NINGPAWT NINGHPANG 7:7 - Jinghpaw Common Language Bible 2009

⁷ Shi hte shi a madu jan, shi a shadang sha ni hte shanhte a madu jan ni gaw sha-u sha-ing ai kaw nna lawt lu hkra nga, sanghpaw li kata de shang ma ai.

Jinghpaw Hanson Version Bible

⁷ Shaloi Noa gaw sha-u ing ai hka a majaw, shi a shadang sha ni hte, shi a madu jan hte shi a kanam ni hte rau dai sanghpaw li de shang ma ai.

NINGPAWT NINGHPANG 7:7 ပူးပေါင်းရင်းမြစ်များ

NINGPAWT NINGHPANG 6:18

rai ti mung, nang hte chyawm gaw ga shaka ngai tawn da na nngai. Nang hte na a madu jan mung, na a shadang sha ni hte shanhte a madu jan ni mung sanghpaw li kata de shang wa mu.

NINGPAWT NINGHPANG 7:1

Dai Madu gaw Noa hpe, “Nang hte na a nta masha ni yawng dai sanghpaw li kata de shang manu; ndai mungkan ga yawng hta jaw ai amu galaw ai gaw nang chyu sha rai nga ndai hpe ngai mu se ai.

GA SHAGAWP 22:3

Chye myit chye mang ai masha ni gaw du wa na ru yak tsin-yam hpe tau mu nna, dai hpe koi yen ti mung; nyan tang ai ni chyawm gaw dai tsin yam kata de shang bang wa nna, hpang e she shut dum na mara ai.

MAHTE 24:38

Sha-u garai n ing ai nhtoi ni hta masha ni gaw Noa hte nta masha ni sanghpaw li de shang wa ai nhtoi du hkra, lu lu sha sha, num la num ya, rai nga ma ai.

LUKA 17:27

Noa sanghpaw li de shang ai shani du hkra nan, masha ni gaw, lu let, sha let, num la num ya rai nga nga ma yang, sha-u ing wa nna shanhte yawng hpe yeng seng kau mu ai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

1 PETRU 3:20

Dai wenyi ni gaw shawng de Noa sanghpaw li shachyaw ai nhtoi ni hta Karai Kasang gaw myit galu kaba hte ala nga yang shi hpe n madat n mara ai ni a wenyi ni rai ma ai. Dai sanghpaw li hta masha n law la ai-yawng rai yang she marai matsat sha hka hta na hkye la ai hkrum ma ai.

2 PETRU 2:5

Karai Kasang gaw moi prat nna mungkan masha ni hpe mung hkyamsa n jaw ai sha tara n hkung ga ai masha ni a mungkan hpe sha-u sha-ing kau mu ai; ding hpring ai lam hpe hkaw tsun ai wa Noa hpe chyu sha, kaga marai sanit hte hpawn shi hkye la wu ai.