NINGPAWT NINGHPANG 6:2 - Jinghpaw Common Language Bible 2009

² sumsing shadang sha ni ni gaw dai shayi sha ni tsawm htap nga ma ai hpe mu ma ai rai nna, shanhte yu ra nga ma ai hte maren la ma ai.

Jinghpaw Hanson Version Bible

² Karai Kasang a shadang sha ni gaw shinggyim masha ni a shayi sha ni tsawm htap nga ma ai hpe mu mu ai rai nna, tinang ra ai hte maren num lata la ma ai.

NINGPAWT NINGHPANG 6:2 ပူးပေါင်းရင်းမြစ်များ

NINGPAWT NINGHPANG 12:11

Egutu mung a lamu ga jarit de lai bang wa nga yang, shi a madu jan Sarai hpe, “Nang gaw ahpraw tsawm ai num rai nga ndai.

NINGPAWT NINGHPANG 24:3

“Na a lata nye a magyi lapran hta bang nna dagam ru. Ngai sha a matu ningrum ningtau langai ndai Hkanan mung na shayi sha ni hpe n lata hkrup lit ga, sumsing lamu hte ginding aga a Madu Karai Kasang a mying nsang hta ngai nang hpe dagam shangun mayu nngai.

NINGPAWT NINGHPANG 26:35

Dai yan gaw Isak hte Rebeka hpe myit ru shoi chyum shangun mu ai.

NINGPAWT NINGHPANG 27:46

Rebeka gaw Isak hpe, “Ngai gaw Esaw a maigan num ni a majaw hki ba ai hte masin yu machyi la nga nngai. Yaku mung ndai Heti numsha ni hta na langai mi hpe la hkrup ai rai yang gaw si mat na mahtang ngai ging nga nngai,” ngu nna tsun wu ai.

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

NINGPAWT NINGHPANG 4:26

Shet mung shadang sha langai lu ai rai nna shi hpe Enusha ngu nna shamying wu ai. Dai aten kaw nna nawku daw jau ai hta dai Madu a chyoi pra ai mying ningsang hpe amyu masha ni lang hpang wa masai.

NINGPAWT NINGHPANG 6:1

Shinggyim masha gaw mungkan ga ting hta chyam bra wa nna, shayi sha ni shangai wa ma ai shaloi,

NINGPAWT NINGHPANG 6:3

Dai hpang dai Madu gaw, “Shinggyim masha ni hpe ngai htani htana ahkrung nga shangun na n rai; shanhte gaw si chye ai ni rai nga ai. Shanhte gaw ya kaw nna asak latsa e hkun ning hta n jan ai sha nga lu na rai ma ai,” ngu nna tsun wu ai.

2 SAMUELA 11:2

Lani mi na shana de maga chyahkring mi myet nga nna yup la ai hpang, Dawi rawt wa nhtawm shi a hkawhkam hkaw numgaw de sa wa wu ai. Dai yang e shi kayin hkawm wu yang, yu u, numsha langai mi shi a nta e hka shin nga ai hpe mu dat wu ai. Dai numsha chyawm gaw ahpraw asam mung grai tsawm nga ai.

EZRA 9:12

Shanhte anhte a amyu matu ni dai mungdan hta kabu gara ai hte htani htana madu la shangun na matu rai yang, shanhte gaw dai masha amyu ni hte kayau kaya rai dinghku galoi mung n de na matu mung, shanhte a ngamu ngamai lam hte awng dang ai amu ni hta galoi mung n shang karum la na lam mung anhte hpe tsun mi ai.

YOBA 1:6

Sumsing sha ni dai Madu a man de dan pru na nhtoi du jang, Satan mung shanhte hta hkan ganan nang nga ai.

YOBA 31:1

Ngai gaw numsha langai hpe ngang gayut ai myi hte galoi mung n mada yu na ngu, ga sadi dagam da se ai.

PRU MAT 34:16

Nanhte a shadang sha ni mung maigan num ni hpe la nhtawm ngai hta sadi n dung shangun ai hte shanhte a tara maigan hpara ni hpe woi nawku shangun na mara ai.

ESAIA 63:16

Nang gaw anhte a kawa rai nga ndai. Anhte a kaji kawa ni rai nga ai Abraham hte Yaku yan gaw anhte hpe n chye mi ai, rai ti mung Madu nang gaw anhte a kawa rai nga ndai, anhte hpe tut nawng hkye mawai la ai wa mung rai nga ndai.

MALAHKI 2:11

Yuda amyu masha ni gaw Karai Kasang hpe jaw ai shanhte a ga sadi hpe run kau nhtawm Yerusalem hte mungdan ting hta matsat shabat amu galaw ma ai. Dai Madu tsaw ra ai Nawku Htingnu hpe shanhte awu asin di kau mu ai. Lasha ni gaw maigan karai ni hpe nawku ai numsha ni hpe hkungran la ma ai.

MALAHKI 2:15

Karai Kasang gaw nang hpe shi hte hkum shan wenyi langai sha di hpan da sai n rai ni? Ndai lam hta shi a yaw shada ai gaw hpa rai nga a ta? Dai gaw jet ai Karai Kasang a amyu masha ni rai nga ai kashu kasha ni hpe nang shangai nga ndai. Dai re ai majaw nanhte kadai mung tinang madu jan hpe jaw da ai tinang a ga sadi hpe teng teng run lu na n rai.

1 KORINHTU 7:39

Hkungran sai num langai mi gaw, shi a madu wa ahkrung nga dingsa shi hte naw makyit nga ai; rai ti mung, madu wa si mat sayang gaw shanglawt lu sai rai nna shi ra ai kadai wa hte rai tim, hkungran lu sai. Rai ti mung, dai hkungran ai lam gaw Hkristan lasha hte rai ra nga ai.

2 KORINHTU 6:18

Nanhte a Kawa ngai tai na nngai, rai nna nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun atsam rawng ai Madu gaw atsun nga ai.”

TARA JAHPRANG 14:1

“Nanhte gaw dai Madu nanhte a Karai Kasang a amyu masha ni rai nga myit dai. Si ai wa a matu sharung shayawt myit yang, kaga masha ni zawn tinang hkum hpe hkum gadoi jahpye nga myit. Nanhte a kahtan kara hpe mung hkum doi kau myit.

2 PETRU 2:14

Shanhte gaw kaga hpa hpe mung n yu ra ma ai, arawn alai hten ai num ni hpe sha yu ra ma ai; shanhte yubak galaw ai majaw hkam la lu ai namchyim a myit dik hpa lam n htum hkraw malu ai. Shanhte gaw makam masham n-gun kya ai masha ni hpe shanhte a mahkam hta lu hkra lau la mu ai. Shanhte a myit masin ni hpe nammak lawhpa chye na matu shaman shakyang manu ai. Shanhte gaw Karai Kasang a dagam dala ai hkrum nga masai.

1 YAWHAN 2:16

Dinghta ga hte seng ai arai nga manga, hkum shan a kayut ai lam ni, masha ni myi hte mu nna ra marit ai lam ni hte, ndai mungkan na masha ni a gumrawng gumtawng ai hte grang ai lam shagu gaw, gara mung Kawa kaw nna pru ai n rai; dai yawng mayawng gaw dinghta ga kaw na pru ai rai nga ai.