NINGPAWT NINGHPANG 6:9 - Jinghpaw Common Language Bible 2009

^9-10 Da ndai gaw Noa a maumwi rai nga ai. Shi gaw shadang sha masum lu ai; dai ni gaw Shem, Ham, hte Yahpet ni rai nga ai. Noa gaw yubak mara hpa mung n lu ai hte shi a aten hta shi chyu sha mai kaja ai wa rai nga ai. Shi gaw Karai Kasang hte rau kanawn mazum let hkrung nga ai.

Jinghpaw Hanson Version Bible

⁹ Ndai gaw Noa a maumwi lam rai nga ai: Noa gaw dinghpring ai hte, dai aprat na ni hta hkum tsup ai wa rai nga ai: Noa gaw Karai Kasang hte rau ahkawm asa nga ai.

NINGPAWT NINGHPANG 6:9 ပူးပေါင်းရင်းမြစ်များ

NINGPAWT NINGHPANG 10:1

Ndai lam ni gaw Noa a shadang sha ni rai nga ai, Shem, Ham hte Yahpet ni a aru arat ni rai ma ai. Dai masum hte gaw sha-u ing ai hpang e shadang sha ni hpe shaprat ma ai.

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 2:4

Ndai hte gaw ninggawn tawa amu hpe kaning rai hpan da nga ai lam rai nga ai. Dai Madu Karai Kasang gaw ninggawn tawa hpe hpan hpajang da yang,

NINGPAWT NINGHPANG 48:15

Dai hpang shi gaw Yosep hpe shaman ya wu ai: “Nye a kaji kawa ni rai nga ai Abraham hte Isak daw jau ai Karai Kasang gaw ndai ma yan hpe shaman ya u ga law! Ngai hpe lam woi nga ai Karai Kasang gaw ndai yan hpe dai ni jang shaman ya u ga law!

NINGPAWT NINGHPANG 5:1

Ndai gaw Adam a amyu matu ni a labau lasang lam rai nga ai. (Karai Kasang shinggyim masha ni hpe hpan da ai shaloi shi hkum nan hte bung hkra galaw da nu ai.

NINGPAWT NINGHPANG 5:22

Dai hpang, shi gaw Karai Kasang hte 300 ning tup rau hkawm rau sa ai hte kaga shayi shadang sha ni hpe mung shaprat wu ai.

NINGPAWT NINGHPANG 5:24

Shi hkrung nga ai hte yang Karai Kasang hte kanawn mazum nga wu ai, dai hpang shi n nga mat sai, hpa majaw nga yang Karai Kasang shi hpe woi la kau nga sai.

NINGPAWT NINGHPANG 7:1

Dai Madu gaw Noa hpe, “Nang hte na a nta masha ni yawng dai sanghpaw li kata de shang manu; ndai mungkan ga yawng hta jaw ai amu galaw ai gaw nang chyu sha rai nga ndai hpe ngai mu se ai.

2 SAMUELA 22:24

Ngai hta mara n kap nga ai majaw shut hpyit amu galaw ai kaw na mung ngai koi yen nga ai hpe shi chye nga ai.

1 HKAWHKAM 3:6

Shawlumon gaw, “Na a shangun ma nye a kawa Dawi gaw mai kaja ai, sadi dung ai hte myit malang ai hku hkan let nang hte matut mahkai nga ai majaw nang shi hpe tut nawng tsaw ra myit kaba madun dan ya nga ndai; shi a magam tingnyang hta dai ni hkaw galai dung let up hkang na shadang sha langai mi mung shi hpe jaw ya let na a galu kaba ai hte dinggrin tsaw ra myit matut nna shi hpe madun dan nga ndai.

2 HKAWHKAM LABAU 15:17

Asa gaw mungdan kata na tara maigan masha ni a nawku shara ni yawng hpe n lu jahten sharun kau lu ti mung, shi naw hkrung nga ai prat tup dai Madu hta sadi sahka hte naw nga nga ai.

2 HKAWHKAM LABAU 25:2

Shi gaw dai Madu awng sharawng ai amu hpe galaw ti mung myit lawm ai hku galaw ai n rai.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

YOBA 1:8

Dai Madu gaw, “Nye a shangun ma Yoba hpe nang matsing da wu ni? Shi gaw kam sham nna mai kaja ai wa rai nhtawm shi zawn re ai mi ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa mung n galaw nga ai,” ngu nna san wu ai.

