NINGPAWT NINGHPANG 8:9 - Jinghpaw Common Language Bible 2009

⁹ rai ti mung, hka gaw ga ntsa ting hta naw ing nga ai rai nna, hkrudu shi dung sa na shara n mu wu ai. Dai u mung sanghpaw li de bai nhtang wa ai. Noa mung lata ladawn nna hkrudu hpe hkap jum la nhtawm sanghpaw li kata de jashawn la wu ai.

Jinghpaw Hanson Version Bible

⁹ Ga ntsa ting e hka naw ing nga ai majaw hkrudu gaw shi a lagaw hte dung sa na shara n mu wu ai rai nna, dai sanghpaw li de Noa kaw bai nhtang wa ai; Noa mung lata ladawn nna hkrudu hpe hkap jum la nhtawm sanghpaw li kata de jashawn la wu ai.

NINGPAWT NINGHPANG 8:9 ပူးပေါင်းရင်းမြစ်များ

NINGPAWT NINGHPANG 8:10

Dai kaw nna nhtoi sanit ya du hkra, shi naw la nhtawm hkrudu hpe bai dat dat wu ai.

NINGPAWT NINGHPANG 8:8

Shing rai nga yang, Noa gaw hka yawm mat wa sai hpe chye lu hkra nga, hkrudu hpe mung dat dat yu wu ai;

SHAKAWN KUNGDAWN 116:7

Nye a myit masin e, dai Madu gaw nang hpe mai kaja ai chyeju madun dan nit dai majaw, kam hpa nga u.

ESAIA 60:8

Sumwi ni zawn mawng nna, tsip de nhtang wa nga ai hkrudu ni zawn Ndai sanghpaw li ni kaning re ai ni rai nga a ta?

EZEKELA 7:16

Masha nkau mi gaw pa kadit ni kaw na pyen htaw lung wa ai hkrudu ni zawn, bum de hprawng lawt lu na mara ai. Shanhte yawng mung shanhte a shut hpyit ai yubak ni a jaw e kraw madai na mara ai.

MAHTE 11:28

Lit li gun nna hki ba la ai ni yawng hte e, ngai kaw wa marit; ngai nanhte hpe ban sa shangun na made ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

TARA JAHPRANG 28:65

Nanhte gaw ngwi pyaw sim sa lam hpe kanang e mung mu lu na myit dai n rai; nanhte hpe shaga ai shara kanang e mung nga na n rai; dai Madu mung nanhte hpe masin kahpra ai, myit mada shara n nga ai hte myit daw myit hten ai lam jahkrum na rai wu ai.