaw Common Language Bible 2009

³ Ya chyawm gaw, dai ni hpe mung, tsit lali ai namlaw namlap ni hpe mung nanhte sha lu na myit dai; nanhte a matu lusha tai u ga she, dai yawng mayawng nanhte hpe ngai jaw da nngai.

Jinghpaw Hanson Version Bible

³ Nsoi nsa rawng nna shamu shamawt chye ai baw mahkra gaw nanhte a matu shahpa tai na rai nga ai: tsit lali ai nsi naisi hpe zawn, yawng mayawng ngai nanhte hpe jaw da masade ai.

NINGPAWT NINGHPANG 9:3 ပူးပေါင်းရင်းမြစ်များ

NINGPAWT NINGHPANG 9:2

Dusat yam nga ni mung, ntsa malen u ni hte hka kata na nga ni yawng mung nang hpe hkrit hkungga na mara ai. Dai ni yawng hpe na a lata hta ap da ya nga nngai.

JAW JAU 22:8

Shi hkrai si mat ai hte matse labye ni e kawa sat ai yam nga ashan sha lu na n rai; dai gaw shi hpe n san n seng shangun na rai wu ai. Ngai gaw dai Madu rai nga nngai.

ROMA 14:14

Hpa baw sha hpa rai ti mung, de a npawt nhpang sagawn yu yang, nawku htung lai hku nna awu asin re ai lusha re, ngu nna tsun na lam mi n nga ai ngu ai hpe Madu Yesu hta ngai asak hkrung nga ai majaw hkrak chye lu nngai. Rai ti mung masha langai ngai gaw lusha lama ma hpe awu asin re ai nga nna myit nga yang gaw dai arai gaw shi a matu awu asin rai nga lu ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 14:20

Lusha shahpa nhkan e Karai Kasang a bungli hpe hkum sharun shabya kau et. Shahpa yawng mayawng gaw sha na mai nga ai, rai ti mung dai shahpa sha ai a majaw masha kaga wa hpe yubak mara hta kataw bang shangun ai rai yang gaw nang mara lu nga ndai.

ROMA 14:3

Amyu myu sha ai wa gaw, n sha ai wa hpe hkum jahpoi u ga, n sha ai wa mung sha ai wa hpe hkum jeyang u ga, hpa majaw nga yang, Karai Kasang gaw dai wa hpe hkap hkalum la sai.

1 KORINHTU 10:23

“Shanhte gaw, Anhte hpa rai ti mung galaw lu na ahkang lu ga ai,” nga nna shanhte tsun ma ai. Dai gaw teng nga ai, rai ti mung galaw ai amu yawng mayawng hte wa mai kaja ai n rai. Anhte gaw yawng mayawng galaw na ahkang lu ga ai, rai ti mung yawng mayawng wa shadaw shagrin lu ai n rai.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

TARA JAHPRANG 12:15

“Rai ti mung nanhte nga ai shara shagu hta nanhte a yam nga ni hpe n dut n dang sat sha lu na rai myit dai. Dai Madu nanhte hpe nhpaw n-ya jaw ya ai hpe sha mai na rai myit dai. Chyahkyi, zau nyi shan ni hpe nanhte sha myit dai zawn htung hte maren san seng ai hte n san n seng ai ni yawng hpe mung sha mai nga myit dai.

KOLOSE 2:16

Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.