YOBA 12:4

Ya chyawm gaw nye a manang ni pyi ngai hpe mani ma ai; ngai gaw ding man ai hta mara n kap nga tim pyi, shanhte mani ma ai; rai ti mung Karai Kasang gaw nye a akyu hpyi ga ni hpe htan ya ai aten nga nga yu sai.

SHAKAWN KUNGDAWN 37:37

Mai kaja ai masha wa hpe matsing da u, ding hpring ai masha wa hpe maram masam yu u; ngwi pyaw sim sa ai masha wa gaw aru arat law law lu nga ai;

SHAKAWN KUNGDAWN 37:39

Dai Madu gaw ding hpring ai masha ni hpe hkye hkrang la nna, ru tsang hkrum ai aten ni hta shanhte hpe makawp maga ya nga ai.

GA SHAGAWP 4:18

Ding hpring ai ni a hkrun lam gaw jan pru wa ai zawn rai nga ai; dai gaw shani nhtoi hkung wa ai aten du hkra, grau grau nna, htoi leng wa nga ai.

HPAJI NINGLI 7:20

Ndai ginding aga ntsa hta galoi mung n shut n shai ai sha, aten shagu jaw hkrak ai hku amu galaw lu ai masha n nga nga ai.

EZEKELA 14:14

Noa, Danela (Daniela) hte Yoba mying ai marai masum gaw, dai yang e nga nga ma ti mung, shanhte a mai kaja ai amu hte chyu sha shanhte a asak hpe hkye la lu na ma ai,” ngu nna tsun ai. Tsaw Htum ai dai Madu tsun nu ai.

EZEKELA 14:20

dai shara hta Noa, Daniela hte Yoba ni nga nga tim pyi, Tsaw Htum ai dai Madu ngai nan ahkrung nga ai Karai Kasang rai nga nngai, dai majaw, shanhte gaw shanhte a kashu kasha ni hpe pyi mawai la lu na ma ai n rai. Shanhte galaw ai mai kaja ai amu hte chyu sha tinang a asak hpe hkye mawai la lu na ma ai.”

HABAKU 2:4

Ndai gaw mungga rai nga ai: ‘N hkru ai ni gaw hkrung nga lu na ra ai n rai, rai ti mung ding hpring ai ni gaw hkrung nga na ra ai hpa majaw nga yang shanhte gaw Karai Kasang hta sadi dung nga ma ai.’”

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

LUKA 23:50

Yuda mung na Aramahti ngu ai mare kaw na, Yuda mung bawng salang hpung hta lawm ai Yosep mying ai wa langai mi nga ai. Dai wa gaw mai kaja ai hte hkungga ging ai masha langai mi rai nna Karai Kasang a Mungdan du sa wa na ra ai lam hpe myit mada nga ai wa mung rai nga ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

ROMA 1:17

Dai hta kaga, “Karai Kasang hta ding hpring ai wa gaw kam sham ai hte hkrung nga lu na ra ai,” nga nna Chyum ga hta ka da nga ai hte maren Karai Kasang gaw masha ni hpe gara lai hku nna sharawng awng hkap la nga ai lam dai Kabu Gara Shiga hta shadan dan nga ai. Dai gaw shawng ningpawt kaw nna jahtum du hkra kam sham ai lam rai nga ai.

GALATI 3:11

Chyum Laika hta, “Karai Kasang hpe kam sham ai hte ding hpring ai wa re ngu nna sawn ya hkrum ai wa gaw asak hkrung nga na ra ai,” nga nna ka da nga ai majaw, dai jep ai Tara hpe hkan sa shatup ai hte Karai Kasang a man e, kadai mung ding hpring lu na n re ai gaw, dan dan leng leng rai nga ai.

TARA JAHPRANG 18:13

Dai Madu hta tsep kawp sadi dung nga mu.”

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

2 PETRU 2:5

Karai Kasang gaw moi prat nna mungkan masha ni hpe mung hkyamsa n jaw ai sha tara n hkung ga ai masha ni a mungkan hpe sha-u sha-ing kau mu ai; ding hpring ai lam hpe hkaw tsun ai wa Noa hpe chyu sha, kaga marai sanit hte hpawn shi hkye la wu ai.