NINGPAWT NINGHPANG 8:1 - Jinghpaw Common Language Bible 2009

¹ Karai Kasang gaw Noa hte shi hte rau sanghpaw li hta rawng nga ai yam nga ni yawng hpe malap kau wu ai n rai; shi gaw nbung wa shangun dat ai rai nna, dai hka gaw yawm hpang wa nga ai.

Jinghpaw Hanson Version Bible

¹ Shaloi Karai Kasang gaw Noa hte shi hte rau sanghpaw li hta rawng ai ashu ashan mahkra hte yamnga yawng hpe dum wu ai: dai majaw Karai Kasang gaw ga ntsa e nbung shabung dat wu ai rai nna, hka hpungtun ni sim mat ma ai;

NINGPAWT NINGHPANG 8:1 ပူးပေါင်းရင်းမြစ်များ

NINGPAWT NINGHPANG 19:29

Rai ti mung Lawt shanu nga yu sai dai kadit na mare ni hpe Karai Kasang jahten kau ai majaw, Abraham hpe shi dum wu ai rai nna Lawt hpe shim ai shara de shalawt dat na ahkang jaw wu ai.

NINGPAWT NINGHPANG 30:22

Karai Kasang gaw Rahkela hpe dum wu ai rai nna shi a akyu hpyi ga hpe htan ya ai hte kashu kasha shaprat na lam hpaw ya wu ai.

NINGPAWT NINGHPANG 9:10

hkrung mahkrung yawng hte mung, ntsa malen u ni hte dusat yam nga ni yawng hte nang hte rau sanghpaw li kaw na pru wa ai amyu shagu hte hte mung, nye a ga shaka hpe tawn da nga nngai.

NEHEMIA 13:14

Nye a Karai Kasang e, na a Nawku Htingnu a matu mung, dai hte seng ai nawku daw jau ai amu ngu ai ngai galaw ni ai ndai amu yawng hte hpe adum nga u law.

NEHEMIA 13:22

Ngai gaw Lewi masha ni shanhte hkum jasan jaseng na matu mung, Bansa Nhtoi hpe teng teng chyoi pra nga na matu mung chyinghka ni hpe sin na matu mung, hkang da se ai. O Karai Kasang, ndai lam a majaw ngai hpe dum nga e law, na a galu kaba ai tsaw ra myit a majaw ngai hpe matsan dum la e law.

NEHEMIA 13:29

Karai Kasang e, ndai masha ni gaw hkinjawng aya hpe mung, hkinjawng ni hte Lewi masha ni hte tawn da ai ga shaka hpe mung kaning rai awu asin di kau nga masai hpe adum nga u law.

NEHEMIA 13:31

Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

YOBA 12:15

Karai Kasang gaw marang n jahtu ya ai shaloi, hkun hkraw mat nga ai; hka bai hpaw dat ai shaloi, hka mawru du nga ai.

YOBA 14:13

Nang ngai hpe katsan ga e makoi da na hpe ngai ra sharawng nngai; na a masin kawp ai aten du hkra ngai makoi nga n-ga, dai hpang ngai hpe dum nga na matu aten langai masat da ya e law.

SHAKAWN KUNGDAWN 105:42

Shi a shangun ma kaja Abraham hte tawn da ai chyoi pra ai ga sadi ndat ga ni hpe shi dum nga wu ai.

SHAKAWN KUNGDAWN 106:4

Madu e, na a amyu masha ni hpe nang karum ndai shaloi, ngai hpe mung dum nga et; shanhte hpe nang hkye hkrang la ai shaloi, ngai hpe mung shalawm la et.

SHAKAWN KUNGDAWN 115:12

Dai Madu anhte hpe adum nga ai hte shaman ya na ra ai; Shi gaw Israela amyu masha ni hte Karai Kasang a hkinjawng ni yawng hte hpe shaman ya na ra ai.

SHAKAWN KUNGDAWN 132:1

Madu e, Dawi hte shi hkam sha lai wa sai maru mayak lam yawng hte hpe hkum malap kau et!

SHAKAWN KUNGDAWN 136:23

Anhte sum mat ga ai shaloi, anhte hpe shi malap kau mi ai n rai; shi a tsaw ra myit htani htana agrin nga ai.

SHAKAWN KUNGDAWN 137:7

Madu e, Yerusalem mare hpe dang la ai shani, Edom amyu masha ni galaw ai amu ni hpe dum nga u; “Ndai mare hpe ga du hkra run kau gaw!,” nga nna shanhte tsun ai ga ni hpe adum nga u.

SHAKAWN KUNGDAWN 29:10

Dai Madu gaw sung ai hka ni hpe up nga ai; shi gaw htani htana hkawhkam hku up nga ai.

SHAKAWN KUNGDAWN 36:6

Na a ding man ai lam gaw bum ni zawn tsaw nga nna, na a teng man ai lam mung hka panglai zawn sung nga ai. Masha hte dusat yam nga ni gaw na a lata hta rai nga ai.

PRU MAT 14:21

Mawshe gaw shi a lata hpe panglai ntsa de ladawn dat wu yang, dai Madu mung n-gun ja ai sinpraw nbung hte panglai hka hpe kanawng shabai da wu ai. Nbung dai gaw shana tup bung nga ai rai nna panglai gaw hkun hkraw ai hkarang ga tai mat nga ai. Dai hka mung garan mat nga sai majaw,

PRU MAT 15:10

Rai ti mung Madu e, nang kaw na nsa shapraw dat yang, Egutu masha ni yawng lup si mat ma ai; dai hkrit hpa hka de, machyu zawn shanhte lup mat ma ai.

PRU MAT 2:24

shanhte a madai sharung ai nsen hpe na ya ai hte Abraham, Isak, Yaku ni hte tawn da ai ga shaka hpe dum wu ai.

GA SHAGAWP 25:23

Dingdung nbung gaw marang hpe htu shangun ai zawn, kadum kahte ai gaw teng teng myit kahtet ai hpe shabyin ya nga ai.

ESAIA 44:27

Hkang da ai ga hte maren, ngai gaw nammukdara hpe jahkyet nngai.

YEREMIA 50:38

Dai mung a ntsa e jan gri ai hte dai mung na hka nu ni hkun hkraw mat na ra ai. Babelon mung gaw hkrit hpa hpara sumla ni nga ai mung re, dai gaw mung masha ni hpe angawk angak di kau nga ai.

AMO LAIKA (AMOS) 8:7

Dai Madu Israela a Karai Kasang gaw ning ngu dagam nu ai: “Ngai gaw shanhte a n hkru ai arawn alai ni hpe galoi mung malap kau na n rai.

YONA 4:11

Dai re ai mi, tinang a hkra lata hte pai lata hpe pyi n chye ginhka ai masha sen mi mun lahkawng hte yam nga law law nga ai Ninewe mare kaba hpe ngai grau nna lahpawt dum mai ang nga ai!,” ngu nna tsun wu ai.

NAHUM 1:4

Shi panglai hka hpe daru ai hte hka gaw hkun hkraw mat a hka! Shi gaw hka nu ni hpe hkyet shangun nga ai. Bashan tsingdu pa ni kyip mat nna, Hkarmela Bum mung hkraw mat nga ai; Lebanon a nampan pu ni nyip mat nga ai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.

ZEHKARIA 10:11

Shanhte panglai tsin-yam hku lai di ai shaloi, dai Madu ngai nan panglai hka leng ni hpe kayat na nngai; Nila hka a sung ai ai shara ni hkun hkraw mat na ra ai. Gumrawng gumtawng ai Asuri gaw shagrit kau ai hkrum nna, chyalai n-gun hte hpring ai Egutu mung n-gun daw mat na ra ai,

BU HKAWM 10:9

Nanhte a mung hta majan byin nna nanhte hpe sa htim gasat ai gumlau hpyen hpe nanhte nan ninghkap shadaw nhtawm dai pahtau ni hte majan byin kumla hku dum dat ai shaloi Ngai Madu nanhte a Karai Kasang nan nanhte hpe karum la ai hte gumlau hpyen ni a lata kaw nna hkye hkrang la na made ai.

BU HKAWM 22:32

Dai lamu kasa mung, “Nang gaw hpa majaw na a lawze hpe masum lang dai zawn kayat kau n ta? Nang sa wa ai ndai hkrun lam hta n sa ang nga ndai majaw na a lam hpe ngai hkum shingdang na pru sa nngai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.

SHINGRAN 18:5

Hpa majaw nga yang, shi a yubak mara ni lamu dep hkra sumpum taw nga ai rai nna, Karai Kasang gaw shi a n hkru n shawp ai lam ni hpe myit dum matsing da nu ai.

1 SAMUELA 1:19

Hpang jahpawt e, Elakana hte shi a dinghku masha ni jau jau rawt nna, dai Madu hpe nawku ngut jang, Rama mare na nta de bai wa mat ma ai. Elakana mung shi a madu jan Hana hte kanawn wu ai rai nna dai Madu gaw shi a akyu hpyi ga hte maren htan ya wu ai.